الأخ الهلالي المتعصب خلووووووووووووودي
تحيه من قلب يحبك ويغليك
أخوي
الستايل أو الطريقه الي رباني الوالد الله يحفظه
كانت بعيده عن الواقع المر الذي نعيشه في عصرنا الحالي
كان ما يحرمنا من شي ، ويبذل قصارى جهده في تحقيق كل طلباتنا
يعني بيني وبينك معطيني وجه زياده عن الزوم ، يعني دلع في دلع
الله يخليك يا بوي تعبت واجد معي ، ليته يقرى كلامي ويسامحني
بكثر ما أنا تعبته ، بكثر ما أنا ندمان
تعرف خالد
الواحد ما يحس يقيمة والدينه وتضحياتهم عشانه
إلا اذا تزوج وجاه عيال ينكدون عليه عيشته ويتعبونه
((( وقل ربي ارحمهما كما ربياني صغيرا )))
المهم الله يسلمك
أنا مختلف إختلاف جذري عن والدي الله يحفظه في تربية الأبناء
لا تفكر إني شديد بالحيل ، بالعكس أنا أشد اذا كان الأمر يستاهل
وأمسك أعصابي كثير عشان ما يتعقدون عيالي
يعني مره أنا أشد وأم مشاري ترخي والعكس صحيح
يعني اذا جاك الشيخ / مشاري وخنق نفسه بحبل الستاره ، مستحيل تضحك
وتسئله ليش سويت كذا يقول مثل عدنان ولينا وعبسي
حسبي الله عليهم ، بغى يروح ولد بسبتهم
بعدين أنا أحب آخذ ولدي معي في طلعاتي للشباب بشرط أن يكون المحل نظيف ولا يوجد مدخنين
الوالد ما عمره أخذني معه
يعني الشاهد إن فيه فرق كبير بيني وبين الوالد في موضوع التربيه
السؤال الثاني
خالد تكفى تراني مآخذ مقلب في نفسي
ترا اذا صدقت بيكبر رآسي ، ولا راح أعطيك وجه:D
أي مدرسه يا حلووووووووووووو ، شويت تعبث سميته مدرسه
يا خالد ادخل للمواقع الأجنبيه
وشف الجرافيكس على أصوله
بعدها بتقول لمسات خرطي
شوف خالد التصاميم الي أسويها ، هي تعكس شخصيتي ، زي ما موقع لمسات يمثل حس هشام
تشوف الألوان الي أختارها تراها موجوده في حياتي
عندك اللون الأسود والأحمر والبرتقالي أموت فيهم
خيمتي اثاثها من الداخل أسود وأحمر
سيارتي سوده
مكتبي أسود على برتقالي
حتى لبس مشاري أنا الي أختاره ولازم تكون الألوان الي أحبها موجوده
يعني مريض بالألوان هاذي:D
بالنسبه للبرامج عد واغلط
بس أهمها
فوتو شوب 7
أدوبي بينت شوب 6
كولور درو ، بس صعب بالحيل
السؤال الثالث
شوف حبيبي أنا شرحت للإخت ريوف عن الموضوع هذا ، ياريت تشوفه في ردي عليها
بس في شيء ودي أقوله
لأني تعبت من الإستفسارات الي تجيني على البريد
وأكثرها شكر للقائمين على موقع لمسات ، أو انتقاد
ويوجهون الموضوع لمجموعه
يا عمري
موقع لمسات أنا الي مصممه ولا كان فيه أي مساعده من أي شخص
تصدق يا خالد
والله كان الموضوع في البدايه تعبث
بعدين انقلب لطموح
بعدها حققت حلمي
والحمد لله أنا أفتخر فيه ، وأسعى لتحديثه بقدر المستطاع
وما كنت أتوقع إن راح يكون عليه إقبال بالطريقه هاذي بالرغم إني مقصر فيه
خالد
لمسات يمثل روحي حياتي رومانسيتي عواطفي حسي وكل شيء رائع في حياتي
إن لما تدخل لموقعي تخيل إنك قابلتي
لأن لمسات هشام ، وهشام هو لمسات بألوانها وطيفها
والحمد لله على كل شيء