اتعبني الحلم لين الواقـع انكرنـي // كني مسكت الفرج بيـدي وهديتـهـ

اتعبني الحلم لين الواقـع انكرنـي = كني مسكت الفرج بيـدي وهديتـه
مافي داعي على فرقـاك تجبرنـي = حتى الجفا منـك ولعنـي وحبيتـه
الجـرح عـدا زمانـه لاتذكرنـي = هـذاك وقـت تعذرتـه وجافيـتـه
لوشفت دمع القصايد كان تعذرنـي = تصور ان الشعر يضحـك وبكيتـه
ماغيرونـي ياكـود الله يغيـرنـي = كم واحد عنـك يبعدنـي ورديتـه
وفيـت و ادري وفايـا مايصغرنـي = صوبت يم الهدف لاكنـي اخطيتـه
من طار سرب الغلا والشوق طيرني = شف ماعلى الارض واحد ماتعديته
خذني على صدرك الدافي و سيرني = بعض الولع ياخذ الرجال من بيتـه
ابنشغـل فـي عيونـك لاتدورنـي = ودي بشي اشوفـه مابعـد جيتـه
خليت قلبـي معـك والله يصبرنـي = مبطي وانا اقول قلبي ويـن خليتـه
نسيت اعلمك .. طيفك جا يسهرني = بس انت ماشفتني وشلون ضميته
اشتقت لك مابغيتك عـاد تشكرنـي = تغيب والشوق ماعمـري تباطيتـه
ماخذ على خاطري والبعد قاهرنـي = مدري شسوي وانا كل شي سويته
العام يوم الوعد تسبـق وتنطرنـي = مستغرب شلون هالموعد تناسيتـه
وين انت رايح ولا كنـك معبرنـي = ماكني الـي علـى العالـم تمنيتـه
لاصار هذي علومك راح تخسرنـي = ماعمر احد راح من كيفه وناديتـه
عند الكرامه ابيعك وانت خابرنـي = الله وكيلك ترى كـل شـي مريتـه
وكانه هجر بالسلامه روح واهجرني = اخـوي لاصـد عنـي ماترجيتـه

//

//

عطا الله الفرحان

.
.
.

بسم الله الرحمن الرحيم


ســــــــــــــديم

السلام عليكم ورحمة الله وبركاته




بيض الله وجهك
وصح الله لســـــــــــــــــــــــــان الشاعر

اختيار راقي وذووووووووووق عالي معهود منك

بارك الله فيك وفي جهووووووووووودك
والله يعطيك الصحه والعاااااااااااااااافيه




اخوك

حسام الشعر

من طار سرب الغلا والشوق طيرني
شف ماعلى الارض واحد ماتعديته

خذني على صدرك الدافي و سيرني
بعض الولع ياخذ الرجال من بيتـه


فعلا ... بعض الولع ياخذ الرجال من بيته

اختيار حلو وسديم أحلى

تسلم اياديك ,,,

اختيار موفق
سديم .. يعطيك العافيه

وعليكم السلام ورحمة الله وبركاته

صح بدنك .. ابو ابراهيم ..

الله يسلمك و يعافيك

شكراا للمتابعه
.
.
.

تحلى ايامك .. ابو خالد ..

يسلمك ربي
.
.
.

الله يعافيك .. ملكة الاحساس ..

شكرااا لمرورك
.
.
.

؛.


آمتاع جميل ..


سديم ..





دمتي متميزه ..



؛.

تسلمين .. زهور الغرام ..

حضورك غيــــر

شكرااا للمتابعه
.
.
.