كلمات عامية ..ومعانيها

كلمات عامية ..ومعانيها..
الدلخ : وهذاا إنسان غبي جداااا.ويرفع الضغط ....وينرفز ....واكثر من يعااني منه المدرسين ....واهله.
المنسم : كل ما مريت عليه تسمع صوت سسسسسسسسس و ذلك راجع إلى تهريب الهواء من رأسه و السبب في ذلك هو أن في رأسه فتق لذلك تلقاه دايم يغطس رأسه في سطل موية عشان يعرف من وين التنسيم .
المهوي : هو مرحلة متأخرة من التنسيم و المهوي وصل لمرحلة متأخرة جدا بحيث يفقد أهله الرجاء منه ... الشخر المخر أو أبو مشخر ! : من نفس فصيلة المنسم !
السلنتح : قليل الأدب
جحلط ( بتشديد اللام ) : وهم مرحلة متقدمة للسلنتح
مزّلب : يعني بايعها بتراب !
مسفّح : يعني طاير في العجّة وهو ما عنده ما عندي جدتي , يعني بالعربي الفصيح من جنب العارضة
الصتيمة : وهو الشخص اللي ماعنده ماعند جدة جدتي ...!!...ويصدق أي شيء يقال له
المسبة أو المسبوة : هو الشخص اللي يكون مروع في صغره لدرجة أنه يصبح شبه فاقد للعقل ...
الفاهي : هذا الله يخلف مهما تقول له أو تصارخ عليه تلقاه فاتح فمه و بس و إذا كلف عمره و تفاعل معك رد عليك و قالك : هه ...
الحقنة : هو الشخص الغثيث اللي ما يفكك لين تعطيه اللي يبيه منك و مهما تسوي له عشان تصرفه عن الموضوع حقه ينشب في حلقك لين يأخذ منك اللي يبيه , وهذا يفسر قول العرب : أغث من حقنة !!....
العلة : هذا اللي ما تأخذ أنت منه أي شيء و لا عنده استعداد انه يسمع منك مهما حاولت وهو كالمرض يعلك لين تنفقع مرارتك منه......
العربجي : يظن معظم الناس أن العربجي هو الشخص الشديد حق المشاكل و اللي ما يمشي إلا وهو مشخص ببنت البكار ( أسم لطريقة لبس الشماغ عند العرابجة ) و حاط مفاتيحه في سلسلة و لا بس نعال سجاديه و يسحبها تسحيب لين جاء يمشي و دايم فاتح صدره و رازه على فوق و كانك ولد أبوك قله شيء بس . لكن في الآونه الأخيرة ظهرت إشاعات تقول بأن العربجي هو اللي يسوق الحمار(الله يعزكم) لكن صرح مصدر موثوق من عائلة العرابجة بأن هذه إشاعة مغرضة أطلقها عليهم أحد الخكاري...
الكحلي : يطلق مسمى الكحلي على ذوي البشرة السمراء و لأن ذوي البشرة البيضاء مساكين ما عندهم لقب احتجوا عند الأمم المتحدة مطالبين باللون الفضي ....
المرجوج : هذا ما عمره صلح شيء صح في حياته ما يمديك تفتح فمك إلا و طار في العجة بدون ما يفهم وش السالفة. و الارتجاج الحاصل له يختلف تماما عن مشكلة المسبة أو المسبوة حيث يكون الارتجاج هنا نتيجة صدمة و ليس نتيجة روعة .
المطفوق : من فصيلة المرجوج ... إلا أن مايميزه هو انه اذا مر من عند كاس أو جيك أو ابريق أو أي شيء فيه سائل لازم يكبه ( أي يسكبه ) برجله وهو مايدري ،، ولا تخليه يمر بجنبك وانت معك صينية فيها بيالات لأنه لازم يطخها بيده أو بكتفه ..!! أيضا لاتخليه يصب قهوة لضيوف لأنه لازم يكب القهوة على ثوب واحد منهم..!!!!!.....
السربوت : هذا اللي ما يخلي مكان ما يروح و قد كان الأولين يطلقون لقب السربوت على من يشرب الدخان لكن الحين الله يخلف الناس تدخن بيديها و رجليها و لحد يقول لهم شيء.
السمرمدي : وهو من نفس فصيلة السربوت.
الداشر : هذا قليل الأدب و لا يحب يماشي إلا السرابيت . و إذا قيل فلان دشر فلان أي خرب أخلاقه لكن في الأردن الشقيق كلمه دشره تعني أتركه..
الملكع : أما هذا فيعرف حتى السكن(اي الجن ) و مقطع السمكة و ذيلها و مهما تحاول تلف و تدور معه تراه فاهم و عارف وش تبي بالضبط فلا تتعب نفسك .
زعّيط : مسوي نفسه يفهم في كل شيء وهو من جنب العارضة.
المصرقع : هو كل شخص ما يهمه شيء و اللي يطري على باله بيسويه لأنه ماخذ الدعوة سعة صدر و هبال ...
المفلت : هو كل شخص ما تقدر أنك تأمنه على شيء لأنه مهوب تكانة و يتميز بكل أنواع الإهمال و التطنيش....
الخكري : ببساطة الخكري = نعومة + دلع + ليونة والله لايبلانا...
اللزقه: هذا الشخص اللي علطول معك وقدامك ووراك وكل شي وتطلع مع الباب تلقاه تركب في السياره تلقاه يطق القزازه وهاكذا.
الزنقّبي : (بتسكين النون وضم القاف ) يعني العزوبي.
الصديع : اي كلمه في راسه يطلعها ولا يتنباء بأفعاله سواء كانت صح ام خطء .
الجنط : من فصيلت الدلخ.
المريوح: هذا اللي نفسه شينه
.
والفاغر أيضا عند أهل الجنوب بمعنى الفاهي ، لأنه فغر فمه
والفغرة : صيغة مبالغة من الفاغر
والزلابة : من يزلب للناس كثيرا

ومنها أيضا بالحجاز :
بائع الحوت ............ كذاب.
شلاوى................... حرامى.
ملامتى...................صعيب الحق و يأكل أموال الناس
المخنفس : راعي قصات الشعر





ملطوش

ياحلو يارايق

ايش هالمعلومات العامه هذي

بس بصراحه تمام عليك ..

والموضوع حلو

تحياتي

الرجل القاسي

تحياتي,,

لكن نسيت صنفين مهمين جداً

1- السبيـــّـكة بتشديد الياء وهو المنتهي اللي ما عنك أحد (البرحة) اللي يدربي راسه على ماش

2- الزلابة اللي ما يعرف قدر نفسه ولا قدر أحد ,,

عموماً موضوعك جميل وتسلم على الاختيار

وشكراً

والسلام

المنسدح العاشر

سلام
أتحداكم وش معنى كلمة


يتبــــــــــــــــــرعص ..

إذا عرفتوها قولو لي..

القااااااااااااااااسي ... هههههههههههههههههههههههههه

حلوووووووووووووووووووة ...

بصراحة دليل شاااامل ووافي لكلام أهل الخرج

تسلم يا زعيم ..

تحياتي معها 11 كرتوووووون شكر طازج ..

	الرسالة الأصلية كتبت بواسطة يارا سلام أتحداكم وش معنى كلمة يتبــــــــــــــــــرعص .. إذا عرفتوها قولو لي..

ههههههههههههههههههههههههههههههههههههههههه

آآآآآآآه يا بطني .. بموووووووووت من الضحك ..

أقول يا دلوعة أهلك ..

وش قالولك حنا ؟؟ دواسر من الخرج .. عشان تقولين يتبعرص مدري يتبرعص ..

ههههههه ... أمانة يا شباب .. اللي عنده ثقافة شعبية . يجاوب هالمسيكينة ...

أنا عارفه وش معناها بس ابغي أعرف اللي عنده معلومات عن لغتنا المجيده (الشعبيــــــــــه )
وبعدين














وش معنى (خفتاء )يا سميـــــرووووووه..

ههههههه ..

يارا .. انا قلت لك مستعد اجاوبك بشرط

بشرط تعلميني من قالك عن خفتاء وشلون عرفتي هالمعلومة النادرة جدا

في انتظارك يادلوعة باباك وماماك

السلام
أنا بصراحه ما أقدر أقول من اللي قال لي
لإنه لو درى إني تكلمت ما أدري وش راح يصير فيني
(دلوعة أبوي وأمي )

يارا ...

Who are you ?

I doubt you

في انتظار ردك