ديوانية الشباب

هناك 10 انواع راح اذكر السيئه فقط




النوع الاول


نوع تلقاه من يدش الديوانيه ولين يطلع بس يصارخ ومسوي لجه ولويه بالديوانيه كانه خبل وضحكته عاليه ضحكت واحد كانه مولود بالشارع كانه يبي يسمع اللى بالشارع انه موجود في الديوانيه وطبعا مافي اسلوب ولا شى بس مهنته انه يسوي لجه بالديوانيه وانه على باله انه اهوا اللى مسوي جو واهوا الكل بالكل مسكيييين


النوع الثاني

نوع غريب من اول ما يدش الديوانية تلقاه يسلم ويقعد شوية يسولف من يرن عنده الموبايل تلقاه سكت وخمر وقام يتبوسم ويتضحك ويتشقق ويتقلب من مسند ليه مسند شوي تلقاه طلع بره بعد ما يحس انه العين عليه او اذا صار صراخ بالديوانيه تلقاه يطول عادي ساعه ساعتين يسألون وين فلان يقولون بره طبعا ثلاث ارباع هالنوعيه متزوجين لانه ما يقدرون ياخذون حريتهم بالموبايل الا في الديوانية هههههه والمدام نايمه بالبيت ولا في بيت اهلها


النوع الثالث

نوع هوايته الجذب انا سويت كده انا عندي كده انا صارلى كده وطبعا من اول ما يدش الديوانيه يدق الريشه ويتفيخر قدام ربعه هالنوعيه مسكينه لانه اكثر ربعه يدرون وش هو يدرون انه كلكجي وودهم يحذفونه من الدريشه بس الاحترام للموجودين


النوع الرابع

نوع غرامة الفضايح بس يتكلم عن الناس ويطعن بشرفهم انا رفيقتي اسمها فلانه ساكنه هني كل كلامه عن البنات ويحب يسولف عن مغامراته ويا البنات اللي يعرفهم وعادي عنده ذكر اسم البنيه وعايلتها ما يهمه شى وطبعا اللي يكلمها نايمه بالعسل وعلى بالها انه تكانه هوايته انه يفضح ويطعن بشرف البنات يا ابن الحلال يعني ترضاها على اهلك بس ما اقولكم الا كما تدين تدان والستر زين اذا انت لك علاقه ويا اي وحده احتفظ فيها لنفسك مو تقعد تتفيخر قدام الشباب بمغامراتك وافعالك وبعدين تدرون وشو مشكلة هالنوع على باله انه اذا تكلم عن مغامراته وسوالفه عن البنات ربعه راح ينعجبون فيه وراح يعدونه ريال مسكيييين حدك مسكين


النوع الخامس

هذا النوع معقد تسولف معاه ساكت تقوله شى ساكت الكل يضحك ويسولف واهوا ساكت وش يبي ما تدري وش في باله كمان ما تدري نصيحه هالنوعيه عطها بو لباس لانك اذا قعدت وقابلته بتصير معقد نفسه واذا سولفت معاه ربعك بقولون عنك حجي بس تدرون وش هالنوع يمتاز فيه انه من يدش الديوانية بس يطالع التيلفزيون غلطاااااان ما عندكم تيلفزيون بالبيت


النوع السادس

هذا النوع غرامه انه يلعب جنجفه بالمصري ( كوتشينه) يموووت على انه يلعب من يدش الديوانيه تلقي ربعه يسولفون ولاهين بالسوالف يقاطعهم ويقولهم يالله قوموا بسكم هذره جاي الديوانيه بس حق الجنجفه ومن يخلصون لعب تلقي قال يالله تاخر الوقت انا ماشى اشكره عينك عينك لا واذا وصل الديوانيه ولقي ربعه لاعبين تلقاه يبوز ويتحلطم عطي بس نص ساعه وتلقاه ماشى يشوف له ديوانيه ثانيه ما بلشوا لعب اخر عمره بتلقاه في لاس فيغاس يوزع ورق البوكر والبلاك جاك


النوع السابع

نوع يضحك بصراحه ما عنده لا شغل و لامشغله تلقاه يقعد يمك ويسولف معاك ويقولك شرايك نسوي لنا مشروع تساله وش هالمشروع يرد عليك ويقولك شرايك نفتح لنا مصبغة المهم انت عاد تكمل وتقوله والله فكره خلاص مو مشكله خلني افكر في الموضوع المهم يجي الاسبوع اللى وراه وبنفس الديوانيه طبعا تلقاه قلب هم قعد يمك مره ثانيه يقولك شرايك نفتح لنا مطعم والاسبوع اللى وراه شرايك نفتح لنا صيدليه / بقاله / قهوة / محل / ..الخ غلطاااااااان افتح لك مجمع وحط فيه اللى تبيه واخلص نوعيه مو عارف وش تسوي بدنياها


النوع الثامن

بصراحه نوعية مسخره من اول ما يدش الديوانية ولين يطلع منها كل اللى في الديوانية يستلمونه اي شى فيه اطنازه يتعلق فيه حاطينه ربعه بس حق الضحك وكل المقالب تصير فيه يعني كبش فداء اي ورطه اي مصيبه اي مقلب على طول ينقط براسه المهم هالنوعية تري فيها ميزه انه على كثر ما يحطون عليه ربعه بالحجي ويدوسون على راسه الا انه تلقاه ماشى سيده كافي خيره وشره يعني مثل الزل الايراني كل ما دست عليه صار احسن


النوع التاسع

وهذا النوع يسمونه الخواف او سكانه مرته لانه من تدق الساعه 11 صار كانه سندريلا على طول قضب الباب ودق سلف وراح البيت مشاء الله توقيته توقيت غرينتش نص دقيقه ما يتأخر وطبعا اذا تأخر وحنوا عليه ربعه انه يقعد تلقاه قام يصبصب عرق تدرون ليش لانه حاط جهازه هزاز والمدام قاعده تدق عليه ومن بعدها شسوي عشان يلحق على عمره قبل لا ينام بره بالشارع وتقفل عليه الباب المدام تدرون شسوي يتثاوب ويسوي روحه فيه النوم ويتمقط ويقلب اعيونه ويقول حق ربعه يا جماعه عذروني انا دخت فيني النوم بمشى فمااان الله


النوع العاشر

اخر نوع تدرون منوووووووووو هاهاها صاحب الديوانيه لانه متحمل كل هالاشكال اللى ذكرتها لالالالالالا وفوق هذا اهوا اللى عليه الشاي والمكسرات واهوا اللى يرتب ويسنع كل شى وياما فناجين انكتت علي زولية الديوانيه وياما اوراق كوتشينه قاميجمعها من وراهم من بعد ما يمشون من الديوانيه وياما ناس مليقه تحمالها تدش ديوانيته وياما ناس لزقه تسهر ليه الصبح وهوا قاعد ناطرهم يمشون مسكيييين محد طقك على ايدك وقالك حطلك ديوانية



في الختام حبيت اقولكم انه كل اللى ذكرته
بيصير في الواقع وحقيقه
===:D

من ايميلي

لا تعليــــــــــــــــــــــــــــــــق |110| |110| |3| |3|

محسونو خلي روحك رياضيه

مرحباااا لولو
كل هذولا بالديوانيات
بالله كيف مستحملين بعض..
الله يعينهم..

تبيين الصدق لولو..مع الاسف هالديوانيات صايره مجمع فساد مع احترامي لاخوانا .وطبعا الكلام مايشمل الجميع..الا ان كثير من الزوجات يشتكون من انشغال ازواجهم بهالديوانيات لدرجة مايرجعون للبيت الا قرب الفجر..سهر..دشوش..بلوت..شيشيه تدخين..هذا للناس المحترمين..وماخفي كان اعظم....

يعيطك العافيه لولو..

السٍٍٍٍٍٍٍٍٍٍٍٍٍٍــــــــــــــلام عليـــكم

ســـــلامي اليكي يا بنت عنيزة.......شــو أخبار مجدولين

ماني شايف ليها اسم معكم

فعلا ازمه اجتماعيه الدوانيات


فعلا اهمال للبيت للاولاد للزوجه



وطبعا لكي ان تتخيلي ايش ممكن تكون نتايج اهمال الركطن الرئيسي في البيت وفقدانه ببعده

لكن لا حياة لمن تنادي



وعلى قولك ماخفي كان اعظم

وعليكم السلام ورحمة الله وبركاته
مرحباااااا اختي راماااااا
الف الف حمدلله على السلامه
وينك اختي ووين هالغيبه..

اختي مجدولين ..لها فترة تاركه المنتدى..
اشوفها بعض المرات بالماسنجر.
وبإذن الله انها بخير...

يعطيك العافيه وياهلاا ومرحبااا فيك..