حاشي محب؟؟؟

البعير المحب

مرحبا ..
هذي قصه لخوينا الحاشي

المكان : حايل
الزمان : فصل الربيع .
يكثر في فياض حايل الإبل لكبر المساحه
وحسن المرعى وكثرة الربيع وقت الأمطار وايضا وجود الدحول
( الدحول : جمع دحل . وهي الحفر العميقه الملتوبه في الارض وتكون اماكن منخفضه من الأرض وتنحدر السيول فيها اثناء موسم الامطار ) .
كان فيه بحايل إبل ومن هذي الابل حاشي مراهق ممشوق القوائم ابيض اللون كثيف الشعر على الرقبه
والحلق والرأس وذروة السنام

يمشي متبخترا بجماله ( ولا رامي عياش ) كل همه يتندح بين هالنياق الصغار خاصه ( البكار ) .. مرت الايام وهو على عالحال همه اكل وشرب وغزل في هالنياق .. يوم جا ذاك اليوم على عادته الى هالناقه واردة الماء وتبي تشرب وما درت قال هذي فرصتك وقم وافتح لها حنفيه الوايت كلها قال .. اشربي العن ابو الفقر لاتروحين للدحل وانا فيه على غير اهلها ماتجيب راس مالها شربت الين رويت ومسحت شفايفها بمنديل عشان مايتلعوط الروج
وقالت الله يعطيك 1000 عافيه
توني زمله من نزلت هالدحل !! وعلى هالخف الكعب يزلق .

قال الحاشي :
علشانك تحملت الصعايب *** اذوق المر لأجل رضاك حالي

- ابتسمت الناقه وصكته بذيك النضرة اللي بغت تجيب اجله .

- تنهد وقال :
الله اكير كيف يجرحن العيون ** كيف مايبري صويب العين ابد
احسب ان الرمش لا سلهم حنون ** واثر رمش العين ماياوي لأحد
يوم روح لي نظر عينه بهون ** فزله قلبي وصفق وارتعد


- ضحكت الناقه ودرت انها لعبت في قلبه .. عطته وراها ومشت على هونها وهي تومي بذيلها .. يمنه ويسرة يمنه ويسرة ..
وقلبه يروح يمين ويسار .
- قال : آه .
وانعطف هاك الشعر المتون ** وانثنى عودة وقفى وابتعد .

طال الليل على خوينا الحاشي متى يجي الصبح ؟؟
.. كل شوي يطالع في ساعته ماصدق انه يسمع الراعي يأذن .. طمر من محله وراح يدور عن الشبك وهو يطقق خفوقه .. ويروح ويجي الين جا النور وجا الراعي وفتحلهم .. ماصدق خبر وراح لم الوايت يحتريها تشرب إللا جا الراعي .

قال الراعي :
خير انشالله شجايبك انت وخشمك كل هذا ضما ؟؟
قال الحاشي : هاه لا ابد مافيه شي بس طاح الكبك امس هنا وجيت ادور عليه .
قال الراعي : اقووووول بلا استهبال كبك وانت عليك ثوب ساده وبعد ماغيرته من يوم ماجابتك امك . يالله ضف وجهج مع البعارين لا احطك على صحن العيد .


لقط خوينا وجهه وراح .
قال الحاشي : زين انها ماسمعت كلام الراعي لو سمعت كان ماتعطيني وجهه .

المهم وهو يكلم نفسه اللا هذي رفيقته قابلته وجه بوجه شهق( اما بعير يشهق كثرلي منها )


وقال : كفاني عذاب الله يجازيك بأفعالك ** جرحت الضمير ولا طرالك تداويني

- ضحكت الناقه ذيك الضحكه اللي شغلت قلبه ( جوال ماهو قلب ) وقالت :

ياعل قلب ماشكا الحب والتاع ** تنهار من فوقه محاني ضلوعه
ياما نهيت القلب لاشك ماطاع ** ماطاع يدله والليالي تلوعه
أثر المولع دمعته تجرح القاع ** واللي ذكر مافات هلت دموعه

ايييييييييييييييه .. الحين تأكد الحاشي انها تبادله نفس الشعور .. ارتاح خاطرة واسفهل وماعاد خذته الدنيا .. مرت الايام وكبروا وكبر حبهم معهم وفي يوم من الايام وهو قاعدين على الطعس ذيك الناقه العفرا .. طير عيونه رفيقنا مشبهه عليها.. مهوب قصده شي انتبهت له الناقه خويته قالت : خلها تنفعك الله يمليك بركتها . وقال : وقفي اشرحلك الموضوع .. التفتت عليه وقالت :

مدام قلبي لك شفوق وميلاف ** وراك ياخلي قليل المروفه
قلي عسا مابه على الخاطر خلاف** عسى حبيبي ماقصر دون شوفه
لا لا تعسر القلب في كل محراف ** واحذر يجي عقب الموده حسوفه
دوك الدموع بحاجر العين وقاف ** لا انت بماسكها ولاهي ذروفه

- تحسف ابو الشباب وقال :
لك حق تزعل ثم لك حق نرضيك ** مااقوى زعل حبيب قلبي وعيني
مادام قلبي ياريش العين مغليك ** اطلب ولك روحي وما في يديني
يوم الله احسن صورتك خصني فيك ** فيك الجمال وصادق الحب فيني


وقفت وتبسمت .. وارتاح خاطرها .. وهو تنهد قال هاه طاح الحطب ؟ قالت آه ياااااني لو كنت أأدر أسيبك (شويكار مهيب بناقه ) وعاشوا في سبات وثبات وخلفوا حواشي ونياق


[mover]لولlulwaــــــــــــــــوة[/mover]

...........

....


واغرابيل الحاشي اللي غربتله
الله يلوم اللي يلومه


لكن هو مالقى عذر الا الكبك !!

ويازين الكبك بيد الحاشي
واظن هذا اللي زينه بعين القشرا


تسلمي لولوة


كلك ذوق ...

ههههههههههههههههههههه

حلوه يالولوة قصة رائعه .. وأبيات وقصايد أروع

بس والله أعجبني هالحاشي .. يسمع قصيد

تحياتي لك
طارق

:D:D:D:D

ههههههههه 0000 زاحف هالبعير 000 :D

مشكوووووور لولوة

قصة حلوة 0000000

يسلمووو

والله هالبعير عنده موهبه ... ابعد ما تكون عني


وهي موهبة الشعر ......... أساسا ما أعرف أقول كلمتين على بعضهن وشلون أقول بيت شعر




مشكوره لولوة ........

	الرسالة الأصلية كتبت بواسطة wafei ........... .... واغرابيل الحاشي اللي غربتله الله يلوم اللي يلومه لكن هو مالقى عذر الا الكبك !! ويازين الكبك بيد الحاشي واظن هذا اللي زينه بعين القشرا تسلمي لولوة كلك ذوق ...

هلا والله بالوافي
ههههههههههههههههه
تصدق هو السر كله كان بالكبك
مشكور اخوي على المرور
لولوة

	الرسالة الأصلية كتبت بواسطة لولوة الغامدي حاشي مراهق ممشوق القوائم يمشي متبخترا بجماله ( ولا رامي عياش ) كل همه يتندح بين هالنياق الصغار خاصه ( البكار ) [/mover]

هههههههههههههههههههههههههههه

تشبيه بليييييييييييييغ

الله يسعدك لولوة

تحياتي

:D :D :D :D :D :D :D :D :D :D :D :D

رهيب هالحاشي ورا ماتخلينه يسجل عندنا بالترفيهي :D

تسلمين لولوة

	الرسالة الأصلية كتبت بواسطة طارق ههههههههههههههههههههه حلوه يالولوة قصة رائعه .. وأبيات وقصايد أروع بس والله أعجبني هالحاشي .. يسمع قصيد تحياتي لك طارق

مشكور اخوي طارق على الحضور
بس هالحاشي مو بس يسمع قصيد الا يغني بعد
:D :D :D
لولوة

	الرسالة الأصلية كتبت بواسطة لك عيـوني :D:D:D:D ههههههههه 0000 زاحف هالبعير 000 :D مشكوووووور لولوة قصة حلوة 0000000 يسلمووو

لك عيوني؟؟؟
|1| |1| |1|
كيف تقول مشكوووووووووور لولوة

ومشكورة لك عيوني على حضورك :D :D
لولوة