الشاعر الكبير ابن سبيل

هذي من اروع قصائد الشاعر المعروف عبدالله ابن سبيل


ياالله يااللى تسجد الناس لرضــــــاه
ياوامر خلقه على حـــــج بيتـــــــــه
تفرج لمن سده على الناس ماابداه
راضي على مقسومك اللى عطيته
من شي يسل الحال والجسم يبراه
والناس مايشوف ان ما شفيته
قلت اه واجرحاه مـــن علتي اه
وان حملوني حمل غي قويـــــــته
قالوا سفا بالحال ويش اللى اغواه
قلت اه ويش المنــــــــكر اللى وطيته
قالوا جهلت وبان علمــــــــك لمنهاه
قلت اه علمى ياملا ما كمـــــــيته
قالوا طلبنا لك من الله مـــــعافاه
قلت اه وحـــــــده وعفوه رجيتــه
قالوا هلــــه واحباب عينه نـصحناه
قلت اه هذا وارد ما بغــيته
قالوا ندور لك من البيض حلياه
قلت اه لو غيره بكفى رميته
قالوا انشاش العود مالك بلاماه
قلت اه عود الموز بيدي لويته
قالوا تزوج كود تدلـــــــــه وتنساه
قلت اه لو اخذت اربع مـــــا نسيته
قالوا امن اقصى الناس وين انت وياه
قلت اه ما انسى يوم جانى وجيته
قالوا نشوفه عند هذا وهـــــذاه
قلت اه عمره ماعقب حــج بيتـــه
قالوا عليل ناقل داه برداه
قلت اه باقرابي وروحي فديـــته
قالوا نشير ولا نفع ما حكيناه
قلت اه هــــــراج النمايم عصــــيته
قالوا كثر شيبــك وقلبك بعمياه
قلت اه لو قلبى غرير نهيته
مطاوع قلبى بعجفاه وقداه
والى عطى منهاج درب عطيته
ياناس خلوا كل وادي ومجراه
قلتوا كثير وقو لكم مــــــا لقيته






عبدالله ابن حمود ابن سبيل , الشاعر العاطفى البليغ , من فحول الشعراء وهو من قبيله ( باهلة ) ومن قريه نفي وكانت ( نفي ) قريه صغيره ثم صارت هجرة من هجر الاخوان سكنها ( الضيط ) و ( ابو خشيم ) من قبيله عتيبه المعروفه والان بها ابن ربيعان من رؤساء قبيله عتيبه الكريمه لهذا نرى شاعرنا قد تأثر بلهجه (( عتيبه )) فا ستعملها فى كثير من تعابيره , ثم مع هذا نلاحظ ان احتكاكه بالبادية , بالرغم من انه كان حضريا , قد جعل من شعره صورة حيه من صور البادية , فى لهجته وتعبيره , وتصوير لأحوال معيشتهم

(( رحمه الله ))

اهلين...الغفيلي

اختيـار جميــل..

طــرح رااائــع....

ذوق رفيـع منك...


ننتظر جـديدك..


هلااا وغلاا


شكراً

تحياااتي

السلام عليكم ,.,


مرحبا اخي الغفيلي ,.,


قصيدة رائعة ,.,,


فيها روعة التصوير ,.,


ابيات جميلة جدا ,.,,.,



شكرا يا اخي على نقلك هذه القصيدة الرائعة ,.,

هلابك اخووووووووووووي .. قصيدة رائعه لشاعر رائع .. واختيار رائعه من انسان اروع ..

فعلا اخي الشاعر ابن السبيّـل شاعر معروف وانا ممن تستهويني كلماته الا اني اعاني من فهم بعض كلماته ..

واليك هذه احدى قصائده التي تعجبني :

هني من قلبه دلوه ٍ و ممنوح
حاله كما حال البغل من غذاها
بين الاظله كنه السدو مطروح
همه رقاده والروابع نساهـــــــــا
قلبي كما واد ٍ من الجند مسروح

ليالْ مابه قشعة ٍ ما رعاهـــــــا
كني بغبات البحر راكب ٍ لوح

تومي بي ارياح ٍ زعوج ٍ هواها
على اللذي بعيونه الناس ذرنوح

ما يبدي الغايه على من بغاهـــــا
و انا الى جيته غدا الصدر مشروح

يبدي لي اسرار ٍ على امه كماها
و الله يا خلٍ صفط لي من الروح

لا اصفط لها من روح روحي جزاها
ما انا الذي يركي رفيقه على صوح

معطي كراب ايديه يبغي ملاهـــــــا
و لا ياصل الحروه يقع كل ممدوح

وان بعون الله لا اعدّي وراهـــــــــا

على الرغم من انها تحمل كلمات لا افهم معناها مثل ( الجند ، ذرنوح ، كراب ) ..

الف شكر اخي على اختيارك لهذا الشاعر المبدع