يوميات الأعضاء ... شاركوا

في البداية أرحب بكل عضو دخل موضوعي ليعرف ما خلف العنوان من كلمات و سطور كتبتها

يوميات الأعضاء ...

حابة أعرف عن يوميات كل عضو فيكم و كيف يكون يومه من أحداث ممتعة و جميلة بالنسبة له و عن أشياء لم يكن يتوقعها أن تحدث له و الكثير الكثيير ...

المعنى

أن يذكر لنا عن يومه وماذا جرى له فيه و كيف كان هو في يومه من بدايه استيقاظه صباحا إلى عودته ليلا لنوم
<=== أموت في اليوميات و تفاصيلها خصوصا إذا كانت لأشخاص أعزهم كثير

تحياتي للجميع

لميـــــــــــــاء

لمياء موضوع جميل جدا مثل عوايدك ماشاءالله .. وانا راح اكتب بس مو الآن بعدين ..

المهم لمياء ليه ماتبدأين بنفسك من شان الاعضاءيتشجعون

اليوم الثلاثاء
استيقضت عشوق الساعة السابعه والربع لتلحق على دوامها في الجامعه
راحت حطت اللابتوب في الشنطه وشلت اوراقها علشان تدرس
دورت على قلم للامتحان
بعدين راحت الجامعه وبطنها يوعان
وصلت الجامعه لقت بنات صفها
دخلت سلمت مسكت ورقه تراجع
ملت
راحت يلست على الكمبيوتر شغلته ويلست على المنتدى شوي
بعدين جت صديقتها قالت : عشوق نسيت قلمي في البيت
عشوق: اوكي
البنت: تعالي معاي نروح تحت نشتري قلم من المكتبه
عشوق : اوكي
البنت : يالللللللله الامتحان بيبدأ امشي بروح اشتري قلم بسرعه
عشوق وهي تشارك في المنتدى : ياخي لحظه شوي
البنت : يالللللله سوي خروج من المنتدى
عشوق: اوه صح نسيت
رحنا شرينا قلم
دخلنا قاعة الامتحان
امتحنا امتحان الله لايوريكم
طلعنا
رحت شريت عصير شربته ورحت صفي ادرس شوي
بدأ الامتحان الثاني
تأخرت عنه 5 دقايق
بعدين رحت وامتحنت
بعدين طلعت
المهم
اني ظليت في الجامعه على بالي دوامي ينتهي اربع
من التسطيل نسيت انه يوم الثلاثاء دوامي ينتهي 3 الا ربع
يوم جا العصر
افتكرت اتصل لابوي اشوفه اذا بيجي ياخذني البيت
عشوق: الو بابا
بابا: وينج اليوم
عشوق : في الجامعه
بابا: اليوم شو اسمه
عشوق : والله ماذكر نسيت ... شو اليوم
بابا: الثلاثاء...تدرين اني يلست ساعه انتظرج برع الجامعه
عشوق: أ أ نسسسسسسسسسسسسيت

هذا كان يومي
تهزأت شوي في البيت
نمت لي شوي
صحيت الساعه 7 ونص المغرب
مسكت اوراقي
ادرس لين الساعه 12 وربع
ومافهمت شي للحين من اللي درسته
الله يعين باجر في الامتحان


هذااااااا يومي:D

والله حالتك صعبة عاشقة 0000 الله يعينك

مرحبا لمياء أنا من زمان كتبت يومياتي 00 ولامانع من أن أكتبها مرة

أخرى لكم

000كان الموظف سمير ومزاجه مش ولابد وخصوصا والمايك معلق على رأسه وهو يستقبل مكالمات المشتركين:

المكالمه الاولى :
الموظف سمير : الو ..استعلامات الدليل سمير الــ......, مرحبا
لولوة : الو .. ممكن لو سمحت تعطيني رقم بيت محمد ابو سحابة ؟
الموظف : وين ساكن اختي لو سمحتي؟
لولوة : ساكن هنا قريب منا .
الموظف سمير : وين قريب منكم بالظبط .
لولوة: ياخوي هنا جمبنا جارنا ماتعرفون رقمه .
الموظف سمير : ياعزيزتي انا مادري انتي وين بعد .
لولوة : اقول والله ماعندك ماعند جدتي بس .
طوط طوط انقطع الخط




المكالمه الثانيه : صوت ناعم
الموظف سمير: الو ..استعلامات الدليل سمير الــ......, مرحبا
طيف الخيال : هلا اخوي ممكن تعطيني رقم بيتزا هت بس مابي فرع النسيم دايم تعطوني اياه
الموظف سمير: اي فرع تبغون رقمه .
طيف الخيال : تدري ايش فيه فرع النسيم بايخ لآن البيتزا حقتهم توصل بارده .. وبعدين شكلها خبز تميس .
الموظف سمير : بيموت من الضحك بس ساكت ... طيب خوذي فرع العليا اجل
طيف الخيال : ياخي ليه ماتضحك .. لايكون انت صاحب بيتزا هت ..مالت عليكم وعلى دمك .
طوط طوط انقطع الخط




المكالمه الثالثه : بقايا الأمل ترفع الضغط
الموظف سمير: الو ..استعلامات الدليل سمير الــ......, مرحبا
بقايا الأمل : الووووووو عطني رقم وشسمه ..هذا..وشسمه ياربي .. ايه ... حمود بادي فرج
الموظف سمير : طيب خذي رقمه ؟؟؟؟؟؟؟؟؟؟
بقايا : لحظه ابي رقم ثاني بعد . ابي رقم هذا وشسمه ... مانع فالح سامي00 الموظف : طيب خذي رقمه ؟؟؟؟؟؟؟ (ممنوع اكثر من اسم في مكالمه)
بقايا : طيب ابي واحد ثاني هذا رقم ابو نادر عمي سعد .
الموظف سمير: اتصل مره ثانيه لانه ممنوع اكثر من رقم في اتصال واحد .
بقايا : اقول وجع .. يوجع بطنك (الفاظ قبيحه).. ترى مالك فضل ... انا ماكلمك مجاني اكلم بريالي .
الموظف سمير: يخرج من طوره ( اقول اسمع ............. طوط طوط قفل الخط





المكالمه الرابعه : كانت صوت ناعم
الموظف : الو ..استعلامات الدليل سمير الــ......, مرحبا
بنت عنيزة: عوافي اخوي .
الموظف سمير : الله يعافيكم يارب ........ ( اول مره احد يعطيه روح معنويه)
بنت عنيزة : لا انا قصدي ابغى مطعم عوافي اللي في العليا .
الموظف سمير : طيب خوذي الرقم ؟؟؟؟؟؟؟؟؟؟؟؟؟





المكالمه الخامسه : كانت صوت ناعم اوي
الموظف سمير : الو ..استعلامات الدليل سمير الــ......, مرحبا
سحابة: مرحبا اخوي ممكن تعطيني مستشفى العيون للولاده .
الموظف سمير : كيف ..؟؟؟؟؟
سحابة : مستشفى العيون للولاده .. تسمع يا اصقه .
الموظف سمير : يبي يصرفها المكالمه مسجله طبعا ( هذا رقمه غير معلن ) .
سحابة : طيب ظف وجهك .
طوط طوط انقطع الخط .





المكالمه السادسه : كان صوت ناعم.. بنت
الموظف سمير: الو ..استعلامات الدليل سمير الــ......, مرحبا
عاشقة : هلا اخوي ممكن تعطيني رقم صيدلية السقاف
الموظف سمير: تفضلي الرقم ؟؟؟؟؟؟؟؟؟
عاشقة : لا لا لا هذا رقم صيدلية السقاف اللي في الروضه
الموظف سمير: طيب ايش فيها .
عاشقة : ماهي زينه ... مايبيعون الا فقس ..
طوط طوط انقطع الخط .




المكالمه السابعه : كانت فتاه ايضا
الموظف سمير: الو ..استعلامات الدليل سميرالــ......, مرحبا
جوناء: عيوني.
الموظف سمير: بلا هالكلام ايش تبغين ...............(عشان المكالمه مراقبه).
جوناء : لا انا ابي محل عيوني للعدسات والنظارات اللي في التحليه .
الموظف سمير : ايش اسمه عيوني.
جوناء: لا مو عيونك عيوني انا ياعيوني .
الموظف : خوذي رقمه ؟؟؟؟؟؟؟؟
جوناء: طيب شكرا لعيونك اللي كنها عيون بقره ...ههههههههههههههه عندها بنات يضحكون .
الموظف سمير طلع وترك الدوام .وراح يشرب عصير ليمون .

ههههههههه تسلمين عشووق عن جد يوم كان حامي الله يعينك بس

ههههههههههههههههههههه
هههههههههههههههه
ههههههههههههه
هههههههه
ههه
ه
ه
ههه
هههههههه
ههههههههههههه
هههههههههههههههه
ههههههههههههههههههههه

سميروووووووووووووووووووووووه اقسم بالله بطني من الضحك صاير زوبعه الله يجزاك خير يااخي ونستني مع الصبح

بس اروع شيء الحقيقه سالفة ( عمدتي : بنت عنيزة ) عن جد ماشيه في السليم طول عمرها ( وحشتني الله يردها لنا )

مرحبا أردينا 000 سلامة بطنك 0000

أقووول لمياء 0

0تذكرت موضوع ثاني كنت كاتبه من زمان عن يوميات سحابة صيف مع


سيارتها 0000خذي الموضوع 00

0000000000000000000000000000000000

آخر شي أتمناه هو ان يسمح لبعض الناس بقيادة السيارة !

لكن لو صدر قرار وسمحولهم ! أعتقد ان السيناريو سيكون كالتالي :

يوميات قيادة بنت للسيارة 00
التلفون] طوط طوططاط ..طيط ..طوط
[سحابة] .....الو ...هلا والله لولوه كيفك عساك بخير؟

[لولوه] .....هلا وغلا بحبيبتي ...يابنت الحلال زين سمعنا صوتك

[سحابة] لا من الحين ورايح مارح تسمعين صوتي بس الا راح تشوفيني عندك كل يوم

[لولوه] كيف؟؟!!!!

[سحابة] باركي لي شريت لي سيارة وطلّعت رخصه سواقه بعد .. يعني من اليوم ورايح انا وانت مافيه الاتمشيات

[لولوه] وش لون انا صراحه ماني راكبه معك...اول ماتسوقين فيني اكيد تبين تدخلينا في تريله ..لاالالالا انا مانيب بايعه نفسي صراحة

[سحابة] صحيح ان ماعندك سالفه صدقيني اعرف اسوق واعرف افحط بعد....بعدين ..طيب ممكن تقولين لي وش معنى خمسات وثمانيا ...وتكونين شاطره اذا قلتي لي وش الحّيات؟؟

[لولوه] هااااااه ...لا والله ماعرف

[سحابة] هجل انثبري ماتعرفين شي ...هذا الكلام كله في عالم التفحيط.وانا صراحه من زمان وانا اعرف افحط

[لولوه] ..نويران وين فحطتي فيه ؟؟!!!

[سحابة] صراحة ...صراحة ..لقيت لي ملعب كوره في البر وفيه شويت طين وقعدت افحط

[طيف الخيال] الله يحفظنا بعقولنا ...مع السلامة اشوفك في المدرسه وراح اعلم زميلاتنا المدرسات عليك.

[سحابة] هاهاهاها ...مع السلامة ياروح امك.


** طبعا جا الصبح وشغلت سحابةسيارتها وخلتها تسخن ...وحركت رايحه ...وين ؟؟!! رايحه للمدرسه...شافت انبير البنزين على (الاي) يعني فاضي راحت للمحطه...طاطاط ...طاطاط .. [سحابة] يارفيق يارفيق ...بسرعة عبي لي بعشرين ريال بس
[الهندي] اوكي مافيه مشكل

[سحابة< رفيق اخلص الله يخليك ...تراني تأخرت على المدرسه


**الهندي يتكلم بينه وبين نفسه [الهندي] هذي هرمه يقول انت الله فيه يخلي ...اكيد هذي هرمه تهب انا..علشان انا فيه هلو واجد ..يمكن ...يمكن!!!!

** سحابة تتكلم بينها وبين نفسها
[سحابة] وش فيه هالخبل يتميلح لي وهو ياخذ قروشه ياوالله المهبول ...لا وكل شوي ناسفن قذلته على جنب اللي كلها زيت بريك


** وصلت سحابة للدوام متأخره شوي ...ولقت دش جيد من مديرة المدرسة ...طبعا خلصت شغلها وجات تبي ترجع للبيت ...طبعا شغلت السياره ...وبعد مااستلمت الخط السريع ...وحطت رجلها ...ولا صوت انفجار (طعععععععععععع) اووووووه بنشرت سيارتها
[سحابة] يارببببي ...اوووف ...بس الحمد لله ان معي جوال ابي ازهم على ابو العيال يصلح البنشر ...(طوط طيط طاط طاط طاط طوط) ( لقد تعثر مرور مكالمتك نرجو محاولت الاتصال مرة اخرى وشكرا)


** توهقت المسكينه تسمرت في سيارتها وشبكة الجوال ماهي راضيه تشبك ...عموما اول مانزلت من السياره واشرت ...سبعين الف واحد وقف ماتسمع الا (اووووووووووووووووءءءءءءء..اي يييييييييييي.........اااااااأأأأأأأأأأأ.240 ال ...كرسيدا ...ددسن غمارتين...الخ )
الله ستر وكانت في النهار لو في الليل الله يعلم وش بيكون الوضع !!!

من بكره راحت طبعا تبي تصلح البنشر ...ولا طلع البنشري (بويمن) صاره له 25 سنه ماراح لهله ...ولا ياكل الاعصيده و حلبه .

[سحابة] لو سمحت ممكن تصلح الكفر

[بو يمن] ابشري ولا يهمك احنا نصلح كل شي ..


** طبعا عيون الرجال مانزلت من الحريمه المسكينه ... طبعا هي ذابحها ريح الحلبه ...وهو ذابحه ريح عطر سان لوران
المهم المشكله ياليتها بقت على كذا امس جارهم صدم في السياره وهي لازم تروح للصناعيه تصلح الدعمه...طبعا سحابة دخلت الصناعيه ولاّ شوفت عدوك ...كل واحد ماسك له زاويه من هالسمرمد وجالس يشبح في اللي رايح واللي جاي...شافت اول ورشه قالت ايه زين خلني اشوف هالورشه اللي في اول الصناعيه ...علشان ماادخل في العمق ولا اتوهق ولا شي.

دخلت

[سحابة] السلام عليكم (صوت مرتفع) فيه احد في الورشه ؟!!


** طبعا سمعها ريس الورشه وطلع من تحت السياره ...وعينك ماتشوف الا النور باكستاني شنباته يوقع عليها الصقر ...والصدر كنك صاف لك خمس طابوقات (بلكات) وله سنتين كفيله ماوداه لهله
[باكستاني] (الصوت تقول مكسرين في حلقه غرشت كوكا كولا) مرهبا ...كيف الهال ...ايش يبي انتا


** سحابة طبع تبلع ريقها من هالمنظر الغير مألوف
[نوره] انا سيارتي فيها صدمه وابيكم تصلحون لي السياره

[باكستاني] مافيه مشكل ...انا كلو مئلوم ...خلاص انت فيه روه استره في مكتب بعدين انا في خلص سياره...انا واجد مشغول بس ئلشان انتا كل شي يهون ...يامزيون.


** طبعا المسكينه شافت هالصتيمه وطاح قلبها في ركبها قالت له خلني ابي اشوف السياره فيها شي ابي اخذه ...طبعا ركبت سيارتها وشغلت ورجعت ريوس بسرعه وقالت لابوكم لابو ورشتكم مجمعين لي مصارعين الثيران
شكلي ياشباب طوّلت عليكم.. لكن كل هالمشاهد بامكانها تتكرر مع جنسيات مختلفه (لبناني مثلا ..مصري ..سعودي ...وووووو)

لكن هذا الخيال سيصبح حقيقه اذا قادت المرأة السياره وخالفت قول الله عزوجل (وقرن في بيوتكن)

اللهم اصلح نساء المسلمين وارزقهن العفاف

:D:D:D:D:D:D:D:D:D:D:D:D:D:D:D:D

سميروه البكاش:D
انا ماعرف رقم الاستعلامات اصلا علشان اتصل
يالله اعترف ببكشك:D

انا امس واليوم نفس الحاله
اقوم (اذا نمت) اجلس علي النت افتح مواقع النتايج وانتظر نتيجتي بجلس علي هالحال لين تطلع