متطلبات الكشته .... من ـــــــــــــ إلى ......

بسم الله الرحمن الرحيم
السلام عليكم ورحمة الله وبركاته
متطلبات الكشته
الخيمة ومستلزماتها:-
( أعمده – أطناب- اوتاد – أروقه– ذرا شراع - أشرعه زرقاء بلاستيك – فرشة مع مراكي - حبال – ماطور كهرباء مع الأسلاك واللمبات – فأس – منشار – كريك – مسحاة - مطرقة – ملقاط – ذراية حديد – لي ماء + حنفيه- ترمس ثلج (حافظة) – جراكل ماء+أباريق وضوء + حطب + فحم ـ ماء زياده عن الحاجه ــ صابون ــ ليفه تنظيف
السيارة ومستلزماتها :-
( مفتاح احتياط للسيارة - ماطور هواء + عيارهواء – اشتراك – كشاف –واير سحب او حبل قوي- عدة كاملة - محول كهرباء من بطارية السيارة – لمبة على بطاريةالسيارة – صيدلية - خرائط خاصة بالرحلات البرية – قارمن+كنود-– دربيل – سلاح شخصي – كمرة فيديو+محول كهرباءــ جركل بانزين احتياطي
– التأكدمن وضع السيارة :-
الزيت + الماء + هواء الكفرات + ليات الماء(الخراطيش)+ البطارية+البنزين ) .
عدة القهوة والشاي :-
( دله قهوة + ملقمة قهوة + ليفة دله– أباريق شاي أحجام – إبريق تفويح - إبريق حليب – بيزه (جمع بيز) وهو الواقي من الحار – كبريت + مكعبات – مركب – محماس + نجر_ طاسة أوسطل- قز وبرميل غاز ولي ومحول- ترامس شاي وقهوة ـ بيالات وفناجيل ـ كيسان ورق ) .
طلبات القهوة والشاي :-
( قهوة – هيل – زعفران – مسمار – تمر – شاي – سكر – نعناع وحبق – زنجبيل – حليب + شابوره ) .
عدة الطبخ :-
( قدر كبير + ثلاث قدور صغيرة – ثلاثة صحون – مقلاة - ملاسة - سكاكين – مسن - ملاعق – مفتاح علب – صابون لغسيل الصحون - صابون يد – ليفه مواعين + أسفنجه – صحون بلاستيك + أكواب + سفره – قصدير-اكياس نفايات )
طلبات الطبخ :-
( رز – مكرونة – بهارات – زيت – لحم أو دجاج أو سمك – بصل – طماطم علب – طماطم طازج – ملح – ليمون أسود – فلفل أسود- بهارات مشكله – طحين – عسل - سمن– زبده – ثلج+ ماء بارد – فاكهه – معلبات + خبز )
طبعا وأهم شيء الرفاق الصالحين
واذا فيه شي ناقص علمونا

منقول ........................ تحياتي

يا روحححححححححي على الكشتات والطلعات والمخيمات .. هي متعة الحيــاة


أبوبــداح موضوع جميل وهالمتطلبات لازم نطبعها وقبل نروح للطلعات نشيك من خلالها..

وهذا الموضوع لعله يدعم الكشتات بعد ليتك تشوفه يا بوبداح :

http://alweam.net/vb/showthread.php?p=482784#post482784


وتقبل تحياتي
.
.
.

ذكرتني بطلعات البر الله يسااااااااااامحك يالبداح

ما اعتقد انه ناقص شي 00 ما شاء الله عليك ما خليت شي

كفيت ووفيت 00

تحياتي لك00

مخاوي القمري


نزلت موضوع اسمه
00 كيف تعرف الاتجاهات في الصحراء


والحين نزلت موضوع اسمه
00 متطلبات الكشته



تدري ليش؟؟


االان حنا في بدايه الصيف
والناس تطلع كشتات والناس تخيم وتستانس


واللي يحب يطلع البر

لازم يستفيد من الوئام ومواضيعه ويذكرونا بالخير

وانا حريص كل الحرص على المواضيع اللي زي كذا






وإن شاء الله سوف انزل كم موضوع يدعم عشاق البر والكشتات


تحياتي لك

	المشاركة الأصلية كتبت بواسطة لافندر

	ذكرتني بطلعات البر الله يسااااااااااامحك يالبداح ما اعتقد انه ناقص شي 00 ما شاء الله عليك ما خليت شي كفيت ووفيت 00 تحياتي لك00

الله يسلمك ياخيه


اشكرك على المتابعه والاطراء


تقبلي خالص تحياتي

..


الكشتاااااااااااااات

وما ادراك مالـ ........


نفسي ومنى عيني اكشت مثل هالعالم والناس

هههههههههههههههه



موضوع جميل اخوي البداح

الف شكر لجهودك


.

بسم الله الرحمن الرحيم

البداح

السلام عليكم ورحمة الله وبركاته


الف الف شكر على هذه المشاركه المميزه

بارك الله فيك وفي جهودك
والله يعطيك الصحه والعافيه

تقديري واحترامي


الحســــــــــام

اضواء



ليه ماتكشتين مثل العالم والناس


إذا ما أحد وداك نروح انا وامي وتطلعين معنا


هههههههههههههههههههههههههههههههه


اسعدني تواجد سيدتي

الحسام


اسعدني تواجد


واشكرآ على المتابعه


تحياتي

هلا البداح
هههههههه الله يسامحك بردو على الرحلات للبر
والله نفسي اروح رحلة