أبوعباس وأم عباس حراج السيارت لشراء سيارة لعباس

أبوعباس وأم عباس حراج السيارت لشراء سيارة لعباس
أبوعباس وأم عباس
أبوعباس ياالله صباح خيراإشبوا هاد الرجال اليوم تعبان ولا إيه عسي الظغط ماأرتفع عنده يالله تسترأبو عباس أبو عباس أ يوه ياهوه أم عباس قوم الصبح أذن قوم صلي أبوعباس طيب
طيب يا أم عباس حاضر حاضر لا تنسي إدا صليت روح جيب معاك الفول لاتجيب من( عليته)
جيب من عند (ابومكرم ) فوله طيب ولزيز ولاتنسي الهريسه سامع .
أبوعباس طيب طيب سامع والله سامع .
أبوعباس خليه يحط عليه طحينه تكفا ياقمري يابوعيالي ويارجلي وأهلي وناسي.
الله الله إيش الكلام الحلوا علي الصباح خير إنشاالله أكيد وراها حاجه
أوه يايابو عباس إنت كده دائما ظالمني .
ياالله سلام عليكم يارب .
مع السلامه لاتنسي التميس أبو السمن فاهم .
إنشاء الله .
وينزل أبو عباس للمسجد ويصلي الصبح ويروح يقضي مشاويره ويشتري الفطور ويرجع الساعه السابعة صباحا .
ويدخل دحم دحم ياساتر أدخل يابو عباس وأي هوه في أحد غيرنا ياالله .
أم عباس إيشبك أتأخرت والله وغوشتني عليك قلت قلت إيشبه الراجل ماهي عوايده يتأخر. أبواعباس بس ياهوه هوأنا صغير أم عباس أنا قلت لك من زمان خد جوال إشتري واحد ما نته راضي .
أبوعباس الله وكبر علي الصبح خلينا نفطر لاتنكدي عليه هوه أنا بزره أحطلي جوال هيا بلا مسخره روحي الله يهديكي روحي جيب الفطور .
أم عباس حاضريارجلي أبشر .
أبوعباس أسمعي سوي شاهي ربيع فاهمه وحطي عليه العطره .
أم عباس حاضر.
أبوعباس ياأم عباس ياهوه تعالي أسمعي.
أم عباس نعم نعم ياخويه أمرك.
أبوعباس حطي الفول وحطي عليه السمن البري وحطي فوقه بصل وحطي فوقه جمره حمراء يعني فول مكمور فاهمه وانا أكشف الغطا حقه .
أم عباس حاضرتعمل اللازم ويفطروا سوي وعلي الفطور.
تقول أم عباس أبوعباس ممكن تلبيلي طلب ياأبوعباس .
أبوعباس أنا قلت الطيبات هادي وراها طلبات الله يستر.
أم عباس والله طلبات سهله جدا الله يخليك ليه ياقمري ياسعدي .
أبوعباس أيوه كلي بعقلي حلاوه هاه إيش عندك قولي.
أم عباس نبغي نشتري سيارة لولدنا عباس .
أبوعباس سيارة وهادي ماتكفي إلا عندنا بسوي جراج سارات عندنا هنا ولا إيه وتلقي السيارات غاليه وسعرها فوق كل واحد يحط الرقم إللي هوه يبغاه هدول الشريطيه الله يعين عليهم بس يصف حوالين السيارة وكل واحد يزود من عنده عشان خويهم يبيع سيارته والمسكين المشتري يكع فلوس ولا واحد يزود هم شله مع بعض يسووا هادي الحكايه من الظهريه إنت حرج وحنا نزود إللين يطب الضعيف إللي ماسمت عليه أمه.
أم عباس الله يخليك هوه كم عباس عندنا كل يوم واحد من زملاه يوصله والله يقول يامامه ماعادليه وجه أكلمهم بالله عليك ماتكسر بخاطر الولد خلاص كلها كم يوم ويدخل الجامعه عقبال مانفرح بزواجه .
أبوعباس إيه الله كريم ياأم عباس إيوه إنشاء الله اليوم في العصر نروح ندور علي سيارة حلوه كدا علي قد الحال ربنا يسهل .
أم عباس الله كريم إيش تبغانا نسوي أليوم الغدا أكلة الظهريه .
أبوعباس خلينا نهضم إللي أكلناه بعدين نفكر في الغدا.
أم عباس أسوي سليق ولا معدوس الجوابارد ورايق يستاهل أكلت معدوس .
أبواعباس حلوا والله حلواكتير ولاتنسي الحمر والسمن البري عليه وتحطي الجمره عشان يكون مكمور وريحته حلوه .
أم عباس طيب أبشر جيب معاك كرات وجرجير عشان الشغل يزبط ويش حكاية المكمور معاك.
أبوا عباس مشي حالك حلوا المكمورطيب حاضرإنشاء الله أجيب المطلوب .

في العصريـــــــه يخرج أبوعباس وإبنه عباس للحراج
يمروا أول معرض ماعجبهم شي وثاني ولاقووا لمه من الناس علي سياره سيارة تعتبر لابأس بها
المحرج يصيح أفتح الباب عشرة ألأف عشرة وخمس مائة خمسة عشرالف عشرين الف أحديزود أبارك له هاه ياعم تشتري .
أبوعباس نفحصها طيب يمكن فيها شي السيارة . المحرج تفحص شوف ياعم سيارة مفحوصه من الصدام لي الصدام لاتروح ورا ولا قدام يعني أبيعك رزفي المويه حليب في المويه شاهي ف حليب سكر في مويه فاهم لا أفهمك مره تانيه ,
أبوعباس هب الله وكبر عليك كيف كيف ماتروح السيارة ورا لاوقدام خاف الله ياشيخ هوأنا بعطيك فلوس ممسوحه وراء وقدام ومزوره ولا أديك حجار عساك بحجره في رأسك.
المحرج الله يسامحك إنت قد أبويه ماحرد عليك تبغا تشتري أهلا وسهلا ماتبغا خلينا نشوف زبون غيرك لالا شوف زبون غيري .
حمزه أبوا عرب صاحب أبواعباس لقيه بالصدفه في الحراج يشكوهمومهم لبعض.
أبوعرب هلا أبوا عباس هلا . حمزه إيش شايل طاجن ستك فوق رأسك . أبوا عباس ياشيخ محرجين زي اللهم علي اللقلب يغشوك ويأخدوا فلوسك قال ماتروح ورا ولا قدام قال.
أبوا عرب إيش هادي حرمه أبواعباس هيا إنت التاني فايق ورايق حرمه إيه سيارة .
أبوا عرب أقلك أسمع كلامي وأرميه في البحر . أبوا عباس إيش هوه ألحقني بيه تكفا الله يخليك.
أبوا عرب أشتري سيارة جديده طيب علي يدك لكن غاليه ونار والتقسيط نارين ياصاحبي.
أبوعباس طيب تكفلني . أبواعرب أنا والله كافل واحد تاني ماتزعل غالي والطلب رخيص.

أبواعباس بالله يابواعرب مايشوفوا صرفه في السيارات القديمة. أبوا حمزة يعني إيش تبغاهم يعملوا فيها يرموها( يكهنوها) يركنوها علي جنب لأنها ماتصلح للأستعمال .
أبوا عباس أيوه حاجه زي كده موو أحسن . أي سيارة موديلها قديم لحد موديل (1990) يركنوها
وإذا نزلت الشارع يسوي غرامه علي سائقها أكتر الحوادث إللي بتحصل من السيارات الخربي هادي المهرتكه. ماني عارف ليه ما يصدروا نظام بهذا الخصوص.

أبواعرب ماهوا همه معتمدين علي الفحص الدوري . أبوا عباس فحص الدوري كله واسطات تعرف لك واحد تمشي أمورك ولوكان السيارة من عام اللفيل الله يستر من أخرتها هادي السيارت سرعه وسيارت خربانه حوادث مئه بالمئه.

أبوا عرب أقول أبوا عباس روح لصاحبك حميدان أبوا عزيزياشيخ عارفة عسي يوافق يكفلك تراه رجال نشمي ومايقصر ولد ديره وحموله ينحط علي الجرح يبريه بس لايكون كافل واحد تاني.
أبوعباس يروح لأبوعزيز ويطلب منه الكفاله ويوافق أبوا عزيز ويشتروا السيار ة بالتقسيط المريح ويفرح عباس فرح شديد ويأخد أبوه وامه للنزه للبحر ومعه أخواته البنات مع تحيات
أبوا عباس وأم عباس في حلقة جديد بثوب جديد
المخلص

أخوي المخلص .. روووووووعة ... والله ممتاز ...

بس الله يهديك .. شهيتنا بالفوول والسليق ... :D

لابجد والله ... محاولة ناجحة ومحبوكة كويس ياخويا ... :D

بس عندي طلب زغنونو ... ياليت تخطر مسافة بين كل سطر وسطر ..

من شان تكون القراءة مريحة ...

تحياتي لك يالمخلص .... وفي انتظار جديد عائلة العباس ..

شكرا بالله صحيح كويسه يعني نستمر
يسلمي ياك يابوا سمرة عشان فيه شباب مايعرف كيف ينعمل الفول حق أيام زمان وناسه والله ألأكل كان وناسه وذوق يعني تأكل يعني تاكل الله يديم النعمة المخلص

ياي ايش هادا الهرج اللي يسر الخاتر عن جد روعه يااخويا :D

استمر وحنا من وراك <<<<<<<< حاشا حرب ..

ماشي ياأردينا ماشي يابنت الناس الله يحفضك بس ماقلت إيش رأيكم في طرح موضوع السيارات الخرده ماهوا موضوع يستاهل النقاش فيه وكمان وضعت له حل وهوه تركين السيارات الخرده .
بصراحة ملينا حديث عن معاكسة البنات ومشاكل الشباب أنا أعتبره كلام عاف عليه الزمن بصراحة لازم نتحدث عن مشاكل أخري بقالب كوميدي جديد عن مشاكلنا ألأجتماعية وأن ماحزعل من النقاش بس بدون تجريح ومصخره قولوا لوسويت أوا قدمت كدا علي كدا يعني يكون النقد هادف واضح تري ماأزعل يابعد روحي كلكلم المخلص