اصبر عسى يتبدل الحال فالحال = ويجي الفرج والعشق يزداد شبه
يابومطر ياللي من الجال للجال = همك على صدرك تزايد مهبه
تشكي علي الحال والهم شلال = على صحيبك والهوى قد لعبه
وصوتي على المسحوب يجر موال = عساه يبري جرح قلبي بطبه
اسباب غرون وافين كامل أخصال = سبحان من ميزه بين الاحبه
ابورموشن عكش وعيون تغتال = كنها بشلفا يوم تضرب تجبه
والموت لاشفت النحر فيه سلسال = اغرق وانا سباح في وسط حبه
بلاشعور يطيح من راسي عقال = وانطق انا اسمه وصوتي ينبه
يعني كذا اعيش في حالة هبال = واسبح على شانه مع كل غبه
وبنات فكري تحضر انواع واشكال = وتحضر جزيل الشعر والهزل اكبه
وياللي شكيت الحال وتعيش غربال = من بعد محبوبك كوتك المحبه
هاذي هي الفرقا بلاشك وجدال = مير البلا لاجتك من غير سبه