[غيث السماء ●]

أحلى سلام وتحية إلى ناس


إذا أنت أو أنتي مرجوج/ة قرب
شو رايكم نسوي
((( اختبر مستوى رجتك))))))




* السؤال الأول :

انت توك قايم من النوم وطفشاااان ووااااصلة معك .. قمت تغسل وجهك وتفاجأت بنملة تبي تدخل خشمك .. ما هي ردة فعلك :

1- تمسك النملة وتفعصها بإصبعيك وأنت تكركر ومستانس و تقول : والله يا أنتي نملة منسمة تبين تخترقيني .. هع هع هااااااي .. بس على مين أنا أبو جلمبو والأجر على الله .

2- توخر النملة عن وجهك و تنتفها وانت تلعنها وتشتمها .

3 - تخلي النملة تدخل خشمك .






*السؤال الثاني :

رااااجع من المدرسة أو الكلية او العمل .. المهم وتلقى الواااالدة سرحانة في الصالة تفكر وش تصلح بكرة إذا بغت تسير في الضحى على أم صويلح .. ماذا تفعل :

1- تسوي نفسك تعباااان وتصرخ وتمسك قلبك كأن ذبحة قلبية جايتك وأنت تقول : الحقيني يمة قلبي .. قلبي .. ولما تنهبل أمك عليك وتبي تكلم أحد يجي يوديك المستشفى .. تقول لها : قلبي تولع في الرياااض .. حب ورثته من الجدوووود هع هااااااااااااااااااي والله تسحيبة يمة .



2- تجي بشويش من ورى أمك وهي سرحااانة وتصرخ في أذنها وتقول : مساااااتس الله بالخير .. وطبعاً هي بتنفجع وبتقول وجع الله يمسيك بعصا إن شاء الله .


3- تطلع غرفتك وماتسوي شيء





* السؤال الثالث :

انت توك مقيل وماخذ لك قيلولة(تصفيره) على كيف كيفك ونااازل الصالة إلا وتشوف خواتك الصغااار عند سبيس تون طااايرة عيونهم .. ماذا تفعل :


1- تجي يعنني تكنس وتغطي عليهم التليفزيون <<< أحلى يا أليسا


2- تجي يعنني بتشبك شاحن الجوال وتقوم تفصل فيش التليفزيون .. وتقول : أوه آسف مادريت

3-تقعد تتفرج معهم.




*السؤال الرابع والأخير :
بعد العشاء اشتهيت تويكس ونزلت تشتريه من البقالة ولقيت سيارة خويك عند باب البقالة :

1- تنسم كفراته الأربعة .


2- تسلم عليه وتلزم عليه يعزمك على العشاء .


3- تشتري له تويكس معك

(((((الللله يرجني والله اني فللللللللللللللللللللللللللله له)))))
<<-- رمضان اثر على مخي يمكن هههههه


النتيجة : ـــــــــ

أعط نفشك لكل اجابة رقم واحد 3 درجات
ولك اجابة رقم 2 درجتين
ولكل اجابة رقم 3 درجة وحدة

ــــــــــــــــــــــــ
اذا كان مجمع اجاباتك
9 - 12 :

أنت مرجوووج جداً ..

حالتك خطيرة .. وقد تتحول رجتك إلى هبااال رسمي .

الحل : خل امك تهمز راااسك بزيت سيارات ثمانين مرة بالثانية وإن شاء الله ماقدامك إلا العافية .


واذا كان مجموعك
5 -8

أنت مرجوج بس على نذااالة شوي ..

مستوى رجتك معقول لكن لا تستخف دمك كثير لأنك ستجيب العيد .

الحل : خل عنك النذالة .. ولازم تؤمن إنك تعاني من الدلاخة في مراحلها الأولى ..

كل عصفور قبل الغدا مرة في السنة .


اما اذا كان مجموعك
4 - 5

يا أخي انت منتب في الدنيا .. ميت والناس حيين ..

انتبه على نفسك لأن أهلك احتمال ينسووووك إذا بغو يسافرون.

الحل : كورس رجة مكثف عند أعلام الرجة في المنتدى .


يله عاد كل واحد يقول لنا وش طلع له وهو من اي فئه


همسة مرجوجة
يااااا ويله يا ويله الي يدخل وما يسوي اختبار
بيحصل تشويت من الزين من غيوثة
سامعين

[راع المشاعر ●]

.
.
.

والله ان الاسئله كلها مرجوجه

واللي يقراها بيصير رسمي مرجوج

[همس نواف ●]

بارك الله فيك وكثر من امثالك وجزاك الله خير على المشاركة الممتازرة

[غيث السماء ●]

راع المشاعر :

هههههههههههههههههههه
اجل انرجيت من الاسئلة لوووول

يسلمووو يابو المشاعر



همس نواف:
يسلمو على مرورك

[كل الحكااااايه ●]

5 -8

أنت مرجوج بس على نذااالة شوي ..

مستوى رجتك معقول لكن لا تستخف دمك كثير لأنك ستجيب العيد<<<حاضر .

الحل : خل عنك النذالة <<والله ماني بنذله..
ولازم تؤمن إنك تعاني من الدلاخة في مراحلها الأولى ..

كل عصفور قبل الغدا مرة في السنة .

[غيث السماء ●]

هههههههههههههههه

يا حبيبة قلبي يا كل الحكاية واخير احد عبرني وشارك معي

يسلمو يا قلبو