تعالوا ... أنا بغيت أموووووووت من الضحك !

[c]تعال واذا ماضحكت بحق !!!!!!!!!!!!!!!!!!

السلام عليكم...

طبعا شباب بقولكم السالفه زي ماصارت ومثل ماشفتها تماما ..

. كنت طالع من البيت حول الساعه سبع ونص ..

وكل العالم رايحه لاشغالها .. طبعا زحمة الناس والواحد ماله نفس على هالازعاج

وقفت عند اشاره ووقف جنبي سيارة نوع بيوك قديم لونه عنابي .. ما اهتميت فيه ..

اشتغلت الاشاره ومشينا ووقفت عند الاشاره الثانيه .. وجاك راعي البيوك وصار وراي على طوول ...

قمت اناظر في المرايه الي قدامي واتفرج عليه .. شدني شكلهم ..

طبعا السواق كان سعودي وضعيف مرررره ولابس ثوب ابيض وغتره بيضا ..

وجنبه زوجته العكس تماما دبه مررره يعني اتوقع انها ماركبت مع الباب شكلهم صابينها صب في الموتر وفي حضنها بنتهم يمكن عمرها 4 سنين يعني حولها

المهم .. الاشاره الي حنا عندها من النوع الي تـغثـك .. تطول مرره لين تولع ..

قمت اتفرج على هالعائلة اللي في سيارة البيوك ..

مادريت الا واشوف السواق بدا يرفع يده ويهاوش ..

انا هنا قمت اركز في المشهد .. بدت زوجته تكلمه والظاهر رافعه صوتها يعني الدعوه مـجالد ..وزوجته تهاوش ..

مادريت الا ابو الشباب صافقها بكف .. انا هنا انهبلت قلت وجع وش فيه ذا صاحي ولا مهبول

بصراحه قلت والله ماهوب سهل ذا المعصقل طلع شري ولا ينتحارش .. صدق ان الطيور على اشكالها تقع ( مدري ذا المثل يصلح )

المهم ..الصغيره شافت الوضع وقامت تصيح

ويجي ابو الشباب ويصرف لها كف ثاني ..

هو بس عطاها كف .. وعينك ماتشوف الا النور جاه كف من زوجته قسم بالله صفق وجهه في الدركسون وشماغه جاك على الطبلون مع العقال .. من قوة صفقة وجهه في الدركسون اتوقع لو انه موتره جديد وفيه اير باق بيطلع .. بس اشوى موتره قديم

المهم .. انا قلت الحين والله هالحين بيصير مشالخ على كيفكم ..

زوجته متعافيه يعني بتدوس بطنه الين يحب الأرض

000الضعيف طلع اي كلام .. خذا الشماغ والعقال ولبسهم وقام يشخص يعني مافيه شي صار ابدا ..

زين اني جالس معهم في الاشارةواشتغلت الاشاره ..

انا قلت الحين بيصد بزوجته في حاره ولا احد بيخلصها منه 00

بصراحه ضاق صدري قلت وشلون عايشين 00وقررت أني ما أتزوج أبدا عاد كلش الا كرامتي 00أقابل أمي أحسن لي والله 00

بعد اكثر من شهر ونص ..

كنت مار من عند شارع قريب من الاشاره اللي صارت فيهاالقصه ..

وكان الوقت الظهر رجعة العالم من دواماتهم ..

مادريت الا وذا البيوك موقف جنبي ..واقعد اناظر صدق ؟؟؟

نفس الوضعيه الزوج وشخصيته ماتغيرت وزوجته الحجم العائلي والصغيره

بغيت افتح الدريشه من زود اللقافه اقووول والله شايفكم ذاك اليوم يوم تتهاوشون

بس شوفو سبحان الله عايشين شكلهم مرتاحين مع بعض



THE END القصة هذي ... انا كاتبها من زمان في الوئام .. ومافيه مانع اعيدها

وتسلمون [/c]

ههههههههههه

هلا سمير

والله انك عبيط .......... سميرووووووووووووووووووه


هذه اسرار عائليه ............. ولا وتتفرج .........


وبعد قررت أنك ما تتزوج ........... يا أخي الناس ما هم مثل بعض


وخلاص لقيت واحد زوجته طقته ......... كل الناس الثانية ازواجهم


بهذه القوه والقسوه .......... ما اعتقد ذلك ........


اعتقد فيه شاعره اسمها مويضي .......

تقول :

ما هم بخافيني رجال الشجاعه ........ ودي بهم بس المناعير صلفين
أريد مندسٍ بوسط الجماعه *** يرعى غنمهم والبهم والبعارين
إذا نزرته راح قلبه رعاعه *** يقول يا هف الحشا وش تريدين
وإن قلت له هات الحطب قال طاعه *** عجلٍ يجيب القدر هو والمواعين
ولو اضربه مشتدةٍ في كراعه *** قال اضربي والناس ما هم بدارين

والله ما درت مويضي إن بيجي يوم وتشوف سمير يتفرج على
عائله من هذا النوع ..........


تحياتي لك اخوي سمير .....

تصدق اعجبتني القصه

وعلى شان كذا جلست اكتب ونسيت نفسي

اخوك

الحسام

انا مدري وش اقولك 00

بس الدراسه قربت والنفسيات محطمه عشان كذا منيب متحسف اذا حطمتك :D

يااااااااااااااااااااااخي الموضوع قريته الف مره واخر مره في طيوب 00 :D

وبالنسبة لقضيتي اللي قلتلك عنها جاني خبر جديد مشوين توني شايفه بس التفاصيل بتجيك عما قريب :D

[c]هلا بالحسام ..

.. لاتلومني ... اللي شفته ماكان شيء عادي

... أما مويضي هذي ... ههههه .

.. ماشاالله عليك ... شكلك متيم بالشعر .

. ربي يزيدك من نعيمه .... وشاكر لك هالزيارة اللطيفة ..

.. تحياتي .... [/c]

[c]سفاري ... بايخة .. ها ها ها

.. تنكت انت مع وجهك ..

.. قسما بالله أنا اللي كاتبها في طيوب .

... ياكذذذذاب ... هههه

تصدق راعي السيارة يشبه لك ..

.. لايكون هو انت بس ؟ :D[/c]

هلا بسمير
والله انك موتني من الضحك بس تذكرت موضوع الدراسه واتحطمت ويسلموووووووووووووووو

يسلموووووووووووووو سمير على هيك قصة ممتعة :D

فعلا الحياة مثل المسرح فيها السعيد وفيها الشقي

اللهم اجعلنا جميعا ممن يحظون بقدر وافي من السعادة

احم احححححححححححم 00

يا ولد :D

فيه احد 00 هههههههه :D

0000000000000000000000000000

سمير انا على ما اظن مودع المنتدى اشوفك من يومين قاط وجهك 00

ومثل ما قلتلك اللي بجنبك على اي موقع داخل عليه :D

الله يوسع صدرك بالعافية ..
=================
ضحكتني لين دمعت عيوني ...
الله لا يحرمنا منك ؛؛
ايه كثر هالسوالف ....
==================
تحياتي ؛؛

هلابكم جميعا ............

مرحبا لوووووووووووووولوة ...... نورتي موضوعي .. تشكرات + احترامات + تحيات = كرتونين اعجاب وكرتون تقدير

ردووووووووووووووووووووووووووووووووووووووون

هلابك والله ......... الف شكر لك

ومثل ماقلتي الدنيا مسرح ..... بس بكم التذكرة ؟ (بايخة يادلخ ياسمير ) كخخخخ

عطووووووووووووووووووووووووووووووووووووووووووور

هلا بك مليووووووووووون

ابشري من رموشي ....... كل ما اشوف هوشة وخناقة بالشارع .. راح اكتبها لعيونك

باااااااااااااااااااي