|
||ترفيه وَمسآبقآت مَرَح ، تسلية ، مسابقات ، فعاليات .. الخ |
|
أدوات الموضوع |
08 / 08 / 2002, 08 : 01 AM | #1 | |||||||
وئامي جديد
شكراً: 0
تم شكره 0 مرة في 0 مشاركة
|
قبل ماتسافر00000الجزء الثاني0
إذا كانت رحلتك عزيزي المسافر بالطائره , نأمل منك التقيد بالبنود الآتيه , حيث ستساعدك بالوصول سالماً الى مبتغاك : * شيك على جوازك وضبط الفيز والحركات هذي قبل بشهر ... وجهز الشنطه .. أهم شي الشنطه جهزها وحط فيها كل اللي براسك ... مثلاً : ورق بلوت .. زنوبه .. مكينة حلاقه ... دلة قهوه ... لاتستحي حط اللي في بالك لأن بلاد برى غاليه مره .
* قبل ماتروح باسبوع دق على شركة الاتصالات ( وانتم بكرامه ) وخلهم يعممون جوالك . هم بيقولون لك عممناه لكن لايهمونك ,, كل يوم دق عليهم وقل لهم يعممونه الى يوم الرحله ,,, لأنهم وبصراحه لهم سوابق . * قبل الرحله بأسبوع رح ارتز عند الخطوط في المروج من الساعه 8 صباحاً , وأشغلهم الى أن يقصون لك البوردنق ,, واذا صرفوك لايهمونك اللي يصرفك رح لموظف غيره ,,, قلت لك انشب لهم الى ان يعطونك البوردنق ويقولون لك لا عاد تسافر معنا . * خذ معك أكل مايخرب : مثل بعض انواع الحلويات : توكس , كيت كات , مارس . * خذ معك باللطو أسود سواء في الصيف أو الشتاء .... مدري ليش ياخذونه خذه وبس وحطه على كتفك زي البشت . * يوم الرحله قم من النوم الساعه 7 الصبح . وخذ لك لفه في حارتكم وودعها .. يمكن تروح وتجوز لك الجلسه هناك وتسحب على الحاره ..... أو يمكن تطيح الطياره . * هذا اليوم لاتطلع من البيت أبد بعد لفة الحاره ,,,, خلك عند أهلك وعيالك واللي يبيك يجيك . * نفرض أن رحلتك الساعه 10 ليلاً ,,, خلك ثقل لاتروح للمطار الا 9.30 علشان موظفين المطار يقولون ذا ماشاء الله عليه متعود على السفريات . * لاتطلع مثل بعض القراوى ... أول مايوصل للمطار يستلم البوفيه علشان البيبسي بـ 3 ريال , خلك ثقل واذا أزمت لاتاخذ الا كبتشينو ولاتخلصه .. اشرب نصه بس ! * لاتسأل عن بوابة الرحله وخلك واثق من نفسك على أساس انك كل مابغاك أحد لقاك في المطار من كثر السفريات . * إذا ركبت الطياره لاتطلع مثل هالقراوى أول مايركب يربط الحزام ,,, لاخلك اثقل من كذا ... لاتربط الحزام الا اذا بدت تتحرك الطياره . * اذا كان مقعدك جمب الشباك ( الدريشه - الطاقه في بعض الروايات ) .. لاتحلم انك تفتح الشباك ولو لثانيه .. وذلك على أساس انك مليت من هالسفر الله يقطعه . * لو كان مقعدك في الدرجه الأولى ( أحلى يامطخطخ ) خلك ثقل ,,, ولاتصير مثل ذاك القروي اللي يوم جا المضيف يصب القهوه قام يصب عنه بحكم انه أصغر منه . * لاتطالع المضيفات وترقمهم مثل مايسوون بعض هالخبول ... لأنك لاحق على البنات . * طبعاً أكيد أنك في بداية الرحله بتشوف هالحريم متحشمات ولكن بعد الاقلاع بربع ساعه بتشوف علوم سفره ... رجاء أمسك أعصابك . * خلك مؤمن بمبدأ ان المضيف وضع لخدمتك وذلك عند وضع المضيف أو المضيفه الأكل خلك طبيعي ولاتقول أي كلمه , ( مثل أكرمكم الله ,, تفضل معنا ,,, عساها دايمه ) لأنك دافع فلوس . * أثناء الرحله أكيد بتسمع صياح مبزره ... لاتقعد تتلفت وكـشر وانت في محلك ومافي مانع انك تكح علشان يفهمون أهل المبزره . * اذا كانت الرحله طويله قد تحتاج الى جرعات من النوم ... فإذا كنت من أصحاب السيمفونيات أثناء النوم رجاء خاص ( أنثر ) كل البلاوي اللي في أنفك ( خشمك بس بالفصحى ) ... وحاول ماتنام الا بعد ينام كل اللي حولك . * أما اذا ماجاك النوم ... لاتفشلنا وتلعب كمبيوتر ... حط لك فلم وتابعه وهز راسك على أساس انك فاهم . * اذا كان اللي بجمبك حرمه ( وهذا حاصل كثير ) .. سو نفسك ثقل ولاتطالعها ولاتعيرها أي اهتمام الا اذا هي كلمتك ,,,, لأن البنات شايفين أنفسهم علينا هنا بس ,,, واذا طلعوا برى شكل ثاني ,, والله عيال عمي قايلين لي ! * اذا طفشت مره من الرحله أطلب من المضيفين ورقه والعب انت واللي جمبك اكس أو . * اذا طفشت مره مره .. ولا الاكس أو نافعه ... كل تبن وعض على شحم الين توصل رحلتكم . نتمنى لك سفراً سعيداً وعوداً حميدا |
|||||||
|
||||||||
11 / 08 / 2002, 08 : 02 AM | #2 | |||||||
عضو شرف
شكراً: 0
تم شكره 0 مرة في 0 مشاركة
|
هلا بالمهستر .... ماشا الله .. هذا الجزء الثاني ...
بس باقي البحر ... ياليت نشوف الجزء الثالث .... بس بصراحة نصايحك فانتاستك أوي ... :D تحياتي ياغالي |
|||||||
|
||||||||
12 / 08 / 2002, 25 : 01 AM | #3 | |||||||
وئامي جديد
شكراً: 0
تم شكره 0 مرة في 0 مشاركة
|
مشكووووووور00000000
وانشاء الله نشوف الجزء الثالث0 تحياتي الغالي0 --------------------------------------------------------------------------------------- |
|||||||
|
||||||||
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
قبل ماتسافر00000الجزء الثالث0 | مهستر نت | ||ترفيه وَمسآبقآت | 1 | 13 / 08 / 2002 00 : 12 AM |