همسة شجن

همسة شجن

شعر (الضافر)=
ياما على قبر الحبيب تعديت = ويا كم بغالي دمع عيني رويته
ولولا الرجاء فيمن شرع حجة البيت = لسكن معه بعد أصبح القبر بيته
أوانسه حتى وهو في اللحد ميت = وان عز وصله في أسفل الحزم جيته
وأهمس بقولي كيف في قبرك أمسيت = من خوف لزعج من بدمعي بكيته
وأخبّرك عن حالنا بعد ما اقفيت = وهم الفراق اللي في بعدك صليته
أواصلك حتى بعد ما تواريت = وكني نصاب لقبر منهو هويته
ما ابغى تحس اني بموتك تخليت = لا واللذي من جور ما بي دعيته
واسمع ركون البيت تنشد ليا جيت = وين العديم ونور صبح رجيته
وضافي لبوسك تنتظر عله وليت = وحتى لباس العيد لأجلك شريته
ووجدي على يوم بقربك تسليت = وفيحت كل اللي بصدري كنيته
يأمن على زين الطبايع تربيت = ووصوف زين ما لغيري بديته
مشكاي لامني من الوقت عانيت = والنور في درب بقلبي مشيته
ومن ينتظرغايب يوقت مواقيت = يا غايباً ما عاد لو احتريته
والناس تهدي من عروض الحوانيت =واهديت لي عمر بقربك حييته
واليوم جدى الحيل دمع وتناهيت = وكف يجس تراب قبر ضويته

الشاعر / الظافر


صح لسانك ملايين

وكل عام وانت بخير

صح لسانك يا ضافر
عن جد همسة شجن من القلب للكل قلب وصلت

ياترى تعب النفس من الفراق ليه دووم تاعبنا
ندري انه هاد حال الدنيا تجمع شملنا وتشتتنا
اذا اليوم اني هنا بكره بصحب في غيبتي ببالي لمتنا
واذا انتهى العمر حد الغياب يبقى اقله عمرت مجلسنا

في ناس يبكي لغيابها الشجر والحجر بساحتنا
ودووم يتذكرهم الخاطر ولو ماخاطب لسانهم لسانتنا
نتذكر وجودهم و بسمتهم في طلعتنا ورجعتنا
و تدمع العين لمكانهم الخالي والكف يمسح دمعتنا

وفي ناس ان غابو ماتدري لغيابهم تاثير بمواقتنا
ما شفنا منهم خير ولوساعات يحضروا ذاكرتنا

وفي ناس من الغاليين والحبايب بنموت لو فارقوا دنيتنا
موت الروح تناظرو العين في العين وتقرى سكراته خلتنا
فداك العمر والروح والغوالي هاد دووم صافي نيتنا
بس وقت يحين الحين لاراد لقضاء خالقنا
ولو كان البكا يرد اللي فايتين كنا ردينا الحبيب المصطفى سبب هدايتنا..


تقبل اخي بسيط كلامتي ، ارتجال لربما لا تنسيق فيه، لكنه من وقع شجن كلامتك المنقحه

عازف الإيقاع شكرا مرور لامع

نازك الملائكة : مرور مجزل في الثناء يعجزني شكره , دمتي

ومن ينتظرغايب يوقت مواقيت = يا غايباً ما عاد لو احتريته
والناس تهدي من عروض الحوانيت =واهديت لي عمر بقربك حييته
واليوم جدى الحيل دمع وتناهيت = وكف يجس تراب قبر ضويته

معزوفة شجن رائعه


رائع يالضافر


صافحة مميزه

دمت كما أنت .. مبدع


وبانتظار المزي من الإبداع

ومن ينتظرغايب يوقت مواقيت = يا غايباً ما عاد لو احتريته
والناس تهدي من عروض الحوانيت =واهديت لي عمر بقربك حييته
واليوم جدى الحيل دمع وتناهيت = وكف يجس تراب قبر ضويته

:


معزوفة شجن رائعه

مصافحة مميزه بالفعل يالظافر


دمت كما أنت مبدع

وبانتظار المزيد من الإبداع

هلا بالمرور والسطور من الراقيه عسى ماتفقدين غالي , دمتي