" ياهلا سفيران "

يا مواصل
السلام عليكم ورحمة الله وبركاته ..

هذه القصيدة إلى أخي الشاعر مواصل وإلى من يستطيع الرد عليها


لا ذكرت اللي رفض من موده ................خاطري والصدر ظاقوا بالسعة
وين أودي النفس من عشقاً تبده............يا مواصل كيف صوته بأسمعه
جيتهم سائل أبي عينة ويده ...................وأبعدوا عني خرايط موضعه
يا مواصل كيف خلي أسترده .................والرقابة بالمقص تمشي معه
أزرت يديني وأنا حبي أمده ......................وده ولـــكن ربوعــــه تمنعه
بعدها والله عمري ما أشده ...............عفت عمري عفت كلش أطمعه
كيف أنا بقدر على دمعي أرده .................يا مواصل كيف دمعي أقنعه
يا بو عبدالله ونفسي تستشده ................كيف قلبي من يدينه أنزعه
هايف القدين مزموم نهده .......................يابو عبدالله أنا كيف أشبعه
دوخ الرجال بعيونه وخده ........................والأكيد أن الشــفايا مصرعه
أن لمحت الحل قلي لا تصده ...................أكتبه خطوات وآنــــــــا بتبعه

آمل من الله أن تحوز رضاكم ..................أخوكم عبدالكريم المسفر

اخي الكريم .. سفيران
صح لسانك
اعذرني على التأخر في الرد ..

***************** الرد ( ياهلا سفيران ) ****************

ياهلا سفيران وابشر من يرده
................................. خطك اللي بالمدامع تطبعه
الهوى امره يلين وقت شده
...................................... وللظبا دربٍ لزومٍ تتبعه
المعالي منزل كلٍ يوده
............................... ودربها صعب الحواجز تمنعه
والزهر فوق الغصن شوكه يرده
................................. والدرر تحت البحر متجمعه
العزيمه والتفاني والموده
............................... الى التقت في قلب لازم ترفعه
وانت ياسفيران ودّك تستردّه
...................................... مقفيٍ خلك وودك تتبعه
فكان خلك بايعٍ وصلك ووده
................................... فالليالي مع زمنها توجعه
وكان عذال الهوى دومٍ تصده
............................... وزارعين الصد دوم بموضعه
امشي في دربك وكفك دوم مده
................................ دام خلك راغبٍ وصلك معه
وانتظر يمكن يجي يوم وترده
............................. وينبض الخافق وخلك تسمعه
وكانها الفرقى كثير اللي مرده
................................ للصبر .. والصبر طبٍ ينفعه
هذا شور اللي لفالك طيب رده
................................ حبر حرفه من بقايا مدمعه

**************************************************
اتمنى ان تنال على اعجابكم
تقبلوا خالص تحياتي

مواصل
سلمان بن عبدالله البريدي

ابدعتم جميعا

الف شكر اخوي سفيران

الف شكر اخوي مواصل


ولكم التحيه


وشكرا,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,

اخي العزيز .. الصقر

ياهلا وغلا
تسلم والله
اسعدني تواصلك
تقبل خالص تحياتي

مواصل
سلمان بن عبدالله البريدي

مرحبا اخوي مواصل


صح لسانك انت والاخ سفيران


ابداع وروعه منكما





تحياتي وتقديري لك

الاخ سفيران

صح لسانك مرة اخرى ..

ـــــــــــ

الاخ المبدع مواصل

والزهر فوق الغصن شوكه يرده
................................. والدرر تحت البحر متجمعه
العزيمه والتفاني والموده
............................... الى التقت في قلب لازم ترفعه
وانت ياسفيران ودّك تستردّه
...................................... مقفيٍ خلك وودك تتبعه
فكان خلك بايعٍ وصلك ووده
................................... فالليالي مع زمنها توجعه
وكان عذال الهوى دومٍ تصده
............................... وزارعين الصد دوم بموضعه


صح لسانك اخوي .. يعطيك الف عافية .. كفيت ووفيت ماشاءالله
راد شاف بكل معنى الكلمة ..

تقبل خالص تحياتي

توقيع : هذا شور اللي لفالك طيب رده
................................ حبر حرفه من بقايا مدمعه ... رااائع

اخي العزيز .. غريب

ياهلا وغلا
تسلم والله
وصح الله بدنك يالغالي
اسعدني تواصلك
تقبل خالص تحياتي

مواصل
سلمان بن عبدالله البريدي

السلام عليكم ورحمة الله وبركاته ..


أولاً أخوي مواصل أعذرني على عدم الرد عليها وعلى أيظاً الشكر لك عليها

والسبب يا عزيزي أنه أحد الأخوان في أحد الموقع الله يهديه أرسلي فيروس واليوم بس اللي خلصت الجهاز والحمد لله

اختي العزيزه .. سراب

ياهلا وغلا
تسلمين والله
وهذا من حسن ذوقك
اتمنى ان اكون عند حسن الظن
اسعدني تواصلك
تقبلي خالص تحياتي

مواصل
سلمان بن عبدالله البريدي

اخي العزيز .. سفيران

ياهلا وغلا
ومعذور يالطيب
وسعيد لتواصك
تقبل خالص تحياتي

مواصل
سلمان بن عبدالله البريدي