......الناس تظحك بي وانا موتري زين.........

اسعد الله اوقاتكم بالمسرات
ابيات وابيات فاظت قريحتي بعدما شريت السياره المباركه
اللهم اعطني من خيرها واكفني شرها
بسم الله الرحمن الرحيم

تفضلو ايااعزاء

.............

الناس تظحك بي وانا موتري زين=يازين مشيه يوم جيت الصحاري
شاريه حاظر ماشريناه بالدين=مفحوص جاهز من طبيب استشاري
من شافني قال انت شاريه من فين=فيدة جحى ابك انت ويش انت شاري
قلت ايه انا شاريه يافلان باالفين=وموظبه بالفين لاجل الطواري
ياعوينكم ياهل الصحف والدواوين=ياللي ركبتو فوق جيبٍ سفاري
ويش استفدتو وارصدتكم ملايين=يهيم واحدكم تقول انتحاري
ان كان مافيكم صلابه على الدين=يصيبكم رماي راع السواري
وياموتري والله لشغلك هالحين=واسمع سيورك يوم جاها افتراري

صح لسانك يالجسر

ما شاء الله تبارك الله ومبروك الموتر

الله يعطيك خيره ويكفيك شره

بس انتبه ترى الكبوت فاتح ههههههه

وياموتـري والله لشغلـك هالحيـن واسمع سيورك يوم جاها افتـراري

الله الله الله علييييك يالجسر ... فالك الموتر ..

اقصد فالك المولوون .. وربي موتني ضحك ..

الله يعطييك خير هالموتر ويكفيك شره ..

ما ينحصل ترى .. حط بالك علييه ..

صــــح لســـــانك يالشـــاعر ..

يالله انا ابي لفه بالبر في هالموتر لعجييب بس بشرط بعز الظهر .. إذا احد يبي يلتحق بالرحله يسجل اسمه لو سمحتو ..

شرايك يالجسر ... لا تردني بس .. ترى على انغاام صوت السياارة بتكوون الرحله جد رومنسيه ..

يعطييك ربي الف الف عافيه خيوو .. خيتك حوور ..

يالجسر ما دام الموتر يغنيك عن الناس فبها ونعمه

الله يعطيك خيره ويكفيك شره مبروووووووووووووووك

الجسر مغير الموجه هالايام

شاريه حاظر ما شريناه بالدين(وهذا الاهم)

صح لسانك ودام حرفكـ

عازف الايقاع

اهلا وسهلا بك

اسعدتنا بمرورك


وعلا فكره الكبوت مايسكر كويس مادري وش علته
لكن ابي اهندس فيه على رواقه


اشكرك على المرور والتصفح

حووور

اهلا بك كم انا سعيد بتواجدك معنا


ليش بس اخترت التمشيه بعد الظهر

والله مشكل السياره مكيفاه لك عليه

هههههههههههههههههههه

ولكن الاصوات ياربي خذ كل الاصوات وموجوده كل النغمات في قرقعته
وحشرجته اكيد بترتاح على صوت سيوره وشكامينه

على كل حال انا ماشريته الا عشان اتمشى عليه وافرج الزهج

اللي يخليلي مويتري


.......


تحياتي وتقديري تقبلها

ضمأ الهواجر
........

اشكرك على المرور والتصفح

الله يبارك فيك ويسعدك

واللي يسدالحاجه ياطيبه

تحياتي وتقديري لك

الاستاذ راع المشاعر

......

اهلا وسهلا بك


شرفتنا بحظورك وتواجدك

ابيك بس تشوف اللاصطب اللي يدودل في صدام عطي الله
كل مارجعته ورحت مشوار اندلع واحيان يسحب في الارض
لكن اللي مطمني جدا اني يوم فكيت مكينته وجدت بساتمه صفر يعني ماقد فكت المكينه من قبل
وتشجعت لان المهندسين مابعد لخبطو الشغله

هههههههههههههههههههه

على كل حال نبي نرمضن عليه وفيها ميت فرج

............

تحياتي لك

اضحك الله سنك يا الجسر


ومبروك الموتر


الله يحفظه من عيون خلق الله


ماتبيعه بخلفة متلي ام ثاني


هههههههههههههههههههههه


تقبل تحياتي وسجل اعجابي