تدرون يالعربان وشهي البهاذيل؟ ** فرقى وليف وحظ مامن صمايـل ..

لايومي بيـوم ٍ ولا ليلـي بليـل = ولا السّعد مقبل ولا الهـم زايـل
ماغير ازم هموم واحـط واشيـل = ولاراح منهـا هـم جالـه بدايـل
تدرون يالعربان وشهي البهاذيل؟ = فرقى وليف وحظ مامن صمايـل!!
الوصل نعمه والمفـارق غرابيـل = ياحـظ ليتـك تعتـدل ماتمـايـل
لامن بغيت اعدّلك ترجـع تميـل = كنّك تقول اعيش وامـوت مايـل
والمهرة اللي ماتعيّن مـع الخيـل = من دونها تقصر جميع الأصايـل
من دونها ضاعت عقول الحلاحيل = وتضاربت فيهـا سلـوم القبايـل
ياشيب عيني يوم قفّت وانا اخيـل = دموعها وبلٍ علـى الخـد سايـل
وانا اتصبّر وازهم العقل والحيـل = والقلب يشكي للضلـوع النحايـل
اصبر مثل صبر الرجال المشاكيل = واخبّي جـروح الزمـن واتحايـل
لن الردي والهيس وخبل الرجاجيل = تفرح لا وراني الزمـان الهوايـل
وانا اترفع واترك القـال والقيـل = واجبر عزى قلبٍ على الموت آيل
وشب نار الشوق وارهي المعاميل = واريّح اعصابـي ببـدع المثايـل
ولاّ الغلا ماعاد يحتـاج تفصيـل = لنّـه مورينـي نجـوم القوايـل
ياللي غيابك حط بالقلـب تنكيـل = ويلي على قربك ولانـي بطايـل
لاغاب صوتك ماتفيـد المراسيـل = وفر على الجوال كثـر الرسايـل
والله لـو تاخـذ لدمـي تحاليـل = تلقاك بالجينـات صايـل وجايـل
حبك تعدى حب الاكـراد لأربيـل = الاّ تعـدى حـب شمـر لحـايـل
صبيت حبك مثل صـب الفناجيـل = وين الجليله تشرب اشواق وايـل
ياللي تواعدني من اسهيل لسهيل = والشوق في قلبي مسوي عمايـل
ليتك تبادلني الغـلا والمواصيـل = وترد لي بعض الوفـا والجمايـل
تعبت من قولة ظروف وعراقيـل = وتعبت من قولة ياقـل الوسايـل
لاقلت انا احبك ومشتـاق بالحيـل = تقول لي جعل العوض فالموبايـل
غديت انا ويـاك مثـل المهابيـل = واشباهنـا فالوقـت هـذا قلايـل
كذاب من قـال المحبـه تساهيـل = راحو ضحيتهـا عيـال الحمايـل

.
.
.
محمد العرجاني
.
.
.

كذاب من قـال المحبـه تساهيـل
راحو ضحيتهـا عيـال الحمايـل

وانا اشهــد

	شهادة ثبوت عليها نحيا ونموت ونبعث لياشاء الله

اقتباس من جدتي الله يرحمها






سلمت يداك سديم


...

	ياللي تواعدني من اسهيل لسهيل والشوق في قلبي مسوي عمايـل ليتك تبادلني الغـلا والمواصيـل وترد لي بعض الوفـا والجمايـل

صح لسان من قالها

وسلمت يديك سديم
والله يعطيك العافية

	المشاركة الأصلية كتبت بواسطة سديم

	[ ياللي غيابك حط بالقلـب تنكيـل = ويلي على قربك ولانـي بطايـل لاغاب صوتك ماتفيـد المراسيـل = وفر على الجوال كثـر الرسايـل والله لـو تاخـذ لدمـي تحاليـل = تلقاك بالجينـات صايـل وجايـل حبك تعدى حب الاكـراد لأربيـل = الاّ تعـدى حـب شمـر لحـايـل صبيت حبك مثل صـب الفناجيـل = وين الجليله تشرب اشواق وايـل . .

صح لسان الشاعر محمد



سديم
يعطيك العافيه على ماامتعتينا بالقصيده الرائعه

صح لسان العرجاني ويعطيك العافيه سديم

نقل مميز ورائع ومحمد فهد العرجاني شاعر مبدع

تحياتي

وافي .. مشاري .. ملكة الاحساس .. محمد الفارس

الله يعطيكم العافيه

شكراااا لمروركم
.
.
.

بسم الله الرحمن الرحيم

ســــــــديم

السلام عليكم ورحمة الله وبركاته


اختيار رائع
وذووووووووووق عالي
بارك الله فيك وفي روعة اختيارك



اخوك
حسام الشعر

وعليكم السلام ورحمة الله وبركاته

الله يعطيك العافيه .. ابو ابراهيم ..

شكرااا لمرورك
.
.
.