شاعر الاسبوع .. الامير .. خالد الفيصل ..

حدني وقتي على شيٍ جديد = السهر ماهوب من عادة عيوني
ابعدوني عن هوى بالي وسيدي = ومنعوا عني خطوطه ياصلوني
شطّروني عنه في دارٍ بعيدي = حسبي الله كانهم منه قطعوني
صارت الفرقا لنا علمٍ وكيدي = ليتهم راحوا وانا عنده نسوني
عاقني عن صاحبي سورٍ حديدي = دونه البحور حراس ٍ و دوني
الرجا بك يا بو خالد يا عضيدي = لاتخليني تراهم عذبوني

ماهقيت ان البراقع يفتننّي = لين شفت ظبي النفوذ مبرقعاتي
الله اكبر يا عيونٍ ناظرني = فاتناتٍ ناعساتٍ ساحراتي
في هواهن يا سعد كيف طرحني = راح عمري في مودتهن فواتي
كان ممّا صابني ماعالجني = الوكاد اني خطيرٍ بالمماتي
يا سعد خبر ظريف الطول عني = كان وده لي بعمرٍ في الحياتي
من نظرني بس اهوجس به و اونّي = ماتركني هاجسي لو في مباتي

لاتقول ان الليالي فرقتنا = لاتقول ظروفنا عيّت علينا
الليالي يوم ودك جمعتنا = يوم ودك كل شيٍ في يدينا
ياسقى الله ليلةٍ بك عرفتنا = في شعيب شهار عن غيرك سلينا
من مغيب الشمس حتى طالعتنا = عن هل الدنيا نزعنا و اعتلينا
ليلة العشاق والله ورّدتنا = ماردٍ ذقناه لكن ما ارتوينا
ليتها ياليتها ماودّعتنا = ليت ذاك الليل ما راح و سرينا
يوم هملنا الليالي هملتنا = كيف تعطينا و حنا ما عطينا
الليالي عن هوانا ما نهتنا = البلى حنّا على البعد انتهينا

انا غنيت من قلبي لقلبي = اغني له على نغمة ونينه
اغني له عسى من ون قلبه = مثل قلبي جعل ربّي يعينه
الا ياويل من مثلي تولّع = ولا ادرك ما تمنى من ظنينه
صواديف الليالي عرّضت له = و حالت بين محبوبه و بينه
لقى كاس المحبه ماه صافي = بغى يروي ظما روحٍ حزينه
فلكنّ المشقى يوم شاله = تكسّر كاس حبه في يمينه
وذا طبع الهوى باوّله حالي = ولكن تالي المشروب طينه

عز القصيد وزاعلتنـى حروفـه=من يوم غاب اللي قصيدي مهاويه
غابت به الدنيـا وخلـت طيوفـه=عزي لمن مثلى زمانـه يعاديـه
عقب الملاقي بس بالقلب اشوفـه=وعقب المناجي بس بالفكر اناجيه
كلامي وشوفي لغيـره حسوفـه=من غيره يخاوي غريبي واخاويه
يالوعه المشتاق تصفـق كفوفـه=لين التفت ماشاف بالدار غاليـه
كن العيون بكل شيـن محذوفـه=والقلب كن جموع الأيـام ترميـه
تسابقني مـن زمانـي سيوفـه=تجرح مرادي في حياتي وترميـه
ياعونه الرحمن ويـن النكوفـه=لين انتحي الخفاق وش عاد يثنيه
مارحت ادور عند خلـى مروفـه=مايرحم الا الله فلا شـك مغليـه

تحيااااااااااااااااااااااااااتي

انا من محبي الامير الشاعر (خالد الفيصل ) بقوة .
سلمت يداكم على هذه الاختيارات الرائعه .

يالوعه المشتاق تصفـق كفوفـه = لين التفت ماشاف بالـدار غاليـه
كن العيون بكل شيـن محذوفـه = والقلب كن جموع الأيـام ترميـه

تسلم يمناك .. الليدي عمشا ..

يسلمك ربي .. حارسة الليل ..

شكرا لحضورك

تضحك معي تحسب حياتي تساهيل = ليته صحيح و خاطرك مسفهلي
ماتدري اني شلت حمل الغرابيل = يالله دخيلك قبل وقته يحلي
للحزن تحت ضلوع صدري مداهيل = وانا ابتسم لك كن عمري تسلي
ابيك تدله يا ظبي الغراميل = و ابي هلالك كل يومٍ يهلي
يالله عسى رمش العيون المظاليل = ماينهزع من دمع عينٍ تهلّي

الله اكبر كيف يجرحن العيون = كيف مايبرى صويب الرمش ابد
احسب ان الرمش لاسلهم حنون = و اثر رمش العين ما ياوي لاحد
يوم روح لي نظر عينه بهون = فزله قلبي و صفّق و ارتعد
لفني مثل السحايب و المزون = في عيوني برق وبقلبي رعد
نقضّ جروحي و جدّدبي طعون = قلت : يكفي .. قالت عيونه : بعد
وانعطف هاك الشعر فوق المتون = وانثنى عوده وقفى و ابتعد
اشغلتني نظرة العين الفتون = حيرتني بالتوعد و الوعد
هي تمون العين و الا ماتمون = لي خذت قلبي و قفّت يا سعد