هذه مواقف طريفه حصلت لاصحابها فعلا .. الشر بره وبعيد عنكم .. :D
بسرررررررررعه ..
موقف ما راح انساه كنت داخل مسجد وقت المغرب ومتأخر والامام يقرا في سورة بعد ما خلص من الفاتحة وكان الميكرفون متعطل المهم دخلت متحمس وبالحق على الصلاة معهم الا وعلى دخلتي اسمع الامام يقول (ضالين ) وانا على دخلتي كبرت وقلت آمين .. الا واللي في الصف الاخير ماتوا من الضحك وقطعوا صلاتهم .. وانا احسب الامام في الفاتحه وهو يقرا سورة ثانية .. وسكت الامام شوي وكان وده يضحك .. وانا ما علي قاصر ... المضحك اني كنت متحمس وما أبي الركعة تفوتني .
معرس بألف شوكة وشوكة ..
واحد تزوج على زوجته ( ومن الحرة اللي فيها )... جت في ليلة عرسه ومسحت عليها قشر" برشوم " والبرشوم فاكهة لها اشواك .
الشغاااااااااالة ...
اتصلوا علينا المطار قالوا ترى شغالتكم وصلت .. وعلى شان نفتك من تفويض استلام رحت بنفسي أخذ الشغالة ... المهم وصلت المطار وخذت الشغالة بطبيعة الحال معها شنطه فيها ملابسها .. استلمت الشغاله وطلعنا للسيارة فتحت شنطة السيارة على شان تحط شنطتها .. تفاجأت ... أن الشغاله مدت رجلها بتركب في الشنطه قدام العالم .. وانا ما مسكت نفسي ما قلت لها لا قعدت اضحك وما مسكت نفسي وقمت أشر لها على شان تنزل والعالم تضحك .. المهم في الاخير نزلت من الشنطه .. بس بعد ما كل الموجودين جاهم مسيل الدموع من الضحك
وش اللي صااااار ...
فيه وحده من القديم تستحي مرة مرة .. ولما تزوجت كانت تستحي حتى تتكلم مع زوجها .. وكانوا الحريم يلومونها على هالحياء الزايد ويقولون لها لازم تحكين مع زوجك و تمزحين معه تدفينه بيدك مثلاً .. وصممت هالمرأة على كسر هالحاجز من الحياء الزايد ... ومرة من المرات هي وزوجها بالسطح يوم جاء الزوج بينزل مع الدرج ألا وهي تسرع وتدفه ( تدفعه ) وهي تبتسم تدحرج المسكين وترن ترن مع هالدرج الى ان وصل آخر درجه وهو بعد مااستوعب وش اللي صار
مطر مفاجئ ...
وحده يوم عرسها بعد ما خلصت من التجميل والتسريحة .. يوم جت تطلع على الحريم والرزة على المنصة .. شافت بعض ( الحمرة ) في يدها دخلت تغسل يدها وفتحت الحنفية .. ومـادرت الا والدش يصب على راسها !!
تحريك جو ...
فيه وحده تقول في اول ايام زواجي طلب مني زوجي ان افتح له علبة بيبسي .. وبغيت احرك الجو بشي من الفرفشة .. قمت وفتحت العلبة قدام وجهه و… يا للهول طاااااااش البيبسي على وجهه وملابسه والجدار .. وانا مع خوفي جتني حاله هستيريه من الضحك وانا اشوف هالموقف
تطبيق واقعي ...
فيه وحده بعد تقول في الاسبوع الاول من زواجي حلمت اني العب مع اخواني وقام اخوي الصغير واخذ شي من اغراضي وقمت الحقه حتى مسكته وقمت اضربه واصفقه .. يوم توقظت لقيت نفسي اضرب زوجي .
مع زود الفرحة ...
تقول شرح لي أخوي مادة القواعد حتى فهمتها .. وفي الامتحان جاوبت تمام التمام … وطلعت مسرعة من المدرسة لسيارة أخوي ركبت المرتبة اللي وراء وطقيت كتفه وقلت مشكور يأخيي جاوبت زين بالامتحان .. رد علي بهدؤ وقال : أنا آسف ماني أخوك غلطانه .
توني شاربة ...
مرة جلست جنب عجوز كبيرة وأعطتني ميراندا .. وقالت : خذي افتحيه ، قلت : شكرا شكرا توني شاربه قالت : خذي افتحيه لي أنا !! وقتها ضاع وجهي تدورونه ماتلقونه .
نعم الهدية ...
في زواج أحد قريباتي أخذت لها هدية عبارة عن خاتم … سلمت عليها وباركت لها وعطيتها الهدية ..وبعد ساعة احتجت للشنطة وفتحتها ولقيت علبة ثانية للخاتم بدا قلبي يخفق فتحت العلبة وإذا الخاتم فيها .. مصيبة أعطيت العروس علبه فارغه !!!
بدون تعليق ...
دخل أحد أقاربي بيته ولقى زوجته متلحفه في الصالون .. وبغى أن يمزح عليها قرب من عندها وسحب اللحاف بقوة .. ولكن وياللهول طلعت ضيفه نايمتن عندهم !!!
مستعجل ...
كان اخوي جالس في مكتب المدير .. اتصل واحد ( يبغى المدير ) رد عليه أخوي وقال له : المدير في دورة المياة .. فقال المتصل : كم التحويلة !!!
من شب على شيء شاب عليه ...
فتاة قد تعودت هي وأخوتها إذا مـر أحدهم بجانب الثاني مـد رجله ليسقطه على الأرض ،،، فلما تزوجت وفي -الأسبوع الأول - من الزواج وحين نهض الزوج من وجبة الغداء لغسل يديه مــدت الفتاة رجلها - كالعادة - فسقط الزوج وكسرت ذراعــه ... هي بالطبع راحت لأهلها .
مومومومومومو مقعول ارردينا باقي عايشه مو معقول وينك مالك شوفه
صرتي زي القمر ما نشوفه الا بشهر مره
مواقفك حلوه مره وبضيف عليها موقف حلو بعد
مره كنا نصلي في مسجد بدو شوي واحد تكلم المهم ردو عليه اغلب اللي في السمجد يبونه يسكت وكان الامام يقرا صوره شوي وقف وقال لاتتكلم في الصلاه ياهادي اقسمممممم بلله مت من الضحك