حــب وغــرام

يابعد من نادوا اسمه ووجهله كلام=ويابعد من يلبسن الطرح فوق العبي

ويابعد من لجل عينك وصل حد الغرام=تاه في درب المحبه وهو توه صبي

يافديت عيونك اللي بها سحر وهيام=ويافديت الوجنه اللي تضمن مكسبي

ويافديت الجمر والثلج يابرق الغمام=كل مالاحت تطمنت واضمن مشربي

ياحلالٍ من يحرمك ياثم بالحرام=ايه هذا الصدق ماهو تفلسف وكذبي

يمكن اكونك ديوان بامسمى مرام=واتفلسف بك قوافي واحقق مطلبي

دامني في مركب التيه في ستر الظلام=شرهتي في شعري اللي تحمل لعتبي

ايه ابوزنها على موجة احكام ونظام=والوفا والصدق هذا ترا بسد شنبي

ذا كلام الجابري من وفا ماهو يلام=لو باخر وقتنا عقول بافكار تهبي

ويش جاب الطاري ومقصدي حب وغرام=الله يبارك بمن تسبي فوادي سبي

الهنوف اللي خذت شي ماعمره يسام=بس انا اللي من غلاها عطيت اللي تبي

ويابعد من نادوا اسمه وطروبه كلام=ويابعدهن كلهن انتي اكبر مكسبي

	ويافديت الجمر والثلج يابرق الغمام=كل مالاحت تطمنت واضمن مشربي ياحلالٍ من يحرمك ياثم بالحرام=ايه هذا الصدق ماهو تفلسف وكذبي

جمر وثلج وبرق ياخلف !!

بين وبين وبين مين اللي بيميز الحلال من الحراام !

ياخلف
المطوع وهو مطوع مو خلف الشاعر
المطوع يوم شاف خديد ساره = طبق المصحف وعذر بالصلاتي
هذا وهو ماشاف الا الخديد اجل كيف لو شاف جمر وثلج وووو




خلف الجابري

عودة حميدة وموفقة بعد انقطاع
اثاري انقطاعك تحضير لهالقنبله


قصيدة راائعة استمتعت بها
وابداع عهدناه من خلف ابو جابر





سلمت يداك يامبدع


كلك ذوق


...

.
.
.


اييييييييييييييه كل دا

ترجع اللي كاره الشعر للشعر

خلني امخمخ عليها وارجع

.
.
.

وياااااا بعدي انت

كل هنوف تمنى تكون لها

وحظ منهي لها

وحظك بالجمر والثلج وهي مجتمعه

ودي ان وافي يقفل قسم الشعر عشان ماشوف مثل هالهنوف

ونرتاح من كل الهنانيف والهنوفات

	المشاركة الأصلية كتبت بواسطة wafei

	جمر وثلج وبرق ياخلف !! بين وبين وبين مين اللي بيميز الحلال من الحراام ! ياخلف المطوع وهو مطوع مو خلف الشاعر المطوع يوم شاف خديد ساره = طبق المصحف وعذر بالصلاتي هذا وهو ماشاف الا الخديد اجل كيف لو شاف جمر وثلج وووو خلف الجابري عودة حميدة وموفقة بعد انقطاع اثاري انقطاعك تحضير لهالقنبله قصيدة راائعة استمتعت بها وابداع عهدناه من خلف ابو جابر سلمت يداك يامبدع كلك ذوق ...

.وافي
والله ان بعض الازوال خراب دين .

ماتسمع بفتنت الجمال.

والجابري عاد قلبه تعرفه خضر ومربع دائم!!

والجمر والثلج كون بلحاله.


استاذ وافي انت دائم وافي فديتك.

الابداع انت منهله ومرورك فخر لاعدمتك.

زدت قصيدتي جمال وكمال في مرورك النير.

وافي الوافي دمت وافي.

	المشاركة الأصلية كتبت بواسطة راع المشاعر

	. . . وياااااا بعدي انت كل هنوف تمنى تكون لها وحظ منهي لها وحظك بالجمر والثلج وهي مجتمعه ودي ان وافي يقفل قسم الشعر عشان ماشوف مثل هالهنوف ونرتاح من كل الهنانيف والهنوفات

ويابعد تسبدي انت.
وانت مرورك امنيه ورزقني فيها الله


بس قول ماشاء الله لاتحرمني جمري وثلجي

اقول امسك قلبك واعصره لين ينشف والله ان معاد يفكر بالهنانيف

راع المشاعر نورت يابعدي.

اشكرك على مرورك الرائع

دمت بود

يافديت عيونك اللي بها سحـر وهيـام
ويافديت الوجنه اللي تضمـن مكسبـي

ويافديت الجمر والثلج يابـرق الغمـام
كل مالاحت تطمنـت واضمـن مشربـي

==========
=====

الله الله عليك خلف

وانا اقول فديت من يبدع اذا فكر ويبدع اذا كتب

كاد الحرف أن ينطق بين السطور بعذوبة فن الكلمات

لله درّك وصح لسانك شاعرنا ..

	المشاركة الأصلية كتبت بواسطة أبو خـ البجادي ـالد

	يافديت عيونك اللي بها سحـر وهيـام ويافديت الوجنه اللي تضمـن مكسبـي ويافديت الجمر والثلج يابـرق الغمـام كل مالاحت تطمنـت واضمـن مشربـي ========== ===== الله الله عليك خلف وانا اقول فديت من يبدع اذا فكر ويبدع اذا كتب كاد الحرف أن ينطق بين السطور بعذوبة فن الكلمات لله درّك وصح لسانك شاعرنا ..

ياهلا وغلا بالشيخ ابا خالد.

وفديتك يابعدي وفديت ذوقك.

انت من يجمل ويكمل بمرورك العطر الذي زادني فخر وشرف .

ابو خالد اشكرك من الاعمااااق على كلماتك الطيبه.

وصح بدنك .


ولك صادق التحايا

الله الله الله علييييك
ابداااااااع عهدناه من خلف الجابري

بس الله والعالم بدا فيك ماصاب وافي
صاير بخيل

صح لسانك وباانتظار جديدك

..

لاجديد كما عودتنا على التميز دوما
صح لسانك ياخلف