لي معكم والوئام وقفة

تحية للجميع ..


تطلعاتي في هذا المنتدى ..

كنت أتمنى أن أعيد في مع هذا المنتدى بداياتي مع الملتقى ..
لكن كل الظروف مختلفة , وهذي هي الأيام دول ..

أمنية ثانية .. أتمنى إني أشوف كل اللي كانوا معانا هناك , يكتبون معانا هنا , وهذا مو مستحيل ..

وأمنية ثالثة كمان .. أتمنى أن يصبح منتدى الوئام أو أي منتدى آخر نكتب فيه أتمنى أن يكون أفضل منتدى على الإطلاق ..

وشي متأكدة منه , أنه هذي هي أمنية كل من يكتب في هذا المنتدى ..
ليه ؟!

لأنه هذا هو المكان اللي يقضي فيه وقته , ويطرح فيه أفكاره , هذا هو المكان اللي فيه الناس اللي حبهم , ولهذا السبب يتمنى أن يرتقي مستوى المنتدى ليصبح مكان يستحق أن يصرف عليه وقت فراغه , من دون ما يعتبره هدر له ..

طيب .. من كنا صغار وهم يحاولون يزرعون فينا حاجة , هدف ووسيلة وقيمة رائعة ..
دائما كانوا يبادرونا بسؤال .. وش أمنيتك تكون لما تكبر ؟!
دائما كانوا يحاولون يقنعونا بقدرتنا على هزم المستحيل بالعزم والإصرار والعمل .. أهم شي العمل ..

وعشان نحقق أمنيتنا في المنتدى لابد من العمل .. صح ؟!

طيب .. نظرة وحدة سريعة للموضوعات تنبينا عن الحال ..

الوضع غير مشجع ولا يعجب أحد إطلاقا ..

مافيه حاجة تجذب للكتابة أو الانضمام أو حتى مواصلة القراءة ..

وكون المنتدى في طور البناء ما هو عذر , بالعكس المفروض يكون هذا أقوى دافع للجميع للسعي والحرص على المضمون والمحتوى بغرض جذب المشاركين ..

وقتي جدا ضيق وحالتي النفسية سيئة وما تشجع , لكن الوضع حاليا ورغبتي في تدارك الوضع مبكرا أجبروني على الكتابة ..

أرجوكم جميعا .. خلونا نصحح أخطاء ارتكبناها في الملتقى , خلونا نتدارك كل حاجة سلبية كانت هناك ونمنعها من الحدوث هنا ..

خلونا نبني منتدانا ومكان راح يجمعنا على أسس سليمة من البداية , خلونا نعطيه فرصة يكون الأفضل ..

ليه مانتجنب أي موضوع خالي من المحتوى , مافيه هدف ولا مضمون ولا حتى أسلوب يدعو لكتابته .. ليه مانتجنب الهزل المتجاوز للحد ..

حبايبي .. ما أبي منكم ردود وموافقة وتأييد بقدر ما أتمنى عمل وتنفيذ , واستجابة على أرض الواقع ..

ولكم خالص الشكر ..

الشمس

تحياتي اختي الشمس وهذا اللي نتمناه من الجميع وعلى بركة الله

تحياتي

المسافر...

هلا وغلا بالجميع ...


الشمس وقفتك كانت بالفعل وقفة حق ...


واجدد معك الدعوة لجعل الوئام ملتقى لقلوبنا وافكارنا ...


الله يزيل ضيقه الصدر ويساعد الجميع لتقديم الافضل ...


مشكورة شمس ....

يكفي ان الكلمات اللي راحت الشمس هي اللي خطتها بقلمها



الف شكر لك اختي الغاليه


مظلوم

ربنا يسهل ونكون عند حسن الظن

تحياتي

سلام ..

تدرون .. توني انتبهت أنه فيه حاجة مهمة فاتتني ..

دورك مايتوقف عند المحافظة على مضمون موضوعاتك الشخصية وبس , يعني إللي عليك مو مجرد إنك ماتنزل إلا موضوعات عليها القيمة .. لا ..

ممكن تقول .. طيب إذا أنا حرصت على الانضباط غيري ماهمه .. !!

يعني المشكلة قائمة إذا مو منك فهي من غيرك ..

تدرون وش الحل ؟!

في رأيي أنه من الواجب علينا كلنا , وأقصد هنا إللي فعلا عندهم النية الصادقة والعزم على تنفيذ الكلام اللي وافقتوني عليه ..
أقول اللي يبي هالشي فعلا لازم يتجاهل أي موضوع ثاني مايعجبه ويخل بهذا الاتفاق وممكن أنه يأثر على المنتدى ..

بمعنى ثاني , لا يجامل ويرد على أي موضوع ماله داعي , لأن هذي هي الطريقة الوحيدة اللي ممكن تجبر الجميع على الطرح الجاد والقيم والمفيد لما يشوف التجاهل لموضوعاته ..

ولو جا أحد وقال لي أنه يخشى إن العضو هذا يفهم أنه رفض له شخصيا ..
ردي راح يكون مصيره راح يعرف أنه الرفض لموضوعاته ومو له , لكن خل يجرب وينزل شي عليه القيمة وبعدين راح يشوف ..


هذا كل شي بغيت أضيفه ..

سلام مرة ثانية ..

رحت وجيت أبي أشوف فيه شي تغير !

على كل حال ..

المسافر , مظلوم , عاشق الحجاز وسعود .. مشكورين على ردكم ..

ومابي أنسى أذكركم إني مو هذا بس اللي كنت أنتظره منكم ومن غيركم ..

أبي أشوف شي قدام يصير , ومو كلام .. وعلى قول أحمدالحامد ..

أنا ماأحب الكلام

ومن سيربح المليون ؟! :D


يالله سلام ..

السلام عليكم ورحمة الله وبركاته

هلا شمس انا معاك فيما قلت قلبا وقالبا

والله يبعد عنك الضيقه

اختك ينابيع

أهلا ينابيع ..

في رواية ريوف , ريوفة

تسلمين حبيبتي ..

هلا بك يالشمس

الي كتبتيه إمنيات كل واحد فينى


وإن شاء الله يتحقق المراد

تحياتي