ضايق صدري بالحيل ...

لا وصلت الضيقة حدها معك
ورحت لربي وشكيت له
وبكيت بين ايديه
وانت واثق تماما بانه مارح يفرجها غيره
وتصبر وتصبر
وماتروح الضيقة
وتقول الحمدلله
عسى الله يجعلي بها تكفير ذنوب
واكيد له حكمة في كذا
لكن ماتقوى عليها اكثر
ويجرفك الالم في دوامته
تروح للي كان اقرب قريب لك
احد من اهلك
ودك تشكي له
تلقاك تشكي منه
تسكت
وتقول ماودي بوجع اكثر
تروح لرفيقك ؟
لا .. يكفيه اللي هو فيه
ضيقته انطبعت على ملامحه
تروح لحبيبك؟
لا .. ماتقدر توصله الحين
طيب وين تروح ؟
مافي غير انك تقعد لحالك
انت وايا هاالدموع القشرا
وتقعد لحالك
وتتقلب عليك المواجع
هذا ليه ؟ وهذا مو ليه ؟
وتحس ان العبرة خانقتك لين ماعاد تقدر تتنفس
وتقول لا اله الا الله
اللهم بس صبرني وثبتني يارب
وتصير تبكي تبكي
وياليت الالم يخف
بالعكس تحسه يزيد !!
افتح الجهاز
وادخل هنا
والقى كل بهمه مبتلى
يارب تفرج همومهم يارب
واقعد افكر
هذا كان سعيد وش غير احواله ؟
وهذه كانت تضحك وش فيها زعلانه ؟
وبين السطور
اقرا معاناة والم
وانسى نفسي شوي
وترجعني العبرة لها
واتامل حال الناس
في هالزمن
كل غدا يشكي ! ليه ؟
كل غدا يبكي ! ليه ؟
ليه الظلم ؟ ليه الالم ؟
ليه قتل المشاعر والقلوب ؟
ليه البخل ؟ ليه الانانية والكذب ؟
ليه الدموع ؟ ليه ؟
ماعاد للضحكة عنوان بين قلوبنا ؟
غدا الهم اكبر وصوفنا !
دلوني على احد مرتاح !
مافيه !
وان لقيتوا .. اسالوه هالاسئلة !؟
وعطوني الجواب
وانا جوابي الوحيد
ان هذه اخر الدنيا
كلمة ودي اصرخ بها في اذان هالمغترين بها
يكفي !!
يكفي اللي انتوا فيه من تخطيط لبكرة يكفي !!
ماعاد باقي على الدنيا شيء .. يكفي !!
ناظروا ربكم واطلبوه المغفرة
واتركوا لنا فرصة لاخذ القرار
يكفي تخطيطات منكم !!
هذا مستقبلنا وحدنا
ومانبي شيء غير
راحة البال ورضا الله عننا
ويعيدني صوت الاذان لربي
واقول اصبري يانفس
الفرج من الله قريب
قريب
قريب باذنه تعالى




اعذروني بس من ضيقة الصدر ماعاد ادري وش اسوي .. تعبت وربي تعبت تعبت
لكن ربكم كريم يفرجها ومالي الى ذاك الحين الا الصبر
دعواتكم
وياليت أي احد ضايق صدره يخرف هنا معي شوي
يمكن نقدر نساعد بعض

سلام

مرحبا.....

يعطيك ألف عافيه اختي الغاليه سراب...

خيال متميز برقة تذوقك يالغاليه...

ابداع معهود عليك وانتي صاحبة التميز....

سلمت اناملك على روعة ماخطته لنا من جمال وابداع...


وهذ شيء على الطاير يالغاليه واتمنى انك تعذريني....

تختنق الزوايا في اوراقي
تثير بقايا حبر كتاباتي
تتبعثر النقاط
تلهث تستجدي البقاء
ويصطبغ الجوف بالسواد
تنطمس كل الألوان
وتتلجم الأقلام
تبوح بصمت اوجاعي
تتراقص دمعة في أعماقي
لتغسل سطور كتابي
فتتقلص اوهامي
ويعقبها زيف احلامي
كفاك تمردا يا قلبي
فقد جفت أحباري ..

(وليدة اللحظه )



تحياتي
الهاجر

رغم التخبط
والمجازفة بنفسك على
كاهل الحروف المهتريه
من العزف المتواصل
الا انك متمسكة بعروة وثقى
رغم انك سراب لايرى له مدى
ولايلمس ابدا
لا تضيقين
وكيف بمن له حدود وله نهايات
اذا ضاق السراب فلن
نرجو سعة لاي مساحه
سراب عندما تنتسبين بين احرفك
اشاهدك كالسراب واسم على مسمى
ولكن لا ارى فيك ضيقة بال
بل ارى حكيم وواعظ يعظ الجميع
ولو انك بدأتي بالنهاية المفروضه
كاللجوء الى الله في البداية ثم الشكوى
ولكن اعلم ان نيتك هي الصفاء واللجوء الى الله
هو علامة معرفة النفس والحق
وهذه هي الفضيلة التي ينعم بها ابن آدم
تحية لك واتمنى لك التوبة ولنا جميعا التي تدعين اليها
وجزاك الله خير
وابدئي بنفسك لكي تكونين قدوة
لاخواتك واخوانك ولما لا وانتي مديرة في الاصل
هلا فيك
وتحية لك
وكل عام وانت بخير
اخوك صالح الشدوي

.
.
.
.
.الحزن والضيقه يعملوا الهوايل

.
.
.
.رحنا كثير مع اسطرك....

لكن لعل القادم احلى...

اكثر تفاؤل...

.
.مهما كان الدنيا بكبرها ما تستاهل



(ولو كانت تسوى عند الله جناح بعوضه ما سقى منها الكفر شربة ماء)

وكل وقت والسعادة لا تفارقك ان شاء الله

وردتنا البيضاء

بدون مقدمات او شرح
ابي اقول شي وبالعاميه
يعني نبي نسولف سوى شوي


هذا وانا اخوك رجال عايش بكل سعاده
يضحك ينام ياكل يطلع يروح يجي بكل حريه
احنا نشوفه كذا
وكنت اقوله دايم ياحظك فقلبك
كنت اقوله انت ماتعرف تشيل هم شي
يرد علي يقول ماحد ماخذ من الدنيا شي معاه اذا مات
اهم شي صلي فرض ربك وابعد عن المحرمات وانت ترتاح
وكل شي بعد هذا
امره يهون


فكرت بكلامه قلت والله صحيح
لكن شلون اقدر اسوي مثله
للاسف حاولت كثر لكن ماقدرت
ورجعت له ثاني قلتله انا عجزت اسوي مثلك
قال مستحيل
لان اسلوبك شخصيتك مختلفه عن اسلوبي وشخصيتي
قلتله اذا انت المرتاح الوحيد لان مافيه احد شخصيته مثل احد ثاني
ضحك
وقال لا
انا اللي تشوفني مرتاح واضحك
عندي من الهموم اللي ماتشيله جبال
بصراحه ضحكت
قلتله انت؟؟؟؟
ياليت همي مثل همك
قال انت وش يدريك
انا ماتوا ابوي وامي واخوي في نفس اليوم
قلتله هذا صار زمان وانا عارف
لكن انت قدرت تنسى وهذا اللي ابي اعرفه شلون انسى
وفجأه وكانت اول مره اشوفه يبكي
قلتله لا لاتبكي انت المثال بالنسبه لي
قال انا نسيت ابوي ؟؟
انا نسيت امي ؟؟؟؟؟؟؟؟؟؟؟؟؟
قلتله اشوفك تضحك مستانس مافيك شي
قال طيب وان نسيتهم
هالايتام اخواني الصغار ما اشيل همهم
واحد مريض والثاني خايف عليه من (شله هو يمشي معها)
قلتله يعني انت تفكر بطريقتنا
وتهمم ؟؟

لكن متى ؟؟؟؟
قال ايه (ونطقها بكل استهزاء) ولو كان واحد مثلك مكاني كان زمااان يمديه .....................وسكت
قلت ياخوي انا ماقـ..... وقاطعني قال اسكت
انا يالمتشاكي راتبي الف وثمانمية ريال وفاتح بيت واصرف على ايتام
ولا انت قلي وش تسوي؟؟؟
انا يا(جبان) ما تركت ضيف ولاواجب مع اني قليل حيله

انا ياغبي يامدعي الهموم ماعلي ريال واحد دين

والان لو سمحت روح واتركني لحالي
قلتله لا
انا اليوم عرفت شي اول مره اعرفه
وماكان لازم اغفل عنه
انا اسف جدا جدا جدا كنت افكرك نسيت

سكت شوي
وقال
شوف
لاتشتكي للناس همك
ابدا مهما حصل
انتوا للاسف الواحد فيكم تبكيه (مره) ولما تسأله ليه يقول احبها
والله مشاكلكم كلها بسيطه وتنحل
لكن انتوا ابسط منها
عشان كذا تشوفونها مصايب
وين مشاكلك هذي مع ولد مترف ثري جدا
يحرم من كل ثروته لانه اسلم ؟؟؟
وين انتم من امرأه تصبر وتحتسب الى ان تستشهد


وسكت شوي وانا فاتح عيوني (وفمي ) مادري وش اقول
قال الان روح راجع نفسك
وصدقني مثل ماقلتلك في الاول
مافي شي بالدنيا يستاهل

حبيبتك اذا زعلت عليك وانت شفت الدنيا كلها سواد
طيب عشان كذا لاتزعلها من الاساس وارتاح
المهم روح نام الان ولاتنسى تمر علي بكره عشان نطلع البر
ويضحك وانا مذهول

قلتله انشاء ومشيت

__________
بعد هذا اختي
طولت عليكم اسف
واتمنى المعذره

اخوك يلدز

هلاااا ومرحبااا سراب

ياضايق الصدر بالله وسع الخاطر
دنياك يازين ماتستاهل الضيقة
الله على مايفرج كربتك قادر
والله له الحكم في دبرة مخاليقه

اهديك هذه الكلمات عشان تروقي بس

سراااااااب .. من فينا مايعاني ؟؟
كل انسان له معاناة بشكل خاص
ومختلف عن غيره ولكن يراها
انها الاكبر والاعظم بجانب غيره

عزيزتي .. حاولي ان تتغلبي على
احزانك .. واكثري من القران والصلاة
فهي مفتاح الفرج

أدري اني طولت عليكِ ودوشتك
بس انتِ قلتِ شاركوني
وتحملي عاد :p

دعواتي لك براحة البال وتحقيق المنى

الاخت العزيزه سراب

بالفعل نحن في اخر الوقت
كل ما حولنا يخبرنا ذلك
ان كان على مستوى الاشخاص
او على مستوى الامه
بالفعل ما كتبتيه يعاني منه الكثير
في هذا الزمن
لكن
نحمدالله الذي خلقنا مسلمين
موحدين به
عارفين انه النافع الضار
نلجا اليه في كل الاوقات
نطلب الفرج منه
وان لم يحدث ذلك في الدنيا
نعرف انه لن يضيع ما قاسينا
منه في الاخره باذن الله
الى الاخت سراب

الدعاء ثم الدعء ثم الدعاء

عسى الله ان يكتب من بعد
عسرا يسرا

تحياتي وتقديري لك

[c]..................

......


ضايق صدرك ياسراب ؟

عندي دواك ياطويلة العمر
بادلك على واحد ودينا له واحد كان ضايق صدره
وقرأ عليه كم آية وصكه مخمس وقال حولي عنه ياخبيثة
وقام خوينا يتضحك مافيه الا العافية :o

الا تبين الدواء اذا اراد الله ؟
قومي صلي لك ركعتين واقرأي ماتيسر من القرآن
وباذن الله غير ينشرح صدرك وتزول الضيقة
وخذيها مني نصيحة من يامر الناس وينسى نفسه
بس والله كله من اخو مرّة الله يلعنه


كلمات معبرة ياسراب
اتمنى لك الطمئنينة وانشراح الصدر
وراحة النفس وهدوء البال





سلااام


...

[/c]

[c]





اختي سراب

كل انسان تمر عليه حالات مثل هذه

واحيانا يرى ان تفريج الهم بان يشكي لشخص والا لاحد ما

واحيانا نفكر ان الذي يفرجها هو الله 000وهذا هو الصح

لكن ربما نستكبر على الله ولا نشكي عليه

نخاف 00مدري ليه ؟ مع انه سبحانه هو مفرج الكربات

او يمكن ان الهم اصلا 00نستحي ان نطلب من الله تفريجه لماذا؟؟!!!

ربما يكون هم باسبابنا انفسنا 00يعني ربما يكون اساسه ليس

صحيحا 00لانه ما امرنا به الله 000مثال: كمن يشكي هجر حبيب ليس

له حق يكون حبيب الا بشرع الله 00

اما الهموم الباقيه 00فان دواها بانفسنا 00ونحن سببها لاننا ناخذها

بحساسيه كبيره 0

0اقول لك كلامي هذا وانا بعيده عما اقول لكن ربما

يجعلني كلامي اعمل به واجبر نفسي على اني اصبر نفسي من خلال

شرحي لك ووصفي 00

خذي هذا 000كنت ابي اغنيه ياضايق الصدر بس مالقيتها

http://www.kubbar.com/Music/yaghayeb.ram

انا بعد مهمومه

وعسى الله يفرج همومنا ويتجاوز عنا

معليش مقدر اكمل ولا ادري وش اقول

لان دمعتي غلبتني والله ياسراب

والله يفرج هم كل مسلم

اختك

روح


[/c]

[c]يا ضايق الصدر بالله وسع الخاطر

دنياك ياصاحبي ......... الخ


سرابوه الدنيا ماتصفي على حال


زمانك لو صفالك يوم ---فلاتحسب صفالك دوم

وعينك لهتنت بالنوم ----- ترى الايام غداره



صح لسان قائلها


هكذا الدنيا ياسراب

ومن هذا المنطوق نقول كثري من ذكر الله فهو

جلاء لكل هم ودواء من كل غم


هذي هي احسن الحلول والمخرج من هموم وقتنا المتناميه


اشكرك من اخر اعماق قلبي


اخوك السيف[/c]