زواج....

14 / 05 / 2002, 13 : 01 AM

نزلت هذهي الكلمات مثل الصاعقة على الأم

كانت صدمة لها

مع أن المفروض أن كل أم تفرح لما تسمع هالكلمة من واحد من عيالها

لكن سبب الصدمة كان أن هالكلمة ما صدرت من ولدها

لكنها صدرت من .... من ....

من " بـــــنـــــــتـــــهــــــا "

إيـــه " بـــــنـــــــتـــــهــــــا "

و اللـه الـنـشـبـه

أنربط لسان الأم

دارت فيها الدنيا

قامت تهوجس

الولد نقدر نخطب له ... لكن البنت بـنـبـحـل بها

من وين بنجيب لها رجـــل !!!!!

" يـمه ... ردي علي .. تكفين ... زوجيني "

صحت الأم من الهواجيس الساخنة ... القاتلة ...اللي أصابتها من الصعقة السابقة

كانت البنت تهز كتف أمها .. و تترجى فيها :

" يـمه ... أفهميني ... أنا أبي أعـرس ... "

لكن الأم ما قدرت ترد بأي كلمة

كانت بس تناظر في عيون بنتها و تقول بينها و بين نفسها :

" هذي اللحظة إللي ما عملت حسابها .... الظاهر بنتي كبرت و أنا ما أدري ... "

رجعت البنت و رمت بنفسها على الكرسي بكل إحباط و قالت :

" أنتم ليش ما تبون تفهموني .. أنا خلاص كبرت ... صرت حرمه .. عمري الحين فوق العشرين سنة .. يعني حرمــــــــــــه .... أفهميني يـمـه الله يـخـلـيـك "

أخيراً تكلمت الأم و قالت :

" خلاص يا بـنيتـي ... فـهـمـتـك " ... و هـي قاعـده تفـكر وشــلـون تـبـي تـفـاتـح الأبـو في هالـمـوضـوع ... لا الـمـصــيـبـه !!!!

قربت البنت من أمها و قالت :

" يـمـه وشـهـو اللـي خــــــــلاص ... أنتي تـحـسـبـيـنـي الـين الحـيـن بـــزر ... بـتصـرفـيـنـي ؟؟ .. أنـــا حــرمــه .. أنا الـحـيـن صـرت حـرمـه .. و كـل صـديـقـاتـي اللـي مـعـي تـزوجـوا ...
يـمـه اللـه يـخـلـيـك حـسـي بـشـعـوري "

و الأم مسكينة يتقطع قلبها على بنيتها .. و تقول في خاطرها :

" الله يعينك يا بـنـيـتـي .. كل هذا في قلبك و متحملته "

و البنت أستمرت في صراحتها ...

" يمه أنتي أكيد تعرفين مشاعر أي بنت في عمري .. و أنا ما طلبت شيء خطاء ..

طلبت العــــــــــــــــــــرس بس .. "

و هوجست الأم :

" العـــــــــــــــــــرس بس !! .. إيه هين بس .. هو العـــــــــــرس ينقال عنه بس ؟؟ !! "

و كملت البنت :

" يـــــــــــــمه سامحيني على صراحتي

بس ما لي غيرك أفضفض له

أنتي لو تعرفين شلون إحساسي كلما فكرت في صديقاتي المتزوجات

أتخيل سعادتهم ... و أتصور شعورهم

فاهمتني يمه ؟؟؟ "

و قفت الأم في مكانها .. و حاولت إنها تكون صارمه عشان تنهي الحوار و قالت :

" خلاص يا بنت .. قلت لك خلاص ..

أنا فهمت و ماله داعي كل هالشرح

و إذا جاء أبوك تفاهمت معه ... أنتي تحسبين الموضوع سهل ..

بـيـنـجـلـط الـرجــــــــال فيها "

قامت البنت من مكانها .. و واجهت أمها و قالت :

" لا .. ما بعد فهمتيني .. و لا حسيتي باللي أحسه

أنتي عايشه في نعيم .. أنا أشوفك كل يوم تروحين مع أبوي .. و أنا محرومه من هالشيء ..

تحسبيني ما أفهم .. ما أحس

أعرف شعورك لما تكونين مع الوالد "

و مسكت كتوف أمها بين إيديها و حطت عينها بعين أمها و قالت :

" يـمـه أفـهـمـي لـيـش أنا أبـي أتـــــــــزوج .. "

الأم ما قدرت و دارت و جهها عن بنتها و قالت :

" يا بنت إســتــحــي "

لكن البنت كملت كلامها :

" يـمـه المسأله ما فيها حيــــــــــــــاء .. هـذي مـشـــــــــاعـر طـبـيـعـيـة ..

كـلـه كـــــــــــوم .. و منظر صـديـقـاتـي كـــــــــــــــوم ..

كل يوم أشوفهم الصباح يــجـيـبـونـهـم أزواجـهـم للـكـلـيـه

و أنا قـلـبـي يـتـفـطـر

أشوف أشكالهم مع رجالهم .. و أنـقـهـر ..

و أنا كل يوم أركب مع الســـــــــــــــواق للـكـلـيـه

يـمـه أنا كـلـي أحـاسـيــــــــــــس و مـشـــــــــــــاعـر

يـمـه أفـهـمـيـنـي عــــــــــــاد "

لكن الأم ما أسـتـحـمـلـت

طاحت على الأرض مـغـمـى عليها

و الظاهر إنها إنـجـلـطـــــــــــــــــت ..

جلست البنت على ركبتيها .. جنب أمها .. تحاول إنها تصحيها و هي تصرخ :

" يـمـه أفـهـمـيـنـي ... أنــا .... أنــا .... أنــا ....

أنــا أبــي أتــزوج عشــــــــــــــان ..

"عشـــان أبـــي أركــــــــــــب قــــــــــــــــــــــــــــــــــــدام في السيارة "

م ن ق و ل ه
:D

14 / 05 / 2002, 21 : 01 AM

ههههههههههههههههههههههااااااااااي

الله يرجك وانا اقرا القصة استغربت هل هذا اسلوووووب بنت

ولكن اذا عرف السبب بطل العجب

تسلمين وبانتظاااااار المزيد من المشاركات

وفقك الله:D

14 / 05 / 2002, 03 : 02 AM

تسلمين لمياء مشاركه حلوووووووووووة :D

14 / 05 / 2002, 30 : 08 AM

هههههههههههههههههههههههههههههههههههههههه
تسلمين لمياء على هالمشاركات الحلوه:D

14 / 05 / 2002, 01 : 06 PM

مشكوره اخت لمياء على هذه القصه

تعليقي:
الحين انا متابع الموضوع
وابي اشوف نهايتها مع هذي البنت

تاليتها طلعت تبي تركب قدام
حلوه:D :D :D :D

14 / 05 / 2002, 35 : 07 PM

ساعي البريد . عاشقه البحر . اردينا
AFTER DH
مشــــــــــاركاتكم وردودكم را ئـــــــــــــــــعه
اتمني تكون اعجبتكم نقره لعرض الصورة في صفحة مستقلة

ولكم مني خالص الشكر والتقدير
اختكم لميـــــــــــــــــــــــــياء

14 / 05 / 2002, 57 : 08 PM

مو معقولة ,.,

متحمس مع القصة و حالتي حالة ,.,

و آخرتها ........ تركب قدام ,.,

و تقول شعوور و أحاسيس .,.., :D

الحمد لله بس ,,.,

شكرا اختي لمياء ,.,

15 / 05 / 2002, 40 : 01 PM

اهلين لمياء

قصه حلوه يالمياء نقره لعرض الصورة في صفحة مستقلة

لكن ليش لا فقد يكون احساس امها واحساس الاخوان والاخوات اللي ردوا عليك هو ماكانت تريد قوله وفي النهايه حولت الموضوع الى الركوب قدام نقره لعرض الصورة في صفحة مستقلة

بعدين ليش امها تنجلط مادام هي عارفه وحاسه وشاعره وزياده انها مجربه ؟
ولوا فعلا احساس البنت ليس الرغبه في الركوب قدام وصارحة امها بغير ذالك واخبرتها بالغايه الحقيقيه من رغبتها في الزواج وش حيصير يعني اوليست هي امها والمفروض ان امها تاملها خير وتهدي من حماسها حتي يفرجها الله

معليش اخذت الموضوع بجد نقره لعرض الصورة في صفحة مستقلة

لاني شاعر فيها مثل ماشعر الاخوان والاخوات قبلي

تحياتي وشكري لك على هلقصه الحلوه

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
@زواج@	المزيونة	‏ \|\| اوْرآق مُلَوَنة ..	5	20 / 07 / 2004 37 : 05 AM
طلب زواج	after dh	‏ \|\|ترفيه وَمسآبقآت	5	29 / 04 / 2002 52 : 07 AM
زواج المسيار= زواج المتعه	sasa	ملتقى الأصدقاء	2	02 / 08 / 2001 15 : 12 PM
زواج غير شكل...	رئيس التحرير	‏ \|\|ترفيه وَمسآبقآت	2	23 / 07 / 2001 47 : 01 PM

الذين يشاهدون محتوى الموضوع الآن : 1 ( الأعضاء 0 والزوار 1)