العمر رحلـة تجـارب .. والوفـاء كله خيـال // والزمن لو طال عمـره ..مابقـى شيء ٍ ثمين

قالهـا شامـخ علـى الله .. ياعنيـدات اللـيـال = ماحوى مقبـل سنينـي .. يجبـر الجـرح الدفيـن
لا تلاشت لـي مصيبـة .. حملهـا هـد الجبـال = تبتـدي ثانـي مصيبـة .. قـو الأولـى مرتيـن
العمر رحلـة تجـارب .. والوفـاء كلـه خيـال = والزمن لو طال عمـره ..مابقـى شـيء ٍ ثميـن
عمت الفوضاء بدربي .. والرجوع اصبـح محـال = والمكان اللي حواني .. ( صرختيـن و دمعتيـن )
المسـاء هـذا كئيـب .. وذكرياتـي بـه طـوال = والثوانـي .. والدقايـق .. بالخـطـى متثاقلـيـن
والسماء ضمت قمرها .. مـع بـزوغ اول هـلال = (( شهر خمسـه)) والدمـوع الغاليـه بالوجنتيـن
الفتاة اللـي سكنهـا العيـن .. واجفونـي ظـلال = اعزفوا ليلة كفنهـا .. نغمـة الصـوت الشجيـن
والله انـه مـا نفعهـا .. لـو تصـل حـد الهبـال = والله انـه مـا منعنـى ..غيـر رب العالمـيـن
قـدر الله .. و انكتـب عنـوان هـذا الـحـب زال = والقـدر لا حـل حكمـه .. كلنـا لـه مذعنـيـن
كنت شاري حبهـا .. فيـه الدلـع .. فيـه الـدلال = لكن انه ينتهـي حـب انعمـر طـول السنيـن..!؟
هذا والله .. هو سبب خوفي .. وجرحي .. والهوال = هذا والله .. هو سبـب دمعي .. وحزنـي والونيـن
هذا والله .. هو سبب مـا حدنـي فـوق احتمـال = يوم شفت الموت .. وانتي يا حياتـي ترحليـن ..!
ان رحلتي .. ليش بأبقى .. والقمر شد الرحـال..!؟ = وان بقيتي .. ليش بأرحل .. والقمر تـوه مبيـن؟؟
وان سألتي ليش بأرحل ؟؟ قلت لـك هـذا المقـال = ((الرحيل اسهل طريق ٍ ..لأجل ماتبقـى سجيـن ))
وأن سألتـي ليـش تتركنـي بساحـات القـتـال = قلت لك مـا تّـل قلبـي ..غيـر نـاس ٍ خاينيـن
الخطا غامض .. ولكن .. تسمحي لـي بالسـؤال = هل رضيتي يوم قالوا .. ( هل بغيـري تقبليـن)؟؟
كانك انتي راضيه .. ما عـاد باقـي لـي نضـال = لأرتحل عبر الصحاري .. وانتهـي وابقـى حزيـن
لأرتحل عن دار حايل .. واهجـر ادروب الشمـال = لو بها نـاس ٍ عزيـزة ..فـي غلاهـم واصليـن
لأرتحل فـوق الخيـال .. و لأندثـر تحـت الرمـال = ولأنتهي عن كـل سكـة .. فـي دروب العاشقيـن
وكانك انتـي رافضتهـم .. واجبـروك ِ بالحـلال = واصدروا عقد النكاح .. ولا سألو _ هل ترفضين )؟
الله اللـي راد يـا عيونـي .. ولا فيـهـا جــدال = واسحبي ذيل الهزيمـة .. وافعلـي مـا تؤمريـن
مادريت الا كروت افراح .. تدعوني تعال = حفلها ليل الثلاثاء .. والخبر صبح الثنين
لا ولايمـدي .. ولايمـكـن .. لتحقـيـق الفـصـال = دام باقي ليل واحـد ..يـا عيونـي وش تبيـن .؟؟؟
أومريني ((شخص)) طايـع .. قيـده وقتـه غـلال = واقتلينـي وسـط دارك ..واشربـي دمـي الليـن
دامنـي عـن ديرتـي يـا بنـت قطّعـت الحـبـال = كيف ابدري للفـرح يـا بنـت وانتـي تعرفيـن ؟؟
اعذرينـي ..مـادريـت الا بكسـوفـك والــزوال = اعذرينـي ..ماجـداي الا صـدى صـوت الأنـيـن
واعذريني .. لو رحلـت وغـادرت سفـن الوصـال = واعذريني .. لو قطعت الوصـل بالنـاس اجمعيـن
واعذرينـي لـو سقيتـك مـن بحـر هجـري زلال = واعذرينـي كانـك انتـي يـا حيـاتـي تعـذريـن
واعذرينـي يـا حياتـي ..كـل ماجالـك مـجـال = واعذريني يا حياتـي قـد مـا انتـي تقدريـن ...!؟
والا انا يـا عزتـي لـي ..حالتـي ماهـي بحـال = زيـن اكمـل بعدكـم يـانـور عيـنـي ليلتـيـن
وادري ان صـرت بغيـابـك.. وفــي ٌ لا يُـطـال = للوفـاء مضـرب مثـال ٌ فـي علـوم الطيبـيـن
واسمعي بآخر قصيـدة .. بعدهـا قطـع الوصـال = بعدهـا .. مافيـه شـيءٍ يربـط لآخـر يقيـن ..!
( الطمـوح اللـي بنينـا ) ينهـدم قبـل الــزوال) = ينهـدم قبـل الغـروب .. ويندفـن حلـم الثنـيـن
( ينهدم لأجل الشريعة ) ( ينهـدم لأجـل العـدال ) = ( ينهدم لأجل الأمانـي ) ( ينهـدم لأجـل السنيـن)
( ينهدم يأول حبيبـه ) ( ينهـدم يأغلـى غـزال ) = (ينهدم ياأجمل عيون ) ( وينهدم يا أوفـى ضنيـن )
ينهـدم .. لأن القلـوب أولـى بتحقيـق المـنـال = ينهـدم .. لأن التعـازي مــا تــرد الميتـيـن
مابقـى غيـر الـوداع .. وكفنـي حسـن القبـال = وسامحينـي كـل لحظـة .. واسمعـي هالكلمتيـن
و الله انه ما مـلأ عينـي .. بعـد حسنـك جمـال = والله انـه مـا سكـن قلبـي بعـد رحتـي عويـن
بأوعدك ..يبقى مكانك والهـوى مـا اعطيـه بـال = ولايحرك من شعوري بنت .. واحلـف لـك يميـن
أرحلـي والله معـك فــي غيبـتـك والارتـحـال = وارحلي ..لآخر مدى والـدرب ( ورد وياسميـن..!)
ارحلـي ..بالذكريـات وباقـي الـحـب الـمُـزال = وارحلي.. تكفين لا يردك على الشامـخ حنيـن ..!
وارحلـي .. واتجاهلـي كـل الكـلام اللـي يقـال = لو سمعتي ( حـال شامـخ ماتسـر الناظريـن ..!)
صدقينـي .. لـو تشوفينـي علـى جـرف ٍ هيـال = ما انتظرت .. الا وانا اعرف وش يكون المسلكين ..!
صدقينـي .. ( مرحلـة بتُمـر ) والصبـر ابتـذال = بأبتسـم رغـم الجـروح .. ولاعقـدت الحاجبيـن
صدقيني .. لا سمـح قلبـي .. بـأدور لـك بـدال = يا عسى قلبي يلين .. ويا عسـى ربـي يعيـن ..!
من شبابي والحـزن .. فـي خوتـه خـوة رجـال = مايفارقنـي .. ودايـم عـن يسـار وعـن يميـن
لاغفيـت اشوفهـا بالعيـن .. تبـكـي للـطـلال = ولا صحيـت .. اشوفهـا قـدام وجهـي باليـديـن
اكتفيـت ارجـوك يـا سْنينـي .. عذابـي لايـزال = يا عذابي .. وش بقى بـي يـا سنينـي تجرحيـن ؟
كيف اصدق ما حصـل لـي .. والله انـه كالخيـال = كيـف اكـذب والنواظـر ..والجـوراح ..شاهديـن
انتبهت لدنينـي .. والحـزن مـدري ليـش طـال؟ = واعتزيت .. وقلـت يـا الله عـن كـلام العاذليـن
لـو خذلنـي فـي تعاملهـم .. ردييـن الـرجـال = و الله اني مـا اتهـاون .. عـن علـوم الطيبيـن

/

شامخ الشامخ

\

.

اختيار موفق سديم

الله يعطيك العافية

ابدااااااااااااااااااااااااااع
مؤلممممممممممممممممه
رااااااااااااااااااااااااااائعه
هزت مشاعرنا بلا اسئذان

كل بيت فيها عن قصيده
صح لسان شاعرها
وسلمت اناملك وذوقك ياغاليه

بسم الله الرحمن الرحيم

ســـــديم

السلام عليكم ورحمة الله وبركاته


الله الله

يا سلام عليك وعلى ذوووووقك
اختيار راقي وذووووووووق عالي

بارك الله فيك وفي روعة اختيارك
وصح الله لســـــــــــــــــــــان شاعرها


تقديري واحترامي


اخوك
حسام الشعر

قصيده لم تــكتمل على حــد قوووله

من أرووع ماقرأت للشامخ

في يوم من الايــآآم قرأت هالقصيده أكثر من 10 مرآآت

ررآآآئعه حــد الجـنـووووون


سلمت يداكـ لروعة ماانقلتيه


::

\\

بلآ شك .. شآآآآآمخه ..
رآئعه حد آلذهول

\\

قصيدة شامخة المعاني من الشامخ ,,

صح لسان الشاعر ,,

ويسلم ذوقك سديم ,,,

الله يعافيك .. الاغر ..

اسعدني مرورك

شكراا للمتابعه

//

يسلمك ربي .. شروق ..

سلامتك من الالم

//

وعليكم السلام ورحمة الله وبركاته

صح بدنك .. ابو ابراهيم

الله يعطيك العافيه

//

الله لايعيدك هاك اليوم

<< مايمدي

يسلمك ربي .. المتهور ..

//

الاروع حضورك .. متعاطفه ..

شكرااا لك

//

يسلمك ربي .. ابو خالد ..

شكراا لتواصلك
.
.
.

,,



اختياار رائع وجميل ,,


سدوم لاعدمناك يالغلا ,,



,,

من شبابي والحـزن .. فـي خوتـه خـوة رجـال = مايفارقنـي .. ودايـم عـن يسـار وعـن يميـن
لاغفيـت اشوفهـا بالعيـن .. تبكـي للـطـلال = ولا صحيت .. اشوفهـا قـدام وجهـي باليديـن
اكتفيت ارجـوك يـا سْنينـي .. عذابـي لايـزال = يا عذابي .. وش بقى بـي يـا سنينـي تجرحيـن ؟

//

الاروع تواصلك .. زهور الغرام ..

شكرااااا لك
.
.
.