البنت الدلوعه والبنت العربجيه > > >

نبدا على بركة الله
البنت الدلوعه

طبعا وهي نايمه الدبدوبي والغزولي والارنوبي كلهم في حظنها >> يقالها مشاعر فياضه ..
واذا قامت من النوم ما تقوم الا الساعه1 الظهر لا بعد واللي يصحيها الشغاله<<< تقومها بالانجليزي ...
بس انا راح اترجمه لكم ....يالله مرام قوم ماما في قول قوم عاد ((يمديكم على الترجمه)) هي تقول اوكي وتجي امها
وتصحيها مره ثانيه يا مرام حبيبتي اصحي .. ترد مرايم..
ماما والله بدري الساعه 1 الظهر بدرررررررررري<<<< تدلع هي وخشتها..


قامت البنت من السرير وفتحت الستاره والشبابيك ... علشان الغرفه تتنفس ...يااااااااااااااي.. (( اموت بالرقه))
وشغلت موسيقى رومنسيه علشان تروق بنت الحلال وراحت تاخذ حمام محترم وبعد ما تطلع من الحمام
وررررررر على المرايه تحط من هالكريمات والدعافيس على وجهها ....
تعرفون شباب لازم تحافظ على البشره خلصت من المرايه وتتجه الان الى الاستشوار وش..وش..وش..
وش لحووووووووووول ساعتين عز الله اللي اندمرت هالشوشه... خلصت منه
دقت البنطلون الجينز والبلوزه ( هي لبست على الموضه بس ماني قايله ) .. ونزلت تحت تفطر على كاس عصير برتقال ..... ياي مسويه رجيييييييييييييييييم

نجي للعربجيه<< امووووت انا بالعفاشه

تقوم الساعه 8 الصبح وهي ما ودها تقوم .. وجات امها تقومها .. يا سوير قومي يا مال الحمى
لحووووووووووووووووووول زين زييييييييين <<<اهل الحاره يصحون معها....
بس لو تشوفون شكلها وهي نايمه.. كراع هنا وكراع هناك .. لا وكل ثلاث ساعات وهي طايحه من السرير >>شايفتلها تفحيط يخرع
يجي اخوها حميد <<< اسمه محمد بس يدلعونه حميد ويقومها مره ثانيه ياااااا سوير تقول امي قومي جعلك الموت
ترد سوير..اقول اطلع ولا صكيتك على جبهتك..
ويجي مناحي اخوها الكبير ... سوير وجععععععععععع .. ويعطيها ذيك الرفسه اللي خلت عظامها تهلهل >> عاش مشووووت


وبعد تلك الرفسه العنيفه ... فزت فزه ما يعلمها الا الله
وقالها مناحي..قومي صلحي فطور عشر دقايق الا وهو جاهز زينننننن
شوفي ابي قرص وخبز مسح < يعني خبز على الحديده > يعني..<< اقول اخلص
وقامت بعد جهد جهيد وعلى شتم ولعنت الحي والميت حتى ولدعم جد ابوها ما سلم منها


ونرجع للدلوعه و1111111111و << انكسر ظفرها

هذي ما تتغدا الا الساعه 3 ولا 5
لا ولا تتغدى الا على رز ابيض مسلوق وسلطه <<< تحافظ على الرشاقه راعوها

العربجيه..

تتغدا الساعه 12 بالضبط ولا تغدا الا على كبسه لا خلصت الا كاس اللبن مراعي متولم عندها تشربه شربه وحده يعني ما في مجال انها تنفس وتترع ذيك الترعه أأأأأأأأأأأأأععع..<<طالعه من قلبها الناعمه..


ونرجع للدلوعه..

طلعتها تكون من بعد صلاة المغرب<<< ما تطلع في العصر يااااااااااي تحافظ على البشره

العربجيه..
تطلع الساعه2 القايله وتدقها كعااااااااااابي لبيت خوالها الين تنقلب خبز اسمر

الدلوعه..
تروح للفيصليه ولا المملكه وقبل ما تروح السوق تمر على المشغل علشان تحط ميك..اب سوق << مكياج سوق>>> على بالي اشرح

العربجيه ..
تروح لسوق النسيم عشان تلقى العرابجه اللي مثلها


الدلوعه..ا
ذا طلعت تطلع مع يارا ولارا<< وخياره>> ورولا ومايا << اروووح يالموضه

العربجيه ..
تطلع مع بنات خالاتها وضحى وعمشى وشقحى ومزنه ومنيره (يعيش التراث)

الدلوعه..
اذا شافت واحد حلووووووووو ( ) لابس صح وماركات وحركات وحاط سكسوكه
ومحد قده قالت ..يااااااااااااااااااااي بنات نازرو >> يعني ناظرو هذا الله يسلمكم
ماغير من الدلع>>> ياربيييييييييه واااااااااو عاد البنت اعجبها الشاب اللطيف هذا ودها تحتك وتقوم وتمر من عنده وتدفه بكتفها
ولا دفته بكتفها قالت اووووووووووه اسفه
ويرد عليها .. لا عادي على ايش الاسف عيوني وتبتسم ذيك الابتسامه اللي شقت وجهها وتخزه بهالنظرات وتسلهم بهالعيون وهو دوره ما تلقاه من الحياء

العربجيه..
لا جات تزين شخطت هالعيون بهالكحل الي يضرب لين اذنها وتضرب بها البرقع وطلعت هي وشقحى ومنيره ومزنه وعمشاء لسوق النسيم
عاد العربجيه يمر من عندها واحد راكب جيب فكس اااار مودي 2006 وداق شماغه كوبرىىى ويمر بهالجيب وسوي حركات استعراضيه
وتقول يا بنات تكفووووووووووووون شوفو يا ويلي ويلاااااااااااااااااه تكفون يالربع
وتقوم بنت الحلال وتقزززززززززززه قز والرجال راح في خرايطها وعاد لا شافها تقزه قال... يا غزال ارحم حالييييييييييي يا ويلي تكفون يا عربان

الناعمه ..
اذا مر عليها واحد قروي قالت وععععععععععععععع الله يقرفك ... تقل شايفه صرصور الله يعزكم
نعم وش تبي يالله هناك بلا قراوىىىى >> ادعس يالرقيقه

العربجيه ..
اذا مر عليها واحد لا بس بلوزه ضييييييييييييييييييقه وبنطلون ضيييييييييييييييق << باين انه منكتم من الضيق
وقالها يا حلو عطنى وجه قالت... اقول احسن لك ضف وجهك لا يجيك شيء ما يطيب خاطرك
قال..ليش العصبيه هذي
قالت اقول والله لو ما تضف خشتك لا اتوطى في حوض بطنك ... علم جاك وتعداك
ترى ما ابي اغلط عليك
تراك مثل اخـــــــــــــــــــتي<<< يقالها ما غلطت الحين >>والله بصراحه شكله بنت

الدلوعه..
لا جات تضحك هههههههه . << لحظو النقطه ابوك يالترتيب

العربجيه..
اذا ضحكت اضحكت كذا هع هع هع هع هع ... الحمد لله والشكر واذا جات تمزح مع حميد اخوها اعطته كف حلاقه .... يعني كف قوي على رقبته >> على بالها تمون

الدلوعه..
اذا تحب تسمع اغاني ما تسمع عربي خلقه ما تسمح الا ريكي ما رتن طبعااا لانه حلوووووووووووووووووووووووووووووووو
وممثلها المفضل .. توم كروز لاوسامته وميل جبسون وجيم كاري لخفة دمهم واحلى ممثله عندها جوليا روبرتس<< ساعه لين جبت خبرها

العربجيه ..
الاغاني اللي تسمعها عزازي وحجاب بن نحيت وبشير حمد شنان وعيسى الاحسائي >> ياروحي يالفن
وممثلها المفضل .. عبد الله السدحان عبد الحسين عبد الرضى وفهد الحيان لخفة دمهم واحلى ممثله عندها زينب العسكري عشااان كل الناس يتكلمون عنها

الدلوعه..
لما تتفرج على التلفزيون تجلس على الكنب وتحط رجل على رجل وتبتسم لان الابتسامه تضفي بشاشه على الوجه

العربجيه..
لا جات تناظر التلفزيون تشوف غصب القناة الاولى والثانية.. وتجلس على الارض وتحط المركا وراها والكراعين على التلفزيون
وان زهقت من القناة الاولى دقت التلفزيون باصبع رجلها وحطت القنا ة الثانيه

الدلوعه..
اذا تبي تحلم احلام اليقظه طلعت برىىىىى في الحديقه حقت بيتهم وجلست على الكرسي هزاز وقام الكرسي يروح ويرجع >> مندمجه


العربجيه ..
اذا تحلم احلام اليقظه طلعت برى في حوشهم
وفرشت البساط<<< ابو خمس طعش اللي مخطط باحمر وازرق عرفتوه .. المهم وتكت على المركا وقعدت تفكر








سامحوني اخواتي عضوات المنتدى الدعوى مزح في مزح

	العربجيه.. لا جات تناظر التلفزيون تشوف غصب القناة الاولى والثانية.. وتجلس على الارض وتحط المركا وراها والكراعين على التلفزيون وان زهقت من القناة الاولى دقت التلفزيون باصبع رجلها وحطت القنا ة الثانيه

	العربجيه .. اذا تحلم احلام اليقظه طلعت برى في حوشهم وفرشت البساط<<< ابو خمس طعش اللي مخطط باحمر وازرق عرفتوه .. المهم وتكت على المركا وقعدت تفكر

مشاركة ظريفه ولطيفه




تسلمي فيولتا


...

اسعدني مرورك اخوي الوافي

تقديري لك

هلا فيولتا


بصراحه صدقتي في الفرق



يعطيك العافيه

مشاركه جميله وطريفه


تقبلي خالص شكري وتقديري

هلا اختي شامخه

اسعدني مرورك

تقديري لك