موضوع للنقاش

قبل لا اكتب القصة اللي ودي اقولها


تخيلوا بس لثواني ان النعمة الي احنا فيها اختفت واصاب البلاد الفقر والدول الفقيرة صارت غنية وبدال مانجيب منهم السواقين والشغالات صارو هم يجيبون من عندنا

باقولكم القصة وبعدين راح تفهمون ليه هذي المقدمة كلها



طالع من الجامعه راجع للبيت وطبعا لفيت على الشارع اللي فيه بيتنا الا القاه مسكر ثلاث دوريات وش السالفة ما اهتميت بالموضوع رجعت ورحت لبيتنا من ورا المهم دخلت البيت وقلت للخدامة هاتي غداي المهم يوم جابت الخدامة الاكل الا وهي تصيح وش السالفة ما ادري ...

سألتها ليش تصيحين قالت خدامة الجيران انتحرت ( أعوذ بالله )

ليش طيب انتحرت , قالت لي لها ثمان شهور منتهية مدة عملها وودها تروح لاهلها والجيران معيين وايضا لها سنة وست شهور ما استلمت راتبها وراعية البيت تصبح فيها بكف وتمسي عليها بكف
فقالت مالي الا انتحر


طلعت الشارع باشوف وش صار عليها والقى طبيب قلت له وش السالفة قال الخدامة طلعت للدور الثاني ونطت على الحوش تبي تنتحر بس ماماتت فيها كسور بالجمجمة وجسمها كلها متكسر ونقلوها على المستشفى .


هل ترضون انكم تتعاملون بالمثل ؟؟؟



واترك لكم التعليق

والله يا أخوووي مشاري هذي السالفة مو أول مرة تصير ولا راااح تكوون آخر مرة...

آخرتها سالفة قالها لي أحد الشباب وصارت لخدامة عمه وقصتها مقااربة تماماُ لقصة شغالة جيرااانكم...

السؤااال اللي يطرح نفسه ليش ما يكونون لجنة حقوق من أجل إعطاء كل ذي حق حقه وألا مشان إنهم عماله ما نشيل همهم !!!

والله إني أحزن كثيراً لما أسمع مثل هالقصص وأقوول لو أن أحد الأشخااص جار عليه الزمن وصاار محل هالعاامل وش ممكن يسوي ؟؟؟

أين الخووف من الله أم ان حب المااال طغى على كل شي !!؟؟؟

كلي أمل بأن نجد حلاُ لهذه المعضلة وأن لا نتناسى أن هؤلاء الأشخاص هم أوادم وأغلبهم مسلمين...

الله يعطيك العافية أخوي مشاري على هالطرح الجميل وإعذرني لأني ما أوفيت الموضوع حقه...

مرحبا اخي مشاري

كثير ما نسمع مثل هذه القصص بل بعضها صحيح

والسبب كثرة العمالة المنزلية فلا بد من حدوث هذا الأمر

وطبعا ضعف الإيمان هو المحور الرئيسي لمثل هذه المشاكل ,,

نحن في نعمة وأعظمها نعمة الإيمان بالله والأمن ..

تسلم ياعزيزي على هذا الموضوع القيّم والذي يحتاج بالفعل

الى مناقشة مستفيضة ممن عايش هذه الأحداث وأسبابها

ووضع الحلول لتلافي ما يمكن عمله ,,,

مع خالص الود ,,,

	هل ترضون انكم تتعاملون بالمثل ؟؟؟

طبعا لا
لكنه تجبر النفس وعلوها اذا مامسكت زمام قيادة وكلمه

(متى استعبدتموهم وقد ولدتهم امهاتهم احرار)


نسأل الله السلامه



شعور انساني نبيل منك يااستاذي الفاضل

..

أول شي يامشاري ليه تكلم الشغالة



..

ثانياً : أنا ضد المعاملة القاسية للخدم
يعني عشانها إضطرت تشتغل أقوم أهينها وهي مغتربة عن أهلها بعد
والله ماهي من المروءة ولا من الإسلام شي
بس اللي أشوفه من المجتمع اللي حولي
يحذرون كثير من الشغالات
ودايماً يقولون بكيفها مانبي منها شي بس تكنس وتنظف وتقوم بشغلها
يعني العنف على الشغالات بتالي الوقت قليل
لأن الأسر تخاف من عواقب الشغالات

..

	ليش ما يكونون لجنة حقوق من أجل إعطاء كل ذي حق حقه وألا مشان إنهم عماله ما نشيل همهم !!!

..

يعني بس الشغالات هن اللي يحتاجن حقوق الإنسان
حنا نسينا أن أضرار الشغالات أكثر من العنف عليهن
ومشاكلهن ماتنتهي .. وإذا حوكمت الشغاله فأقصى حكم عليها السجن والجلد ..!
وين حقوق الأسرة .. أنا ماأنسى ذيك الحرمة اللي طلعت بقناة الإخبارية
اللي شغالتها غطست بنتها أم سنتين بابانيو والماء يغلي من حرارته وخلتها ساعتين
وبالأخير البنت يجيها فشل كلوي وحروقات من الدرجة الثالثة و ..... و....
وبعد معاقبة الشغاله .. أصدر الحكم عليها بالجلد كم جلدة والسجن 6 شهور
بس .. هذا الحكم ..!
أنا أتوقع لو انه العكس كان صارت العقوبات شديدة ورادعة
ولكن لأنه ضد الشغالة صار الحكم بسيط جداً .. زي قولة تسكيته


..


مشاري
الف شكر لطرح مثل هذا الموضوع الحسّاس

..

..

حسبي الله على الظالم اللي يستغل ضعف الآخرين

و الخدم أو العمالة يجب معاملتهم بمثل ما نحب أن نعامل و كلنا سواء و الاختلاف في المادة فقط

مشاري مشكووووووور على القصة الرائعة و تقبل خالص تحياتي

اخي مشاري مشكور على طرح الموضوع

لا أعتقد ان الأساس خادم ومخدوم ولكن المبدأ يرتكزعلى احترام الانسانية والرحمة والايمان بالله وبأن الجميع مراقب من الخالق سبحانه وتعالى سواء من هذا أو ذاك

قد يصاب أحد الطرفين بضرر بالغ يصل الى حد الجريمة نتيجة لانعدام الرحمة من قلب الآخر

الرفق مطلوب والبعض على البعض رحمة , على الخادم ان يتقي الله في مخدومه وماله واهله وبيته وان يكون اهلا للثقة التي منحها له وعلى المخدوم ان يتقي الله في الخادم فيحسن معاملته ويعطيه اجره قبل ان يجف عرقه

كلكم راع وكلكم مسئول عن رعيته

خالص تحياتي لموضوعك المتميز
اسطورة الخريف

لا حول ولا قوة الا بالله


نفس القصة حصلت عند جماعة اعرف بنتهم ... السواق شنق نفسه والسالفة مالها اكثر من 6 اشهر
وبالفعل كانت المعاملة قاسية جدا ...

المفروض نعاملهم باللين ولا ننسى أنهم يخدمونا
صقوني لو نبكي يبكوا معنا ... لو نفرح يفرحوا معنا
ليش ما يشاركونا حياتنا بكل ما فيها من حلو ومر
ولا ننسي معاملة الرسول صلى الله عليه وسلم للجواري والخدم



مشاري
واقع يعيشه الكثير
الله يعطيك العافية

اسمح لي أخوي مشاري بنقل موضوعك الجرئ الى العام

ولي عودة باذن الله

	المشاركة الأصلية كتبت بواسطة The Dark Prince

	والله يا أخوووي مشاري هذي السالفة مو أول مرة تصير ولا راااح تكوون آخر مرة... آخرتها سالفة قالها لي أحد الشباب وصارت لخدامة عمه وقصتها مقااربة تماماُ لقصة شغالة جيرااانكم... السؤااال اللي يطرح نفسه ليش ما يكونون لجنة حقوق من أجل إعطاء كل ذي حق حقه وألا مشان إنهم عماله ما نشيل همهم !!! والله إني أحزن كثيراً لما أسمع مثل هالقصص وأقوول لو أن أحد الأشخااص جار عليه الزمن وصاار محل هالعاامل وش ممكن يسوي ؟؟؟ أين الخووف من الله أم ان حب المااال طغى على كل شي !!؟؟؟ كلي أمل بأن نجد حلاُ لهذه المعضلة وأن لا نتناسى أن هؤلاء الأشخاص هم أوادم وأغلبهم مسلمين... الله يعطيك العافية أخوي مشاري على هالطرح الجميل وإعذرني لأني ما أوفيت الموضوع حقه...

الله يعافيك اخوي برنس

لا والله ما قصرت يكفي انك تأثرت بالموضوع وهذا اللي كان ودي اوصله