المكان ..

واحس ان المكان يضيق بي ويضيق بي ويضيق
وقلت احرث ورق وازرع قلـم واسيـل كتابـه ..


عشان اليا اسرني هالمكـان وثـار بـه زنديـق
افك شيوخ اصابيعي واخلـي الشعـر ارهابـه ..


تحزم ـيا لسان الشاعر بشلف الحروف وويـق
على بنت الخيال اللي كساهـا الشعـر جلبابـه ..


وتزبرق في المرايا الخمس لامن كحـل العشيـق
عيـون اوراقـه بميلٍ مابيـن ابهـم وسبابـه..


ابي ترسم على وجه السطور بريشـة الذويـق
تزحلاق النـدى فـي وجـل منسابـه ومرتابـه ..


ابيك تزين اورااقي من مروج الزهر والشيق
مثل ما حمـرة آخـر هالنهـار تزيـن غيابـه ..


وابي تغسل عيونكـ من نعاس العسعسـه وتفيـق
على صوتـن يهدهـد بلبـل الخفـاق زريابـه ..


وانا بحلب سحاب الشعر واصبـه بفمك ريـق
ايلين اشوف ثغركـ من حلاتـه يقطـر ألعابـه ..


وابا ازود حلاه اشـوي وازلـه مـع الابريـق
مخدر شاعـرن تلقيمتـه مـن اصبـع اتعابـه ..


وابغلق هالعيون برشفته واقـرى ورى التغليـق
حروف اعمـى مشخمطهـا بعرجونـن تقدابـه ..


عشان اركز على جدار الصور مسمار للتعليق
لصورة شاعـرن ماوقـف فكـره علـى بابـه ..


وكثر ماني مركز قمت احس اني من التحديـق
كأني جفن في طـرف الـورق ماحرك اهدابـه..


احاول اقنص احرار الصور في زحمة التحليق
عشان انفي من طيور الشعر هدهـده وغرابـه ..


آبا اطهر معاني دنست مـن عاهـر التلفيـق
مدام انهري أطهر مـن محيـط المـدح والقابـه ..


كفايه سربل المعنى يده مـن طهبـل التصفيـق
على ركاك الكلام اللي يغـث السمـع يـا يابـه..


وبعد من أنطم هالمعنى خضع واستفحل التنطيـق
كانه قال تحته هيـه انـا سيفـه وانـا حرابـه ..


وانا عم الوزن والقاف لكـن صنعـة التبريـق
تجي بالواو و الاسطه شويعـر كشـر انيابـه ..


لذا بشخل حروف الشعر يا مستشعـره وأريـق
حثالة شاعـرن لامـن تغنـى عجعـج ترابـه ..


تعبت اهدي اعصاب القلـم وافـش بالترويـق
مزاجية شاعرن لـو هـدى مـا هديـت اعصابـه

ابن ساقان

مبدع ابن ساقان


قصيده جزله

صحلسانه

وصحت يمينك ياذوق

السلام عليكم ورحمة الله وبركاته

جميلة الكلمات والتعابير

عجبني من صوره :

وانا باحلب سحاب الشعر واصبه بفمك ريق
ايلين اشوف ثغرك من حلاته يقطر العابه

الله يسامحه خلاني اتخيل السحاب بنت والدنيا اليوم مليانة غيوم وسحب

مرررررة رووعة القصيدة

تسلمي ملكة لاختيارك وما نتحرم منك
وعلى قولة الراقية شكلك مغرزة عند ابن سافان اليوم

بس يستاهل والله

الحجاج

	وانا بحلب سحاب الشعر واصبـه بفمك ريـق ايلين اشوف ثغركـ من حلاتـه يقطـر ألعابـه ..

ابدع بن ساقان
والصور في هذا البيت كانت اكثر من راائعة



شكراً لذوقك الرفيع


كلك ذوق


...

الله ملكة اليوم مساانا محمد بن ساقان روووعة
بكل ماااتعنيه الكلمة ،،من تصاااوير فنيه جميلة ،،والفااظ تعبيريه بليغه
صح لساان قاايلها ومو غريبة على محمد وسلمتي ملكة وسلم ذوقك
ملكة الله يسعدك دنياا وااخرة

	المشاركة الأصلية كتبت بواسطة الراقيــة

	مبدع ابن ساقان قصيده جزله صحلسانه وصحت يمينك ياذوق

نورتي يختي

	المشاركة الأصلية كتبت بواسطة الحجاج

	السلام عليكم ورحمة الله وبركاته جميلة الكلمات والتعابير عجبني من صوره : وانا باحلب سحاب الشعر واصبه بفمك ريق ايلين اشوف ثغرك من حلاته يقطر العابه الله يسامحه خلاني اتخيل السحاب بنت والدنيا اليوم مليانة غيوم وسحب مرررررة رووعة القصيدة تسلمي ملكة لاختيارك وما نتحرم منك وعلى قولة الراقية شكلك مغرزة عند ابن سافان اليوم بس يستاهل والله الحجاج

ههههههههه احمدو ربكم مااجيب كل مااغرز عنده
اسعدني مرورك

	المشاركة الأصلية كتبت بواسطة wafei

	ابدع بن ساقان والصور في هذا البيت كانت اكثر من راائعة شكراً لذوقك الرفيع كلك ذوق ...

نورت وافينا ..

شموع
ربي يعطيك العافيه