افضل طريقه للمذاكــره.. بمناسبة اقتراب موعد الامتحانات

14 / 05 / 2002, 41 : 12 AM

يبدأ يومك المذاكري..من الظهر..واعتبر الصبحيه عطله....العب..ونابط لين يطيح اللي براسك..

حين تأتي حزة القايله..وماتسمى ايضا بالحزة اللي مالها داعي..حيث ان الجميع يعبرون عن سخطهم من الحر..في هذه الحزة..عليك بالتفاهم مع الرز...تفاهما جيدا..ولايهون كأسين لبن عقبه..

بعد هذه الغدوة الرايقه..انطلق الى فراشك...وانبطح..انبطاحة عميقة..وتمتع بالنوم هانئا...وانس شي اسمه اختبار...

بعدما تقوم من النوم طق لك ترويشة معتبرة....واتبع مايلي ..:

- تأكد من ان التلفزيون مافيه شي مهم...مثل فلم او مباراة...لأن ذلك سوف يخليك تهوجس بالتلفزيون كثيرا...وبالأختبار..سوف تخبص تخبيصة ليس لها مثيل..

- اذا كانك تدخل النت..فيفضل ان تتهاوش مع اصدقائك..او صديقاتك..كي لاتشتاق لهم..فإن دخلت النت..في يوم الأختبار..فاسمح لي اقولك انك حظك رايح فيها..مقدما...

- حينما تبدأ المذاكرة...لاتلبس لبس معقد...فايشغلك..وانت تذاكر..ويفضل للعيال لبس سروال السنه..وفنيلة نص كم...

- اذا كانت المادة طويلة..وتحتاج الى فهم...وصادفك درس مافهمته...فاعمل بمقولة ابوسليمان التي تقول...أجّل عمل اليوم الى الغد....نستشف من هذه المقولة..انك اذا بلشت بدرس مافهمته..فعادي..انقز الصفحة..ومحد داري عنك...

- عند احساسك..انك مافيه امل تخلص المادة..وانك من جنبها..واحسيت باحساس الدجاجه اذا شافت الديك مع دجاجة غيرها ( ادري المثال مهوب يم الموضوع )..اهم شي..لا تياس...وذاكر..واذا ماخلصت ..فلامانع من نقز بعض الدروس..على اعتبار انها محذوفة..

- لا تذاكر وانت معك قلم رصاص...كي لاتقعد تشخبط على الدفاتر...

- افضل جلسه للمذاكرة..هي الأنبطاح..مع اسناد اليد اليمنى على مركى..ويدك على خدك..واليسرى..تفتح الكتاب..

- لا ضرر من قرض الفصفص والفستق اثناء المذاكرة..ولا تضع قشور الفستق بصحن..بل جدعها يمينا ويسارا..ولايهمك احد..والظاهر عندكم شغاله تنظف عقبك..

- اذا كان لك صديق..دافور..وتعتبرونه المصري حقكم..فلابد من تضبيط العلاقة معه..فقد تحتاجه..اذا اكتشتف بيوم الأختبار انك ماعندك كتاب اساسا..

- قبل الذهاب الى قاعة الأختبار...اهم شيء البس شماغك..ودق لطمه..واربطها ربطا محكما..لأغراض..مهمه..

- اختار موقعك بالقاعه...قريب من اثنين ناوين يغشون...واسدح اذنك عندهم..فقد تنقز عليك معلومة انت ناسيها..

- ادخل القاعة..وانت مسوي فيها..ماهمك الأختبار...وانك ضامن تجيب 102 من 100..كي يجحدك المراقبين ولا يمرون من عندك..على اعتبار انك خابز المادة..مايدرون انك من جنبها مع احترامي للي جنبها..

- انس قلمك..مع وضع قلم احتياط في مخباتك ( جيب ثوبك )...فقد تحتاج لحيلة نسيت قلمي ياستاد..واذا لم تحتاجها...طلع قلمك السبير..

واخيرا وقبل كل شىء اقرأ آيـــة الكرسي...

قابلوني اذا نجح احد اذا طبق هالطريقـــه خخخخخ

م ن ق و ل ه

14 / 05 / 2002, 10 : 01 AM

السلام عليكم

متأكده من ان الطريقه ناجحه

الظاهر اللي بيسويها بينجح بعد عشر سنين

:D :D :D :D :D :D :D :D

تسلمين اختي على مشاركاتك الحلوه

وفقك الله نقره لعرض الصورة في صفحة مستقلة

14 / 05 / 2002, 06 : 02 AM

عز الله لو بنسمع كلامك بنروووووووح وطي ..

يسلمووو على هالمشاركه اللطيفه :D

14 / 05 / 2002, 27 : 08 AM

هههههههههههههههههههههههههههههههههههههههههههههههههه هههههههههههههههه

عجبتني:D :D :D

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
اقتراب ظهور السيد المسيح عليه السلام	أبومحمود	‏ نفَحَآت إيمَآنِية	0	24 / 05 / 2011 52 : 09 PM
مع اقتراب العيد .. انتعاش سوق الألعاب النارية ونانسي ولميس الأكثر مبيعاً	سديم	‏قناة الوئام الإعلآمي	4	03 / 10 / 2008 16 : 12 AM
الامتحانات؟؟عاااادي....	غزالة الجنوب	تطوير الذات	18	12 / 06 / 2008 55 : 04 AM
اعراض اقتراب الشيطان بلانسان في المنام	عاشق البنفسج	‏ نفَحَآت إيمَآنِية	3	07 / 07 / 2004 32 : 08 AM

الذين يشاهدون محتوى الموضوع الآن : 1 ( الأعضاء 0 والزوار 1)