جنون السالفة

يا خايفه لو عارفـه؟ لا ماتشيليـن الظنـون =أحترت في طبعك أنـا ياهاديـه يـا عاصفـه
أحترت في قلبك أنا يمكن أكـون ولا أكـون =وأحترت في زينك أنا ياللّـي بزينـك نايفـه
يا فرحتي يارغبتي يا منوة القلـب الشجـون =خلّي ظنونك تحتـرق إنتـي لقلبـي كاشفـه
مهما أقول إنّي نويت أنسى عيونك ما تهـون =وعندي غلاتك ما تقل يا راغبـه يـا عايفـه
لا تستغلين الصفا مع طيبة القلـب الحنـون =يا فرحتي ليـه القسـا كنـك لقتلـي حالفـه
ماأظن قلبٍ لك وفا يا غاليـه يقـدر يخـون =ولا أظن قلب اللّي هوا تبقا الظنـون تحايفـه
ضاقت عليّـه دنيتـي يـوم ٍ تقفّيتـي بهـون =خانتني العبره معك ميـر المحاجـر ناشفـه
إذا صفا وقتك معـي الفـرح غنّالـي لحـون =وإذا قسا وقتك علي كـل الظـروف مخالفـه
عمر الجمر يا غاليه ما يهدي البسمه عيـون =إلا إنتي جمرك يالمها أضحك عيوني الخايفـه
نسيت قسوك والزعل قلت القسا منك يمـون =وش عاد لو عينك قست أدري القلوب موالفه
الشمس والقمرا وأنا والكون لعيونـك نهـون =عن حالنا لا تنشدين العيـن وأنتـي شايفـه
كل الدروب إليا أرتوت عشقي مع كف المزون =صارت دروبي كلهـا فـي يمتـك متحالفـه
ما دام لك كل الوفا وما دام لك أقسى عيـون =من وين جبتي يالمها كثـرة بـرود العاطفـه
سوالف ٍ قلبتها بالراس فـي لحظـة جنـون =لقيتك إنتي يالمهـا أحلـى جنـون السالفـه

الشاعر : عبدالرزاق العنزي

........

.......................

هلا وغلا مرهم
الف شكر لك على حلاوة الاختياااار
وهذا ناتج عن ذوقك البديع.

..

تحياتي

ياهلا و مرحبا فيك

مرهم

يعطيك العافيه على هذا النقل الرائع
والجميل

وتقبلي تحياتي

اخوك
فـــزاع

........

...

مرهم
كل عام وانت بخير

والف شكر لاختيار الموفق
ولذوقك الرفيع


كلك ذوق


...

اختيار رائع ينم عن ذوق رفيع

يعطيك العافيه اخوي