للموجووووودين والفاااضين بس.. غيرهم يمتنع

يطري عليه الوله .. وأطري على باله = يامرحبا لاضوى خلي على بابي
هجيت حدب الضلوع ونوخ جماله = لاجله بكت دمعتي ولأجله ضحك نابي
وكل ما ضحك لي لمحت النور في آماله = والى تجهم سترت السقم بثيابي
وكل ما شكى من عنى همه وغرباله = أقول لعل به جرحٍ من أسبابي
طال الحكي ما لقيت الوصل بوصاله = لاني حبيبه ولا هو أقرب اصحابي
ناديت طاري المحبه مالنا وماله = بالحيل أنا وانت ربع وكننا أغرابي
يا زين كانك حزين .. فحالتي حاله = بكفيك همك وأنا بصبر على مابي
لو الشجر له نصيب فـ بارد ظلاله = ماحرق القيض جفني وأنت فـ أهدابي

السلام عليكم ورحمة الله وبركاته
صباح ومساء جميل ومميز للجميع

هجس القصايد خذا لفّـه وتدويـره = وقّف قوي العزايم واعلن رجوعـه
رجعة محنّك معه عـذره وتبريـره = دروب يمشي بها ودروب ممنوعـه
درب السعه زين لو طالت مشاويره = مهما بلغ طولها سهلـه ومقطوعـه
واللي تعسّر على الرحمن تيسيـره = سبحان من له سجود العبد وركوعه
الله وأكبـر ثمانيـن الـف تكبيـره = على هواجيسي أللي جات مجموعـه
تقلط وارحّب ولا يطـرد مساييـره = الاّ قليل الشيَـم مـن بـدّة ربوعـه
تقبل وتقفـي وتوريـده وتصديـره = سيّه وحسْنَـه ومكتوبـه ومدفوعـه
فما كل سلعـه بتحكمهـا بتسعيـره = هذيك مسيومـه وهذيـك مبيوعـه
وماكـل متحاكـيٍ تفهـم تعابـيـره = والكلمة الطيّبـه تقبـل ومسموعـه
اللغز مـن مدخلـه ينفـك تشفيـره = والساق لو ينقطع ماعاشت فروعـه
لو كـل ماينكسـر بيفيـد تجبيـره = تلقى ثياب القزاز ألوان مصنوعـه
متناقضات الدهر جابت لي الحيـره = لحظات فيها فرح وأيام فـي لوعـه
أصبحت في ديرةٍ وأمسيت في ديره = هذي صحاري وذي ساحات مزروعه
حتى استوى عندي الخبت ونواويره = مع الحضاره وذاك القصر وشموعه
والذود سـاوت مجاهيمـه مغاتيـره = من كل شي الثقه ذا اليوم منزوعـه
الوقت ما يندهن خشمـه ولا سيـره = لا بان ضحكه ولا بانت لي دموعـه
فان عوّدت عند تقديمـه وتأخيـره = على النقا رايتي بيضـا ومرفوعـه
والحمد لله علـى حكمـه وتقديـره = أفعال ماجازهـا وافعـال مشروعـه

تـقـبلوا أجمل وأرق التحايا

متى تجمعني الفرحه .. على درب الهنا وياك ؟ = متى نروي عطش عمرٍ مضى لو طالت الغيبه ؟
متى تتعب من معاند زمانٍ يعتزم فرقاك ؟ = لو انك تلحقه ماشفت في محياه ترحيبه
معك عمري حلم ابيض .. تخيلته ولا يخفاك = تبي ترجع لجل قلبي قدومك لي يهلي به
تعب قلبي من الذكرى .. ولايمكن بيوم انساك = عليك الماضي المحفوظ تقراني مكاتيبه
تحملت الجراح ونقمة العاذل على يمناك = و لونت الورق بآخر دموع الحزن والخيبه
تدارك منتهى دربك .. يجوز يخونك الادراك = وتفقد في مشاويرك الم حبي وتعذيبه
تبي ترجع بتلقاني يهزني الشوق لملاقاك = تبي تقفي ما راح تلقى مثل قلبي بهالطيبه

صدى الحرمان

انا العليل اللي من الهجر مليوع = حبل السعد عجزت تـشدة يديني
صبرت اظن الصبر بالخير متبوع = واثر السعادة عاهدت ماتجيني
قصيدتي في وسطها الحزن مزروع = والهجر يسقي حزنها دموع عيني
اللي صبر يرجي من الصبر منفوع = ما هو بدرب الحب شخص ذهيني
اول وانا لاهي وذ الحين مفجوع = اللي حصل ماكنت اظنه يجيني
عامين مرتني ولاكنها اسبوع = يومه قريب كيف سرع السنيني
ويوم افترقنا واصبح الحبل مقطوع = الـيوم مـن ثـقله يـمر سـنـتيني
بعيد دار وعني الوصل ممنوع = عن شوف زوله دوننا واقفيني
وانا ادري اني لو تمنيت مخدوع = لـكن نـفسي مـارضت تـســتكيني
وان كان ماللصفو وياه مرجوع = وش فـايـدة دمع تـكفيه يديني
لامن عجز فعلي فلا تنفع دموع = خلوني اصـبر جـعل ربي يـعيني

عبدالرحمن بن حمد العقيلي

مـما جــرى يــاصاحبـي لا تــكـدر = حزني طبيعه ماتــعــودت الأفـراح
الصبـر ينفـذ والغرابيـل تكثـر = صار الأمل للــيأس و الــهـم مفتـاح
أبكي شـبــابـي وأشتكـي وأتذكـر = وقتٍ مـضى ليته تـوقـف ولا راح
أبكي شره وأبكـي نـدم وأتعبـر = مـن حـر مـابي ليت من مات ارتاح
طبع الوفـاء يانـاس فينـا تغيّـر = حتى الــوفاء مسكين من غــدرنا طاح
الله معـك مابيـك مـن تـعـذر = يكفـين عنك سهــيـل والــطـير لا نـاح
يمك حدان الشـوق مانـي مخيّـر = واللي حداه الــشـوق مـعذور لو صـاح

عبدالله العليوي

إلـــــى مــنـــه جــفـــاك الــلـــي تــــــوده = ولا تـــــدري وش الـــلـــي عـــنـــك صــــــده
تـــجـــرع مـــالـــح الــعــبــرات واصـــبـــر = تـــــرى كــثـــر الـشــكــاوي مـــــا تـــــرده
وإلـــــى مـــــن الـلـيـالــي عـــــودت بـــــه = تــغــانــم كــــــل فـــايــــت واســـتــــرده
حــــــذار تـنـشــغــل بــعــتـــاب خـــلــــك = تــــرى كــثـــر الـعــتــب يـمــحــي الــمـــوده
لــيــالــي الــعــمــر لــحــظــات قــصــيـــره = ومــــــا ودعــــــت مــنــهـــا لا تـــعــــده
تـنــهــض مــثـــل صــقـــر مـــــد شــوفـــه = غــــــداة الــصــبــح روحــــــه مـســتــهــده
وإذا حـــــول عـــلـــى جــــــول الــحــبــارى = تــــولــــى خــربـــهـــا وإن طـــــــــار رده
تــــــرى الـــرجـــال يــثــبــت لـلــشــدايــد = إذا مـــــــــا هــــدهـــــا وإلا تـــــهـــــده

خالد الفيصل

عطني فـهواك الصبر لاصرت قاسي = تبدي حنان وداخل القلب جبّار
لا صار قلبك خالي الحس ناسي = وتلعب على المشتاق بوعود واعذار
ولا صار فيك من الأمل كثر ياسي = وعندك يقين وتارك القلب محتار
لا من نسيت اولي نويت التناسي = اترك وراك لباكي العين تذكار
اشرب معاه الوهم لا جف كاسي= و لا ما حصل شوفك أضمك بالأفكار
يا حارمٍ عيني لذيذ النعاسي = ومعذبٍ روحي بجنّتك والنّار

لا .. قـال ردي لــي ولا .. قــال روحي = لا.. هـــو مـريـحـنـي ولاهــوب مرتاح
يـغـيـب و يـعــوّد ويــفـتـّق جــروحـي = و اذا اسـتـجـد الجرح لـوح لي و راح
و اضحك و اجامل وادّعي بالفروحي = و بـداخـلي نـار .. وتجـاريـح و صياح
و احاول اخــفـّي جـروحـي بــروحي = و اخـيـط جـرح وتـنـفـتـق عـدة جراح
و ان قـرّبت دمـعـات عـيني تـفـوحي = الله اكــبــر ، صـــار لــي قــلـب مــزّاح

صباااااااح الانواااار

من زمااان هن هالموضوووع

حبيت اصبح عليكم بهذه الفاااتنه

دخيلك .. والذي سرمد سبات الحـزن بـعيونـي =
دخيل الملح بأنفاسـك .. تذوقـي سكـر جنونـي =
دخيلك .. ما بعد طعن العقل .. غفران .. بالهوني =
دخيلك سولفي .. ثغرك .. روى ذبلانـة غصونـي =
دخيلك .. من لبستي الغيم .. ما داعبتـي مزونـي=
.. تمرين الصباح اللي تعسجد مـن ظمـا لونـي=
وغنّـي سامريـة غفـوة الأيــام بـظنـونـي =
وأمانة .. لا وطا بُعـدك علـى عفويـة طعونـي =
تعودين بـطرف لقيا .. معي / بالصدفة / بدونـي =
وأمانه .. لا رحل صمتي .. وفجّر حملـي متونـي =
وأمانه .. تطبعي قُبلة .. على ذكراي .. وتخوني ..=
وداعاً .. والذي حـط الحـزن مدهـال لـعيونـي =

علي العسيري

بسم الله الرحمن الرحيم
السلام عليكم ورحمة الله وبركاته
مساء الخيرات للجميع وعساكم دائماً تتمتعون بالصحة والعافية
ياهلا بالغالي أبو رهف (الظاهر خربوك الناس أللي يكثرون الغياب)
أخيار رائع من شاعر أروع وأجمل
الغالية ( سديم ) الإبداع والتألق
نتأسف ونعتذر عن عدم مشاركتك في ما قمتي بطرحه من قصائد أكتساها الجمال والتميز.
ونقول لك توبه توبه ما عاد نكررها ..ههههههه سمعت ياحسن
وتقبلوا مني هذه المشاركة :-

يقال بأن الشاعر بديوي الوقداني أرسل قصيده لشريف مكة وفيها يتبين أنه كان يتمتع بعلاقة قوية مع اشراف مكة وانه كان يتعامل معهم بعزة نفس وأنفة الشاعر الذي يعتز بأصله ندا بند يتبين من خلا ل هذا البيت

وابدي لك البيضا عدد ريح الافواج = وتمشي ركاب المدح بينك وبينـي

أي ان الشاعر الوقداني والشريف يتبادلان المدح والثناء وتمشي ركائب الفخر بينهما وقد قال:-

ياراكب اللي ياخذ الحـزم مـواج = مـواج دار وتـاه فـي الغبتينـي
يوم استشد الريح ترميـه الامـواج = أمـواج بحريضـرب الجالتينـي
ضاري على قطع الفيافي وسجـاج = سجاج بيـن الشـرق والنقرتينـي
محنوني كالقوس منعـاج منهـاج = مثل الهـلال اللـي ولـد ليلتينـي
والا كما سرحان مع فج الافجـاج = والا الغزال اللي رمـى مرتينـي
يجفل ليا ماشاف ظل العصا مـاج = راعيه مـا يقـدر يمـد اليدينـي
كوره عقيلي مشترينه مـن الحـاج = والميركـة والخـرج والغرتينـي
ضرب عليه اليا سجا الليل وانساج = وزارت مراسيل الكرى كل عينـي
خله مع الريعين والـدرب مدهـاج = والسيل مره ما مضـى ساعتينـي
واحرم بعمره واقطع الدرب منهاج = منهاج من يمشي علـى الفرقدينـي
تصبح بمكة حزة الصبـح منبـاج = واسع وطف وصل لك ركعتينـي
وانص الملوك اللي لهم نور وهاج = نور من المشـرق الـى القبلتينـي
تلقى الوفود الهم كما وفـد حجـاج = يوم الثمـان ومصعديـن القرينـي
سلم عليهم واخرج الهرج مخـراج = واعرف مقام الملك في الحالتينـي
واخرج لهم خط طوى طي ديبـاج = هديـة مـن باشـة المحمليـنـي
منظوم فيها ابيات من بحر عجـاج = نظم الجواهر في سلـوك اللجينـي
يا عون يا سيدي وصلت انت فراج = وانا تراني عند سيـدي الحسينـي
حيث ان له عادة وله جود ثجـاج = من معصـرات الجـد والوالدينـي
يا ما عطوا من واسع خيل وابراج = دهـم جمـاح محجـلات اليدينـي
وان جا نهار فيه للخيـل مسهـاج = ونادى بشير الموت في الجمعتينـي
ركبوا على ضمر بشادن الابـراج = مصقـلات لبسهـا كـل زيـنـي
وظلا غبار النقع من فوقهـم تـاج = وتصادم الهندي وسمـر الردينـي
كم جندلوا من فارس غير مزعـاج = حامت عليـه الطيـر بالخافقينـي
ورماحهم روس الاعادي لها ازراج = ضد الرماح اللي لهـا زوجتينـي
يا بن محمد يا غنى كـل محتـاج = ياعيـد مديـون تحمـل بديـنـي
خدامكم شفه مـن المـال سيـراج = والا فرنجيـه لـهـا جبدتيـنـي
حتى يودي ذكرهـا كـل هـراج = واخبارهـا تاصـل والعديـنـي
وابدي لك البيضا عدد ريح الافواج = وتمشي ركاب المدح بينك وبينـي
ويفرح صديقي والعدو صاده افلاج = من غبنها دمعة من العيـن عينـي
وصلوا على من خصه الله بمعراج = محمـد المختـار جـد الحسينـي

وتقبلوا تحياتي وتقديري؛؛