وينك شمايل

من صافي الوجدان حرفي كتبته == وسويت لك من صافي الود صوره

والدمع غالي ولجنابك سكبته == والقلب بيتك والمحاني اقصوره

يومك صغير بداخل القلب نبته == حبك بنى يالقلب باقي اجسوره

وناديت لك بعالي الصوت جبته ==== وينك شمايل ياغلى القلب نوره

د ساري الرياض

صح لسانك اخوي ساري

مبدع كعادتك

سجل اعجابي

صح لسانك اخي ساري ويخلي لك شمايل يااارب

لك تقديري واحترامي
سمو

	المشاركة الأصلية كتبت بواسطة د.ساري الرياض

	من صافي الوجدان حرفي كتبته == وسويت لك من صافي الود صوره والدمع غالي ولجنابك سكبته == والقلب بيتك والمحاني اقصوره يومك صغير بداخل القلب نبته == حبك بنى يالقلب باقي اجسوره وناديت لك بعالي الصوت جبته ==== وينك شمايل ياغلى القلب نوره د ساري الرياض

من داخل الأعماق حرفك جلبته
وجبت المشاعر كامله من بحوره

دكتور ساري ليه قربه طلبته
ما دام مثلك ماسكه من جذوره

انت الذي رقم القياسي ضربته
تشكي غرام ٍ باين ٍ في سطوره

ان كان قلبك للشمايل وهبته
ما ينفع الولهان يخفي شعوره
-------------------------------

اخي ساري صح لسانك أولا وتسلم يمينك ..

هذه مجرد مداعبة لا ترقى لمستوى المجاراة

ولكنها مجرد اعجاب بما خطه قلمك ,,

ودمت بخير ,,,

يومك صغير بداخل القلـب نبتـه=حبك بنى يالقلب باقي اجسوره

مبدع دكتور ساري

صح قلبك

استاذي الكريم عازف الايقاع
الله ايسلمك من كل شر وجميع الاخوان
مهما اكتب لاازال مبتدئاَ اتعلم نوتة العزف على الايقاع وبوجودك ووجود الاخوه الكرام ( قد اصل يوما)
شكرا لمرورك ولاريحيتك تقبل تحياتي
د ساري الرياض

سمو المشاعر
تسلم يالغالي ويخليلك الغوالي هنا ولا هناك ولاً بباريس نجد نزالي
مرورك يشرفني كنك يراع الحرف تعرفني وهذا من ذوقك تقبل تحياتي
د ساري الرياض

استاذي الكريم ابو خالد البجادي
كفيت ووفيت وانا اتعلم منك وما كتبته انت يتعدى المجاراة الى الاصل وكانه جزء منه وهذا يدل على بعد نظرك وشاعريتك

د كتور ساري ليه قربه طلبته = مدام مثلك ماسكه من اجذوره
ان كان قلبك للشمايل وهبته = ماينفع الولهان يخفي شعوره
كلام منطقي لا يختلف عليه اثنان ونظره ثاقبه فاقول

جهلت ان حبه سم يومي شربته = والسم يشرب حين وقت الضروره

ولو ادري انه سم ابد ماقربته = وصفة اعلاجي مرتبط في حضوره

كانه غلبني بالفعل او غلبته = نبقى كما حرفِ تتابع اسطوره
وتقبل تحياتي د. ساري الرياض

راع المشاعر
شكرا لمرورك الجميل نورت حرفي بشعورك المتدفق وذوقك الرفيع
دايم احروفك فوق تسمي مع الحرف == ولاهي غريبه وانت رع المشاعر
تقبل تحياتي د ساري الرياض