-( نداء الى كل )-

السلام عليكم ورحمة الله وبركاته :-

من اختكم فى الله -( ام محمد )- هذا النداء الذى ترجوا من الجميع الاستجابه لهذا النداء وبالذات الاخ -( جرب تحب )- الذى له الدور الاكبر والمشرفه فى هذا المنتدى -( شوق )- .
الى كل من يعرف شقيقي -( سامي الطيب )- ذلك الانسان الذى يحمل كل الحب والاحترام للاخرين يتوجه بالاتصال عليه هاتفيا وارجاعه الى اهله ارجاعه لامه التى زاد تعبها بسبب هجرته الى المغرب الى كل من يعرف -( سامي الطيب )- وكل من يعز عليه ويعتبر -( سامي الطيب )- اخ له وصديق حميم يسعى مشكورا باقناع اخي بالرجوع العاجل لانه لا يرد على اهله بالجوال نداء اطلبه منكم والدمعه تذرف من العينين مساءة ام حنونه على فقدانها ابنها الغالي .
رجوعي للكتابه فى منتداكم العزيز ليس لى حاجه فى نفسي لكن لبث هذا النداء واجعله بين ايديكم للمساعده .
شاكره ومقدره لكم جهودكم .
من اختكم فى الله -( ام محمد )- .

ام محمد

الله يعقله عليكم

و يرده لكم سالم و غانم


بس انتم اعذروه

يبي يشم هوا و يرجع


و الا يمكن يحب له مغربيه

المهم انا ما اعرف رقمه و الا اتصلت به


ارسلي لي رقمه على الايميل و انا اتصل به و اتكلم معه

بس اذا قال لي ما لك دخل وش اقول له؟؟

الله يرجعه لكم بالسلامه
بس وراه يكافي هج من البيت ؟؟؟؟

عسى بس منتب مزعلينه بشي؟؟؟؟؟؟؟

ترى المراهقين ما يجادلون خلوه على راحته وبيرجع ؟؟؟؟؟

ام محمد هلا بك من بعد غيبه اشتقنا لكتاباتك المثيره

ولكن لاتخافون علي سامي اكيد يبي يشم هوا حلو هناك

يمدحونه

يعني جو حلو وجمال الطبيعه ويمكن مثل ماقال ساهر

يمكن حب له بنيه هناك والله يقدم اللي فيه الخير

يمكن يتزوجها ويرزقه الله منها عيال وبنات

هو صغير بالسن!!! يعني مراهق؟؟؟؟؟؟

بس غريب اللي سمعت انه ماقد طلع من بريده

دوروه يمكن تحصلونه متخبي باحد الاسترحات عند الشباب

نفذوا له اللي يبي اكيد راح يرجع؟؟ وش يبي هو بالضبط

يمكن اساعده

[معدل بواسطة خالد بتاريخ 22-05-2001 عند 12:34 AM]

بصراحه انا تعاطفت مع المسأله
ورحمت الوالده

وياليت اذا تقدري ترسلي لي رقم تلفونه الجوااال
اذا هو معمم في الخارج
على ايميلي با سرع وقت
وبكلمه واتفاهم معه
وما يصير خاطرك الا طيب
حنا كم ام محمد عندنا

اختـــــــك رحايل

مرحبا أختي ام محمد
كيف الحال
حنا مانعرف ملابسات الوضوع ولاتخصتا
بس انشاء الله سامي يعقل ويرجع
الله يرده لكم بالسلامة
ويعين الوالدة ويصبرها

لاخت ام محمد ارسلي الجوال الى البريد الاكتروني الخاص بي
وان شاء الله سوف يرجع الى اهله عن طيب نفس
والسلام
الصارم
لانريده ان يمكث في تلك الديار طويلا

ام محمد

مساء الخير

وش صار معكم؟؟


للحين سامي مختفي؟


طيب للحين ما كزيتي لي رقم الجوال على الايميل

خليني اتصل به يمكن الله يهديه



الله يعقله عليكم



و معليش ولو فيها لقافه


هو ليش هج عن البيت

هل السبب منكم و الا من احد شباب المنتدى

طيب اذا السبب منكم وش ذنبنا حنا يحرمنا من مشاركاته

و اذا كان السبب من المنتدى وش ذنبكم انتم ينحاش عنكم؟؟




المهم الله يرده عليكم

الأخت أم محمد ..
بداية أعتذر عن التأخر في الرد ..
ثانيا : أقدر لك سبب طرح هذا الموضوع هنا .
ثالثا .. أنا كلمت الأخ سامي .. بالهاتف .. قبل أن تطرحي هذا الموضوع هنا ..
رابعا: أنا من خلال صداقتي مع الأخ سامي أعلم بأنه أكثر الناس حرصا على إرضاء والدته التي هي عنده أغلى ما يملك ..
خامسا : أم محمد .. سامي ليس بالولد العاق .. ولكنه بحاجة الآن إلى راحة نفسية بعض الوقت وسوف يعود إليكم بإذن الله ...
مع عتبي على الأخ سامي في التأخر بالاتصال عليكم إلى الآن ..
وإنني من خلال هذا التعقيب أناشد الأخ سامي .. بالاتصال على الأهل والإطمئنان على صحة الوالدة ... والعودة في أسرع وقت .

وفي الختام أتمنى لك التوفيق .. وللوالدة بالصحة والسلامة .. وأن يعود إلينا الأخ سامي .. اليوم قبل الغد .

أخوك : محمد .

السلام عليكم ورحمة الله وبركاته ...


ساهر الليل // شاكر ومقدر لك بس ياخوي انا عاقل ولاهو انت اللي تحكم على شخص ما تعرفه بالجنون وياليت اخوى يكون بيننا احترام اكبر احترام الرجال للرجال واكون شاكر لك ...


رحـــــايل // مشكوره اختى على كلامك بس ترانى اكبر مما تتصورين ولانى مراهق وياليت تثمنين كلامك واكون شاكر لك ...


خــــــالد// العقل ليس له حد معين بالسن وكما ماني مراهق وكيف تعرف انى ما قد طلعت عن بريــــده سبحان الله كلام افتراء هذا وانت ما تعرفنى كيف لو تعرفنى تنشر معلوماتي فى المنتدي مثل غيرك ما نشر معلوماتي فى الشآت السعودي ...


مجدولين // اكرر لكم انى ماني مجنون الله يسامحكم جميعا ...


الــصارم // شاكر لك كلامك الطيب والذوق الذى لا يصدر الا من اهل الذوق وصحيح حسن المنطق سعاده وياحظك بهذا المنطق الرائع ...


جــــــرب تحب // كيفك عيونى الموضوع هذا الذى نشرته الاخت الغاليه ((( ام محمد ))) جاب لي الاهانه من الاخوان والاخوات اللي فى هذا المنتدى للأسف ثم للأسف ... عموما عيونى ادخل الماسنجر احتمال تجد ((( ام محمد ))) وكلامها وتقل لها انى ســــامي يقول ماني راجع وسوف اتوجه لمصر وانا طيب وبالف خير ولله الحمد ماينقصنى الا رؤية الوالده الغاليه الحبيبه وباقي الاهل والاصدقاء والاحباب ... اخوي سوفى افصل جوالي واستخرج جوال جديد من دولة مصر العربيه وسوفى اتصل عليك واعطيك الرقم .. سلامي للأخت دانــــــــــــة وسلامي لشخص الغالي على وتقبل منى الف بوسه والف محبه ... مع السلامه


من ســــــــــــــ الطيب ــــــــــامي ...