يبي يخطب ويتشرط ؟؟ يبي وحده شعرها طويل

اسمعوا اذا جاء احد يخطب من اهم شروطه ويعتبر من الاساسيات ابــــــي
وحــــــــــده شعـــــرها طويـــــــل!!!

ومزعج أمه ومفشلها من تدخل بيتهم وهي تناظر شعر البنات
تقل ما قد شافت شعر في حياتها .

مع انهم لو يقارنون بين محاسن الشعر القصير والطويل لكن راح ترجح كفة الشعر القصير.
(( لا تطيرون عيونكم علي ... ايه نعم الشعر القصير فيها شيء))

اثبتت الدراسات التي اجريت من قبلنا ان للشعر الطويل مساوئ جمه :

1- تستهلك اسبوعياً شامبو. يعني تحدد ميزانيه لنظافة شعرها ولمعانه وحيويته ، يعني لو خشن اضف للقائمه بلسم ومنعم وزيت وخلافه...
((وش ملحنا حنا الشامبو يقعد عندنا شهرين مانأثرعلى الميزانيه))



2- تستهلك كميه كبيره من المياه اثناء غسل شعرها
تقعد تبربس في هالمويه وتغسل هالشوشه مدة لاتقل عن ساعتين ان مازادت وتخلص المويه عن الحي وفي الأخير تأثر على مستوى المياه في المملكه ، وحنا دوله صحراويه وين ترشيد استهلاك المياه؟؟؟؟؟
(( أم الشعر القصير 10 دقايق وطالعه من الحمام ))


3- تستهلك كهرباء .. حط تحت هالنقطه عشر خطوط
تقعد تنشف في هالشعر وتستشور فيه 3 ساعات وتسحب من هالكهرب وعاد مايبيلها كلام فاتورة الكهرب من اصلها مملوحه من غير شعركِ
(( أم الشعر القصير 10 دقايق ومخلصه منشفه شعرها))


4- في المناسبات والاحتفالات ((الله يكون في عونك))
شعرها طويل وش تسوي فيه لازم تسريحه لاتقل عن 500 ريال
(( أم الشعر القصير مايحتاج تسريحه شعر مرتب ومصفصف ))

5- تتعبك نفسياً
يعني اذا جتك عزيمه وطاحت شعره من شعيرتها تقعد تنوح اليوم كله
وتقول(( نضـــــــــلـــــــونــــــــي )) وتصجك وتجرك وراها من شيخ لشيخ من غير عاد الفلوس اللي بتدفعها لزيت والمويه المقري فيها وغيروه
هذا اذا ماخلتك تسحب وجهك عند كل بيت وحده حضرت العزيمه ومعك طاسه مويه تخليها تنفث فيه( اللي ما يعرف هاالكلمة يسال عنها هندي في الشارع )
(( ويقولون نبي شعر طويل امحق ))

6- تتعبك جسديا
راح تلقى شعرها في كل مكان في صحنك وفي بيالتك وفي ثوبك
واخرتها بتطيح بالمستشفى يستخرجون الحصوه اللي في معدتك
ملاحظه:الحصوه شعرها تجمع في بطنك
(( جعلها تلفك بشعرها وتخليك مثل المومياء ))

7- لازم تسوي اشتراك سنوي مع احد السباكين
طبعا عشان تفتح المجاري المسدوده بسبب شعرها المصون
وتجيب خدامة تلقط شعرها .. وذا بتلقاه في كل زاوية ملفوف


وش اقول وش اخلي بلاااااااااااااااوي متلتله وبعد هذاكله
عساكم بتقولون يالرجال ... ابي وحده شعرها طويل؟


------------------
منقول بتصرف يشمل الزيادة والنقص

أختكم
بقايا الأمل

هههههه

بقايا فعلا تحليل سليم



يله خلينا نقهر الرجال زياده لانهم يموووتو في الشعر الطويل

بصراحة,.,

الموضوع ما أعجبني ,.,


طيب أقل شئ ,.,


طويل شوي ,.,

مو مرة ,.,


بس حلوة المقارنة مرة :D :D


شكرا أختي بقايا الأمل ,.,

لولوة القلب :
ماشاء الله عليك فاهمتني كويس .
نهريهم نهريهم ولايهمك .


ملجلج :
لا ماينفع مافيه وسط قصير يعني قصير والا يفتح الله ماعندنا بنات شعورهم طوال لقيناها خساير بعد هالحسبة الطويلة .:D

مشكلتنا انة دايم ما نختلف على الشكليات ونترك الاساسيات وهي المهم ومعدن الشىء اهم من شكلة والمهم انة يكون لسانها قصير مو شعرها
رأي شخصي.........وتحاياتي لبقايا الأمل على الموضوع والمناقشة حق مشروع بس ما يكون شخصي وانما يكون بصفة عامة ولصالح الموضوع لاستفادة الجميع وجايز اكون غلطان


تحياتي مرة ثانية(بقايا الأمل)

اخوي نمر 2002
حياك الله
ومعاك حق المهم اللسان القصير بس وين تجي هالوقت صاحبة اللسان القصير

ومع تآزر الرجال ضدنا لازم تكون السنتنا طوال علشان ناخذ حقنا منهم

مشكور اخوي والموضوع ترى مجرد مزاح لا اقل ولا أكثر .



الحقيني يالولوة القلب

أختي الفاضلة...............................بقايا الأمل
تحية عطرة بعد السلام
وش دعوى أختي خليتة مزح مو جد خفتي
على العموم كل شيء لة شريان والمرآة شريان الحياة وبدونها ترانا نحتاس ولسانها الطويل اذا كان في الحق تراة حياة البيوت والا المقص جاهز
وقال الرسول صلى اللة علية وسلم خياركم خيارهم لنسائهم
يعني حقكم مقدم على الباقي
ولولوة القلب عساها تفك نفسه.....خوفتيني عاد
تحياتي لك بقايا الأمل وسعيد بالمشاركة

هلا نمر 2002

حياك الله اخوي وشكراً .

لولوة القلب :p شوفي شغلك انا انتهى دوري :D

[c]بقـــــايا أمــــــل [/c]

[c]أنا شايفة إنه لا طويل و لا قصير..[/c]
[c]e]فخير الأمورالوســــــــــط [/c]
[c] [/c]