مانسيتك ......

جمّـع اللـي ودك تقولـه وبعثرنـي عتـب
الملامه شي عـادي دامهـا منـك وجـاي



أنت تامر وأنا ألبي مـا تبـي بليّـا سبـب
بس كان لجيّتي خاطـر تلبـي لـي رجـاي



رجوتي لا تلحق اعيونـك مشاريـه الهـدب
لا تضايقـه بدموعـك والتفاتتـك وخطـاي



كل شي الا دموعك واعرف انك من شطـب
صفحة الطيش بحياتي وابتدا صفحة شقـاي



سق فديتك كل ما تملك من جنون وغضـب
وابشر بصدرٍ يضمك حيل دام انـك هـواي



ولا رويت عتاب ناظرني وقل طاح الحطـب
واسأل شرايك وابنسج لك من الأعماق راي



باتناثر لك رضا واحساس صادق مـا كـذب
وأنت رتّبني على كيفك وشكلنـي برضـاي



وان تلعثم حضورك ثم نطّقني لـك تعـب
حاول انك تسمع أشواقي وسط تنهيـد نـاي



اسمع دموعه وقرّب لـي وقـرّب وأقتـرب
واسأل أعيوني عن طيوفك وقصتهـا معـاي



كيف كانت في غيابك فجأه تطري واغتـرب
اركض لمنفى خيالي وارمـي الواقـع وراي



اوجدك ما بيني وبيني واسولف لك واشـب
ليلة حضورك قصايد تشتكي لك من عنـاي



آآآه لا منه بزغ فجـر الحقيقـه وانسحـب
طيفك اللي ساكن عيوني وضاقت بي سماي



وقتها ليتك تحس شعور من حظـه ضـرب
آخر آماله بعـرض الهـم والوحـده مـداي



اكتشف وشلون يموت الصوت برماح الطرب
لحظةٍ جيـت أتغنـا بـك وعاندنـي غنـاي



واكتشف كيف السهل فجأه يتحول لي صعب
لا نويت ابكيك ثـم أزريـت القابـي بكـاي



أقسم بربي وربك فينـي احسـاسٍ غصـب
كل كلي في غيابـك ينجـذب لـك ياهنـاي



ما نسيتك لو نسى التاريـخ أمجـاد العـرب
وما تركتك الا بين ضلوع صدري وبحشـاي



لأنك أكبر من غلا الشاعر لآخر مـا كتـب
ولأنك أقرب لي من سكوتي اذا عانق شفاي



ولأنك أول من تمكن بـي وعلمنـي أحـب
ولأنك الشخص الوحيد اللي يجي في مستواي



صاحبي جمع كلامـك ثـم بعثرنـي عتـب
والله أن كل شي عادي لا غدى منك وجـاي

للشاعر محمد السهلي

غلا تسلم أناملك

	لأنك أكبر من غلا الشاعر لآخر مـا كتـب ولأنك أقرب لي من سكوتي اذا عانق شفاي ولأنك أول من تمكن بـي وعلمنـي أحـب ولأنك الشخص الوحيد اللي يجي في مستواي

لأنك و . لأنك
سو الذي ودك تسويه سوه

ماينلام والله


كلك ذوق غلا

...

.

غــلا

مشكووره على تفاعلك ونقلك

سلمت اناملك وسلمتي كلك

وسلميلي عليك

	المشاركة الأصلية كتبت بواسطة ابوشجاع

	غلا تسلم أناملك

الله يسلمك اخوي ابو شجاع

نورت المتصفح بطلتك

ماعدمناك

	المشاركة الأصلية كتبت بواسطة wafei

	لأنك و . لأنك سو الذي ودك تسويه سوه ماينلام والله كلك ذوق غلا ...

تسلم اخوي وافي نورت الحته

وشاكره لك على مروورك العطر

تحيااتي

	المشاركة الأصلية كتبت بواسطة خلف الجابري

	. غــلا مشكووره على تفاعلك ونقلك سلمت اناملك وسلمتي كلك وسلميلي عليك

يسلمك الباري ويخليك لعين ترجيك ياارب

نورت المكان اخوي خلف

لا حرمنا تواجدك

تحياتي

	المشاركة الأصلية كتبت بواسطة 919245

	أنت تامر وأنا ألبي مـا تبـي بليّـا سبـب بس كان لجيّتي خاطـر تلبـي لـي رجـاي

الاخت الكريمه غلا سلمت يداكِ على هذا النقل المتميز
وهذا مما يدل على تميزك واختيارك الجيد للمواضيع الجيده
ومادام يأمر ويلبى الطلب بليا سبب مثل ما قيل اذا عرف السبب بطل العجب
طبعاً بيسوي اللي يسويه دمتي متالقه ياغلا

	المشاركة الأصلية كتبت بواسطة فتى الجميزه

	الاخت الكريمه غلا سلمت يداكِ على هذا النقل المتميز وهذا مما يدل على تميزك واختيارك الجيد للمواضيع الجيده ومادام يأمر ويلبى الطلب بليا سبب مثل ما قيل اذا عرف السبب بطل العجب طبعاً بيسوي اللي يسويه دمتي متالقه ياغلا

فـتى الجـميزه

تسلم أخوي والتميز هو مروورك هنا

والتألق وجودك في متصفحي

ماننحرم اطلالتك ياارب

شكرا لك