صوت وصدى..!!

أرسل لي أخي وصديقي فيصل الشريف هذه الأبيات

ضايق ومتعومس وحاير وتعبان=مدري وش اللي يا محمد يبيلي؟!
مليت وأيامي من أحزان لأحزان=جرّحت هقواتي ، وذبّحت خيلي!!
وأنت تعرفني زين يا بو فليّان=عاقل مع العالم ، وقلبي هبيلي!!

فكانت هذه المتواضعه ، أتمنى أن تنال رضاكم

يا فيصل إن كانك من الحزن شبعان=حزني قسم بالله ما هو قليلي!
تجمح بي الدنيا بلا سرج وعنان=وتضرب بحافرها ، وتصهل صهيلي!
أحاول أعسفها على قدر الإمكان=أبغى عدلها ، لكن إنها تميلي!!
أحزن بها وأخفي عن الناس الأحزان=أنا أشهد إني ببث حزني بخيلي!
فيها أقابل كل محسن بالإحسان=وأقابل المخطي بصبرٍ جميلي!
فيها أدوّر للحزن فيّ عنوان=وألقى حزن كل البشر ينتميلي!!
فيها أسافر مع خيالي للإنسان=اللي معه تطلق همومي سبيلي!
فيها أدوّرني(محمد فليّان)=الزارع اللي ما لزرعه حصيلي!
اللي على مر الليالي والأزمان=ليا لقى ممسى ، ما يلقى مقيلي!!
أبيني لو مانيب طربٍ وفرحان=ما أبغى شبيهٍ لي ، ولا أبغى بديلي!!
حتى لو إني عايشٍ عيش حرمان=يكفيني القلب الكريم النبيلي!
اللي يمد الحب من غير نقصان=ولا إنتظر شكرٍ لمده جزيلي!
لأجله يا فيصل بأرفع الصوت بألحان=وأقول لأيامي وهمي وويلي..
مهما يمر الوقت وتطول الأحزان=لا بد يطلق حزن وقتي سبيلي!!

................


...


صوت وصدى

ولااروع من الصوت الا الصدى



اجزلت الرد يابو حميد


كفيت ووفيت وبيض الله وجهك




نسيت اقول
حمدالله عالسلامة ياجاي من السفر




هلابك اخوي محمد


...

الله الله الله ياسمي

صوت وصدى في قمة التحليق والتكيييف

صح لسانك ولسان فيصل الشريف يامحمد

فعلاً مبدع وماتكفي

تحياتي لك يامبدع

السلام عليكم ورحمة الله وبركاته
الأخ الغالي
( محمد السبيعي )
هلا وغلا ومراااحب فيك
والحمد لله على السلامه
بيض الله وجهك كفيت ووفيت يالسبيعي
رد وافي وكافي وجزل من جزل
صح لسانك وصح لسان الشريف
ولا نستغرب رواائع السبيعي فقد تعودنا عليها
آآآآلف شكر لك أخوي
كل الود والتحية

محمد السبيعي ..

كلمات رائعه ..... صح لسانكـ اخووي ..

دمت بود

هلا وغلا بـ أخي محمد السبيعي

يعطيكـ العااااافيه و صح لسااااانكـ

وتسلم يالغااااالي

تحياااااااااااااااااااتي

هلا يا وافينا

تواجدك في اعلى المتصفح اسعدني

الله يسلمك ويرضى عليك

صح بدنك ولا هنت

تحياااااتي

اسجل اعجابي مره ثانيه ياسمي

تحياتي

يعطيكـ العااااافيه و صح لسااااانكـ

وتسلم ياخوي

محمد الفارس

هلا ومرحبا يالسمي

إشادتك أسعدتني أيّما إسعاد

شاكر لك حضورك العطر وردك الجميل

صح بدنك ولا هنت

تحيااااتي