مذكرات طالبة جامعية (6)

[c]|84| تحذير |84|
.......
يمنع منعاً باتاً نسخ أو اقتباس أي جزء من هذه المذكرات دون إذن خطي من كاتبتها ..
.....


تنويه
لم تكن المتعة فقط هي هدفي من الكتابة ولن تكون , فمثلي قد رسم
لنفسه أسلوباً في العيش والحياة , أردت أن أعيش بعين مفتوحة , ناقدة , يسير بأمرها قلمي ..
ولن يكون لي هدف ومغزى غير الإسهام فعلياً في التصحيح ..
مذكرات طالبة جامعية , ماهي إلا فلاشات أسلطها على أكثر القصص غرابة , وأشدها إيلاماً ..
لن تكون غير تصوير حي لما يجري في وسط عشت فيه الآن مايقارب الأربع سنوات ولا زال مشواري فيه طويلاً ..

مذكرات طالبة جامعية , هو صوت فتاة ترى وتسمع وتعي تماماً ما يجري حولها ..

مذكرات طالبة جامعية , ليست حملة إعلانية , تروج ما سيطرح فيها من سلبيات ..
بل هي مبضع جراح يشق الجرح ويتمنى أن يساهم في تطهيره ..

فمن سيلتهم كلماتها ليؤولها لأهداف مريضة , لا مكان له هنا ..

ودمتم أنقياء..



سلسلة مذكرات طالبة جامعية
(1)
(2)
(3)
(4)
(5)
.......
[/c]

[c]الثلاثي المرح ورسالة الجامعة [/c]


في سنتن من السنين .. يوم كان دم الثورة يغلي في عروقنا نحن الثلاثي المرح, قررنا أننا نسوي شي|116| !!
بعد ماطلعنا من محاضرة تمارين تعطيها معيدة ثقيلة دم , وشايفة نفسها ومالها داعي ولا تدري وش السالفة بعد..
متعتها تلاقيها في تهزيء الطالبات, ونجاحها في فشلهم, وسعادتها في كسر خواطرهم, وعزتها تلاقيها لما تطالعهم بنص عين ..
اجتمعنا إحنا الثلاثة أنا و"ملاك" و "دينا" وبدينا نتشكى, الدكتورة فلانة ما تشرح كويس, والأستاذة العلة شايفة نفسها, والقسم أصلاً كله يبي له إعادة تأهيل..
ومن حالة اليأس اللي كنا فيها صرنا نقترح حلول مجنونة ..

دينا: بنات كل اللي علينا إننا نكتب رسالة نقول فيها كل اللي عندنا, لكل وحدة مانحب فيها شي رسالة وحدة, وننتظر لآخر الدوام ولا نجي الصباح بدري قبل لا يجي أحد, وندخل هالرسايل من تحت باب مكاتبهم وننحااااااااااااااش|14|...

ملاك: بعدين يا حلوة افرضي سووا اختبار خطوط واكتشفوا احنا مين|13| !!

دينا: قلت لك بطلي تتابعين أفلام بس ما تسمعين الكلام|12| ...

ملاك: مااااااااحبك ..

أنا: تصدقون فكرة !|86|

دينا: اسم الله عليك عسى ما صدقتِ , تراني أمززززح..

أنا: من جد فكرة.. بس مو رسايل لهم..
خلونا نكتب في رسالة الجامعة موضوع هجاء ..

دينا: مارح ينزلونه إلا بعد سنة, على بالك بينزل على طول؟

ملاك: صح وإذا مانزل هالأيام ماعاد نبيه خلاص..

أنا: ماعليكم هالموضوع خلوه علي..
فيه واحد اسمه "...." يشتغل في رسالة الجامعة بمنصب"....." رح يساعدنا ..

دينا: وش دراك؟

أنا: أدري, سمعت عنه من وحدة من البنات, خطير ..
كل اللي علينا إننا نرسل له الموضوع على ايميله برموز وهو رح ينشره بإذن الله..

ملاك: والله فكرة .. يالله بسرعة .. وش عنوان الموضوع؟

دينا: رجاءً إلى متى صبري رجااااءً |8|..

ملاك: ترى ببكي ..

أنا: بس اسمعوا انتِ وياها.. ترى أهم شي مانبي أحد يشم ريحة الخبر هذا, وإلا والله رح نعتّق بهالجامعة |106|..

دينا: لا توصين حريص يالله . اكتبي..


بدينا نكتب الموضوع, وخلصناه, وأخذته معاي أبيضه وأرسله على إيميل السوبرمان من عنوان جديد أنشأته خصيصاً لهذا الغرض ..

أرسلته على إيميل السوبرمان بالليل, بكرة الظهر جاني الرد يقول باختصار الموضوع رح ينزل بإذن الله, واعتمدوا علي أنا أصلاً أبي الطلاب يثقون برسالة الجامعة ويعتبرونها مساحة بيضاء لهم, بس هذا مايعفيني ولا يعفيكم من ذكر أسماؤكم وأرقامكم الجامعية على الأقل في إيميلكم هذا, وأوعدكم محد يدري عن أي اسم وأي رقم..

أرسلت له رد أسأله عن السبب, وليه مو ممكن ينزل الموضوع إلا لما نرسل له أسماءنا وأرقامنا ..

رد علي يقول عشان بس يتأكد إننا من طالبات الجامعة, مجرد نظام بس قبل لا ينزل أي موضوع..

أرسلت له الأسماء والأرقام وطلبت منه محد يدري عشان مانبلش..

رد وقال أنه هذا سر مارح يبوح به لأحد مهما صار, إلا أمام خطر يهدد حياته !!


وفعلاً بعدها بأسبوعين نزل الموضوع, صح محذف منه أجزاء, لكن الزبدة والشي المهم فيه ماانحذف, والسيء إن العنوان تغير

أصداء الموضوع كانت راااااااائعة..
بنات القسم الرسالة بين يدينهم يقرونها, ووحدة من البنات تجي لنا مسرعة وتقول بنااااات قريتوا الرسالة؟

دينا باستغباء: الرسالة, لا ماقريتها..

أنا باستهبال: ليه شفيها؟

البنت: لا تفوووتكم والله حركة خطيرة..
موضوع منزلينه بنات في منتهى الجرأة..

أنا بغيت أفضحنا بس تمالكت نفسي في آخر لحظة: صدق!!
وريني أشوف..

لا والله مرة خطيرات, وجريئات|15|

ملاك: وشجاعات, وبنات رجال..|5|

دينا: وحلوات وأحبهم مرررررررررة ..

البنت ماتدري وش السالفة: من جد حبيتهم وأنا ماشفتهم..

دينا: إلا شفتيهم..

البنت: شدراك؟

أنا: أأأ لا تقصد إنك أكيد شفتيهم, لأنهم معانا بالقسم ..

البنت: إيه صح...

......

انتهى اليوم واحنا محد قدنا, حسينا إننا سوبرومنات ...
لما رجعت البيت بغيت أرسل ميل للسوبرمان أشكره فيه على الاستجابة السريعة, وكمان أرجع أذكره بالوعد اللي قطعه لنا..

تأخر رده لمدة ثلاث أيام..
وبعده جاني رد يقول مافيه داعي للشكر وكمان حكى لي قصة تخوف...
قال أنه رئيسة القسم عندنا كلمته بالتلفون وسألته عن أسماء البنات اللي نزلوا هالموضوع..
وش رده عليها؟
قال لها أن الموضوع هذا عنده من العام وتوه يرسله للنشر, والبنات تخرجوا الحين ..
طبعا الدكتورة ما صدقت بس عرفت أنه مارح يجاوبها على سؤالها...

.....

بعد أسبوع تقريباً من هالحدث الخطير, كنا احنا الثلاثي المرح قدام مكتب السكرتارية, شفنا دكتورة طالعة من مكتب رئيسة القسم ومعاها رسالة الجامعة!!
تشققنا لأننا تأكدنا من أن كل منسوبات القسم قروا الموضوع هذا ..

هناك قابلتنا "ريما" ومعاها سالفة خطيرة بعد..
صاحبة "ريما" ماشاء الله متفوقة وكلامها وانتقادها للقسم كثير, لكن في وجه رئيسة القسم, تقول رايها بصيغة مزح ولا عندها فيها والرئيسة تتقبل الأمر عادي..
رئيسة القسم طلبت البنت هذي في مكتبها, وقالت لها أكيد إنتِ اللي نزلتِ الموضوع هذا ..
البنت صارت تحلف وتقول والله مو أنا, وماأدري إيش وماأدري أيش...
الدكتورة تسوي نفسها ذكية وتقول لها .. عشان تثبتين لي أنه مو إنتِ نزلي موضوع تكذيب للي ورد في موضوع البنات|113| ...
البنت تفاجأت وطلبت وقت تفكر فيه...
وجت تستشير صاحبتها "ريما" اللي قالت لها طنشي وماعليك, حرام تضيعين جهد البنات على الفاضي, الدكتورة أكيد مارح تسوي لك شي لأنها ما تأكدت من إنك انتِ اللي كتبتِ الموضوع..

وطبعا إحنا أيدنا "ريما" وقررنا إننا نغتال هالبنت لو سوت غير اللي قالت لها عليه "ريما"..
وفعلاً هذا اللي صار..
البنت مانزلت موضوع تكذيب..
والدكتورة ماسوت شي..
وبعد أسبوعين .. نزل موضوع رد بقلم رئيس القسم بفرعيه الأولاد والبنات, يعني حتى رئيس القسم قراه, أكيد مدير الجامعة بعد قراه

...

وترقبوا الأجزاء القادمة مع الشمس |117|

...........

....



ثلاثي خطيـــــــــــــر
والله يستــــــــــر منكم
حوالينا ولاعلينا يااارب


الشمـــــــــــس
طلعي المستخبي كمان
ترى في كل حلقة اكتشف فيك اشياء لم تكشفها السنين


اما انك شقيه صحيح
واحنا نقول بريئة ومسالمة ولاتهش ولاتنش


حلقة راائعة ضمن حلقات الشمس الرائعة
ولو ان الباحث نقل لك عدوى التقسيط الممل
وبانتظار الحلقة السابعة
وربنا يستر من دينا وتوقعاتي انها حتجيب العيد


سلمتي الشمس




كلك ذوق ...

للجميع التحية والسلام

تسجيل قراءة ..
للعجلة وراجع بعد كم يوم .

سلاااااااااااام