|
ملتقى الأصدقاء تهانينا ، افرآحنا ، أخوتنا ، من هنآ نبدأ .. لاستقبال الأعضاء الجدد ، تكريم الأعضاء |
|
أدوات الموضوع |
13 / 02 / 2002, 20 : 01 PM | #1 | |||||||
العضويه الذهبيه
شكراً: 0
تم شكره 0 مرة في 0 مشاركة
|
اسمي مكتوب000لااا
فيه بعض الناس بيزعلون بس انا اقولهم الزعل مرفووع يعني ترى نمزح ......... اتمنى تعجبكم
و كثير منا اذا قرا اسم احد يطري عليه صفات لهاالاسم , وانا كتبت اسماء وكل اسم امامه صفه معينه تغلب على من يحمل هالاسم (يعني غالبا ) [gl]الذكور[/gl] فهد : ولد يطلع زين وش حليله بس انه برباره يعني حتسيه واجد عبدالله : هذا عله باطنيه مثل ما يقولون , اذا استلمك بالنصايح والحتسي تروح فيها وتصدع , وغالبا عنده عقده , وشعره عراده عبدالعزيز: هذا ما فيه عنده نص , اما شين وداشر والا زين وخاثر محمد :تسذوب بخفة دم بس لو تشكه شوكه راح لامريكا يعالج من التهويل اللي فيه خالد : مؤدب , ويسمع كلام اهله وما يتاخر عن البيت وزين سعد : طبعا الاسم معروف انه اسم قرد , لكن يمتاز سعد بالرشاقه وخفة الدم اللي مثل العسل ناصر : تسذوووووووووب , ويمدح نفسه واجد وفيه شوي حقد رائد :ياحليله. نفسه طيبه بقوه ودايم في حاله , مدري ليه ؟ !!!!! صالح : اسم مهبول , تلقاه معاكس اسمه واحيانا عليه قل صح احمد : يلبس نظارات دايم ويذاكر واجد وغالبا تلقاه وسيم سامي: فيه شوي نجاسه ويستخف دمه دايم مع ان عليه طلعات مهيب شينه عبدالرحمن : جلف عادل : على باله انه فاهم ويسوي حركات ماهو قدها ويورط سليمان : كبير حتى لو انه بزر , مكبر نفسه ابو الشباب حسن : شين بس دمه خفيف راعي طلعات قويه نواف: نفسه براس بخشمه وشايف نفسه على انه زين وهو مقشع وائل : مسوي نفسه مثقف وهوا من جنب القده نبيل : يصير اسمر دايم ويبي يزين عمره بالقوه , ما يتعدى الحلاقين جمال : مطيع ومؤدب ويسمع كلام امه نايف: حلووو وشايف نفسه ومسوي فاهم بدر : طيب وحبيب وكشخه بس انه داج وعليه طلعات مالها داعي [gl]الاناث [/gl] نوره : عاقله وثقيله وتحل محل امها وهي اللي تسوي القهوه لابوها بس انها شينه منيره : سكتم بكتم , مالها حس اكثر وحده مظلومه في خواتها حصه : قشراء الله يكفينا الشر , لو تناظر فيها طبت ببطنك وعموما هي شينه فاطمه : زينه بس معقدها اسمها شوي وتحاول تتجمل قدام البنات و اسمها للي ما يعرفها ريم هيا :شيطانيه ومليقيفه , متوسطة الجمال لطيفه : محبوبه من اللي حولها لخفة دمها , غالبا تصير دبدوبه شوي امل : غثيثه من جد وفيها لقافه زايده هيفاء : وش كبرها بس عقلها عقل بزر اماني : مملوحه كنها من ممثلات الهند تهاني : دابه سليمه مثل ما يقولون , مالها راي الجوهره او جهير : تجي دبه وعبيطه واحيانا عقل مع دلاخه فوزيه: دمها عسل وعصلا ومملوحه هيله: عاقله ولا تتكلم الا للضروره , هاديه بطبعها نوف:حلوووووه , فكرها عالي ومثقفه , بس شايفه نفسها مدلعه وشيطانيه و ملكعه رانيا : هادييييييييييه ودلاختها قويه يعني ما تتكلم بس اذا تكلمت جابت العيد منال : ثقيله وفكرها راقي + خيشة نوم العنود : طويله وما تجلس بمكان واحد اكثر من خمس دقايق , ما غير تدور من زود اللقافه سهام : عاقله ومخها نظيف ( ماشاء الله ) بس عليها طلعات تكارنه احيانا بس اشوى ان هالطلعات نادره وفاء : غالبا تكون حلووووه , وبنت حلال يعني حبيبه ملاك : دلوعه وهاديه بس تجيها ام العبيد احيانا ويطلع لسانها الطويل سعاد : من اسمها باين انها قشراء بس حلوه ولا هي مهتمه بنفسها دلال : اما شرانيه واما طيبه ما فيه نص بدريه : تطلع حلوه وحبوبه بس فاهيه شوي لولوه او اللولو : دبه ومحبوبه من الجميع وطيبة افنان : شعرها عراده ولاعبه فيه بالاستشوار شوي ويحترق , تحب تتجمل قدام الناس دانه : حلوه بس ما تعرف تكشخ مثل البنات , يعني انواع الالوان في الفستان الواحد . وقصات شعرها دايم تفشل جميله : اسم على مسمى لكن ان ما طلعت زينه مره تطلع مقشع مره مرام : سمراء ومملوحه وهاديه نجود : دبدوبه وتحب تغني دايم مع ان صوتي ازين من صوتها . دايم تكتب مذكراتها مع العلم ان ماهنا شي يستاهل التعب , من المدرسه للبيت ومن البيت للمدرسه مشلحححححح |
|||||||
((الاثم ماحاك في نفسك وكرهت ان يطلع عليه الناس))
|
||||||||
13 / 02 / 2002, 37 : 06 PM | #2 | |||||||
العضويه الفضيه
شكراً: 0
تم شكره 0 مرة في 0 مشاركة
|
الحمد الله اسمي ماهو معهم
ولا لو كان معهم كان طلعتوا جمييييييييييع الفضايح :D |
|||||||
زمـان يالوئام ......
|
||||||||
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
لن اسمح لكِ بذلك | 8mm | || اوْرآق مُلَوَنة .. | 6 | 31 / 03 / 2005 57 : 12 AM |
جوالك اصلي و لا تقليد !!! | Mahsoon | Mobile - iPhone - Blackberry - Android | 2 | 09 / 07 / 2003 21 : 08 AM |
اسمى المشااااااعر....... | الهاجر | بوحْ الشعِر والنثر .. | 12 | 25 / 09 / 2001 30 : 02 AM |
وهذا سبب انه اسمي عاشقة البـــــــــــــــــــــــــــــــــــحر | عاشقة البحر | ملتقى الأصدقاء | 9 | 08 / 09 / 2001 21 : 09 PM |
ليس اسمي في الصفحة الرئيسية | شيـــك | منتدى computer العام | 3 | 14 / 06 / 2001 34 : 01 AM |