ومن الحب ماقتل

احبتي...
وجدت هذه القصه يرويها شخص في احد المواقع المهتمه بالتراث والشعر القديم فنقلتها لكم
راجيه ان تنال شيء من استحسانكم..

يقول:..

" هذه القصه سأرويها كما سمعتها علما اني لا اعرف اسماء ابطالها


بداية القصه عن وحده من اهل المنطقه الشماليه وبدويه تسرح عند إبل اهلها وتقابل لها واحد دايما وتحبه ويحبها حب عفيف وكان يخطط على خطبتها بس العايق الوحيد ان واحد من عيال عمها محجرها وحالف ان قرنها الاشقر ما يلتوي الا على يمينه وذا اللي يحبها وتحبه مهوب من جماعتها


وفي يوم من الايام يوم رجعت من البل لقت في جنب بيتهم ( بيت الشعر ) بيت جديد مبني سألت امها عن البيت من هو له قالت لها امها ان ذا بيتها هي وولد عمها قالت لأمها انها تحب واحد وحالفه انها ما تزوج الا هو قالت امها ولد عمك في بيت ابوه روحي واطلبيه يفك حجريك وتعوذي منه يمكن يفك حباك .

راحت له البنت ولقت عنده رجال ودخلت عليهم وقالت اني طالبتك بوجيه الرجال اللي عندك انك تتركني في سبيلي" ما ابيك "
ضحك وقال انا قايل ان ها القرن الاشقر والله ما يلتوي الا على ذراعي حيه والا ميته .

رجعت للبيت وجهزت السم وراحت به لأمها وقالت لها اللي صار معها وقالت انا حالفه انه ما ياخذني وانا اسلم عليكم وشربت السم .


ومااااااااتتتتتتتتتت..!!

الحاله كانت فقر ولا عندهم ما يكفنونها به ربطو يدينها على جنوبها ودخلوها القبر ..
قبل لا يدفنونها طلع ولد عمها قرنها ولواه على يمينه وقال : يميني ووفيت به ..



أهلها ما لقوا احد يسرح عند ابلهم واستأجروا واحد من عيال جيرانهم يسرح عند البل وكان الولد صغير سن .


حبيبها صار يترددعلى ابلها ويلقى الولد سأل الولد: وين البنت اللي كانت تسرح عند البل؟؟
سأله الولد: ليه تسال؟
قال: لاني مضيع لي ابل ويذكرون ان فيه بنت جتها الابل وطردتها وابي أسألها عنها وين طردتها .
قال الولد: البنت يقولون انها شربت سم وماتت .
ما صدق قال في نفسه( أكيد ان احد شافني معها وردوها لا تسرح
وقايلين للولد إذا سأل عنها احد قل انها شربت سم وماتت
احسن لي ارسل قصيده لواحد من ربعها اللي امون عليهم واسأله وش صار بالضبط)
قال: يا ولد تعرف واحد اسمه منير ؟؟
قال الولد: أعرفه .
قال :انا بعطيك رساله وصلها له واذا قراها وحصل البل بيرسلها لي .
قال الولد :هاتها .

استلم منير الرساله الا هويقول فيها :

يا منير ما جاكم عن الترف ذكار=صحيح وان صخيف الروح غادي
صحيح والا طنبلـة علـم قمـار=او جا عنه راع العلوم الوكـادي
وكنك ضربت الكبد نطحٍ بمسمار=من يوم قيل الموت للترف صادي
وانس على كبد كما حر مخطـار=شي جرا جاللبـلا مـن فـوادي
ودك لوالدنيا تصنـت للاشـوار=والموت ياتي لـه نذيـرٍ ينـادي

يوم قرا منير القصيده ما عرف من يقصد بس قال اكيد ان اخر من مات هي البنت اللي شربت السم .
ورد عليه يقول

صحيح ماهي طنبلـة علـم قمـار=وانا عنـه راع العلـوم الوكـادي
دنياك هذي ما تصنـت للاشـوار=تضرب على مشهات نفسه عنـادي
لوشاورتنا كان ما حق مـا صـار=نفدي بناسٍ عـن ظبـي الحمـادي
ياحيف ياعضودٍ كما وصف جمـار=يودعهـن القبـر المهبـا سمـادي
ونهود حدر الجيب غضات الاثمار=والـدود ياكـل مغتـرات الثنـادي
وشقرٍ ضفرهن طولهن خمسة اشبار=يعبا لهن غير الرشـوش الزبـادي
وياحيـف ياهبـاس للتـرف قبـار=هبس قرونه عقب ما هـن بعـادي

.............

...

شروووق

انتِ

كارثه


اقصد


انتِ

داهيه


لأ
قصدي اقول

ماشاء الله عليك

اختيار موفق
وطرح متميز
وانتقاء ينم عن ذوقٍ رفيع



بصراحة
يعجبني اهتمامك و انتقائك بمثل ولمثل هذه المشاركات المهدده بالانقراض

شكراً لذوقك الرفيع


كلك ذوق


...

بسم الله الرحمن الرحيم

شــــــــــــــروق

السلام عليكم ورحمة الله وبركاته


بيض الله وجهك يا شروووووووووووق
مشاركه من اجمل واروع المشـــــــــــــــــاركات

بارك الله فيك وفي ما قدمتي
والله يعطيك الصحه و العااااااااااااااااافيه


في انتظار مثل هذه المشــــــــــــــاركات


أخوووووك

حسام الشعر

بسم الله الرحمن الرحيم
السلام عليكم ورحمة الله وبركاته
صدقت يالوافي
شروووووق
كارثه
و
داهيه
يسلمووووعلى الذووق الرفيع
وإختيار موفق
تقبلي تحياتي
حبيبته

الــــــلـــــه قـــــمـــــه الابـــــــداع

سلمت يداك يا شروووق

يسلمووو هالديات

قلبت لبناني

إبداع ولا أروع

شكرااا أخت شرووووق على النقل الرائع

شكرا اختي شروق على الروعة اللي قدمتيها ولا نستغرب ذلك منكِ
اختيارك موفق بذوق رفيع

الأخت الراقيه (( شروووق ))

هلا والله وغلا ومرحبا فيك

وجعل ربي يعطيك الصحة والعافية

قصة وأبيات لا يفوقها جمالاً سوى حسن وجميل أختيارك وذوقك المتميز الذي عودتينا عليه وبتجدد وإبداع يظهر لنا
تألقك الدائم وأختيار ما يلقى إعجاب الجميع وينال إستحسانهم
وقد ذكرتني هذة القصة والقصيدة برواية كان يرويها على مجالسيه أثناء تجمعهم سوياً في أحد المنازل رجل طاعن بالسن وأنا كثيراً ما أحرص على الجلوس معهم للأستماع لسواليفهم الجميلة وكنت صغيراً في ذلك الوقت ولكن لم أنسى تلك القصه التي أعجبتني فيقول هذا الرجل:-
بسبب بعض الخلافات القبلية بين قبيلتين كان رجلين منهم يسكنون بجوار بعضهم وقد عقد أحد الرجلين على أبنته لأبن الرجل الثاني ولكن قبل زواجهما قامت قبيلة أبو الولد بالغزو على قبيلة أبو البنت وبذلك أثرت على العلاقات العائله بينهم مما اجبر هذا الولد على فراق زوجته التي أحبها بسبب ولم يبقى سوى إقامة الفرح والزواج وبهذه المشكلة طلبت قبيلتة أبو البنت منه أن يجعل جاره أبو الولد يرجل من تلك القبيلة وإلا قتلوه فرحلوا وقلب الزوج يتقطع على فراق زوجته وهي بالمثل ولكنه لم يطلقها وبعد طول الفراق توقدت بقلبه نيران العشق لها فأسرج حصانه والشوق يدفعه إلى مساكن ومضارب أهل زوجته وعندما أقترب من الخيام ليلاً راح يقلد صوت الذيب فعوى ثلاث مرات متتالية فعرفت الزوجة ان هذا الذيب هو زوجها فخرجت إليه سراً دون أن يراها أحد والوله يقودها الى فرحة اللقاء الزوجي الذي لم يتغير أو يتبدل مع طول الإفتراق وبعد لقائهم ومسامرتهم لبعض التي جمعت بينهم بشيء لهم حلال أفتراقا قبل أن يأتي الفجر وكلاً ذهب إلى مكانه وبعد أسابيع حملت الزوجة ولم تتكلم أو تبلغ أحداً من أهلها ولكن عندما أتضح الحمل ورأوه الأخوه وصاحا في وجهها فذكرت لهم ما حدث فطلبوا من الزوج الحضور لمعرفة الحقيقه لأنهم ضنوا السوء بأختهم فجاء إليهم وهم جالسين وينشدون على الربابه كعادة اهل الباديه في السمر وجلس بينهم فانشد أحد اخوة البنت بهذه الابيات على الربابه موجههاً الإنشاد إلى زوج أخته.

يا ذيب ياللي تالي الليل عويـت = ثلاث عويات على ساق وصلاب
ابسألك من عقبها ويش سويـت = يوم الثريا راوست والقمر غاب

وعند سماعها عرف الزوج الموضوع فرد ( منشدا على الربابه) بهذه الابيات أيضاً:-

أنا أشهد أني عقب جوعي تعشيت = وأخذت شاة البيت من بين الأطناب
على النقا وإلا الردى ما تهقـويـت = ردوا نسبنا يا عريبيـن الأنسـاب

فأتضحت الحقيقة وزالت الشكوك وتمت براءة الزوجة ورجعت مع زوجها والتم الشمل من جديد
آآآسف على الإطالة ولكن هذا ما تذكرته بسبب قصتك الرااائعه

آآآآآآلف شكر لك مبدعتنا الراقيه وبيض الله وجهك على أختيارك الذي لا مثيل له

لاعدم ولاخلا من هذا الوجود المتألق

وتقبلي مني كل الود والتقدير

مرحبا شرووووق


الف شكر على هذه المشاركه الرائعه


والشكر موصول للاخ عازف الناي على مداخلته


بصراحه قصتين رائعتين


دمت بود

قصه تووووجع القلب

الله يعطيك العافيه .. شروووق ..
.



.