لحالك ..!

السلام عليكم ..
عيدكم مبارك جميعاً وكل عام وأيامكم أعياد ..
أعتذر عن الغياب لظروف السفر والإتصال بالإنترنت لكم عليه ..

سلام الله على قلبك وعينك=على غنجك ودلعنتك ولينك!
على الليل المعتّق في جديلك=على الصبح المبهّر في جبينك!
تزلينه على هونك ويغفى=على طعم الحلا في شفتينك!
يا صبح العيد وإحساس الطفوله=عسى الله ما يقصّر في سنينك
لي أكثر من سنه قدام بابك=اولّع شمع خفّاقي بـ ( ايدينك )
وأقول إن شفت زولك جلّ ربٍ=خلق ناسٍ بطينٍ نفس طينك!!
اذا جينا لزين الخُلق زنتي=واذا جينا لـزين الخلق .. زينك ..
ينسّى كل خلٍ زين خله=وبالتالي يكثّر حاسدينك!
وإذا قلتي ومن باب التواضع=أنا مانيب حلوه .. قلت بينك ..
وبيني .. ما أنتي بـ ( حلوه ) ولكن=حلا الدنيا بكبره .. يستدينك!
لحالك .. ما لقيت أحدٍ شبيهك=ما غير إنتي لحالك .. تشبهينك!!
اذا جيتي .. جماهيرك درت بك=وإذا رحتي جميعاً فاقدينك
تجين وحسب ظنّك .. محد يدري=ولكن عاطر أنفاسك .. يدينك!
وانا من ضمن جمهورك .. وأحسّب=حسابي واحدٍ من معجبينك!
لو إنّي بعض الاحيان آتمنّى=يزين الحظ لي واصبح ضنينك!
ولكن لأن لي قدر في قلبك=ولي قامه طويله وسط عينك
احمد الله واقبّل راحتيني=واحمد الله واقبّل راحتينك!
وأقول إن مر لك ذكرٍ في بالي=عسى الله ما يقصّر في سنينك

صح لسانك أخوي محمد

كل عام وانتم بخير

رائعة من روائعك لاعدمناك

.


.

	اذا جيتي .. جماهيـرك درت بـك وإذا رحتـي جميعـاً فاقديـنـك

صح لسانك محمد السبيعي وتسلم يمينك


وكل عام وانت بخير بعد الزحـــمه تقبل خالص ودي لك



.



.

	لو إنّي بعـض الاحيـان آتمنّـى يزين الحظ لي واصبح ضنينـك!

اخوي محمد كل عام وانت بألف صحه وسلامه
وصح لسانك على هذه الرائعه
وربي انشالله يحقق لك امانيك

//

\\

محمد

بآلله عليك

آسآلك

لآ تكثر من هكذآ آبيآت

فوآلذي نفسي بيده .. آنهآ تآلمني !!

تشتتني وتبعثرني

تقتلني ثم تحييني ثم تقتلني ولآ تعود لتحييني ..

...

السبيعي محمد

صــــــــ ح لساااانك

وكل عام وانت بخير و صحهـ
.
.
.

الغااااالي محمد


كل عام وانت بخير


رائعة كان لي شرف سماعها قبل مصافحتها هنا

شهادتي بك مجروحه

ولكن والذي نفسي بيده

اني وددت ان تكون هذه القصيدة لي

عوضا عن كل تخاريفي

لله درك

كم حلقت بنا بعيدا في سماء الابداع

وكم تغنت بك طيور صبحي

وكم انت كبير ايها الراااااااااقي

اعذرني اخي العزيز

فقامة كقامتك تتقزم امامها الحروف

وتقف كل مفردات اللغه عاجزة عن ايفاء هذا الابداع حقه


لك مني اخي الحبيب

كل الحب

محمد السبيعي..
كل عام وأنت والشعر بخير..

صح لسانك ياسبيعي وصح إحساسك ونبضك..

حضور لمجرد الحضور ليس أكثر..
يبدو انني تشبعت شعرا وسحرا..
وكل من مر من هنا سيكون هذا حاله ياسبيعي..

	وإذا قلتي ومـن بـاب التواضـع أنا مانيب حلوه .. قلت بينـك .. وبينك .. ما أنتي بـ( حلوه ) ولكن حلا الدنيا بكبـره .. يستدينـك!

ليس تحديد اقتباسي هنا فكل أبياتك لا تحدد ولكن..
أدهشتني هنا ياسبيعي بجبر قافية البيت الأول..
ودمجها بصدر البيت الثاني..


صح لسانك لا أملك سواها..

أمنياتي..

,,


وعليكم السلام والرحمه


كل عام وانت نبض الوئام الخالد



صح لسانك الف ولايسدوون


قصيده يعجز الكلام لوصف مدىا روعتها


دمت للوئـــآم ودام عطــآئك



,,

لحـالك .. ما لقيت أحدٍ شبيهـك
ما غير إنتي لحالك .. تشبهينـك

اذا جيتي .. جماهيـرك درت بـك
وإذا رحتـي جميعـاً فــاقــديـنـك


يا سلام عليك محمد

فكّرت فكتبت فأبدعت بهذه الحروف الرائعة ,

نعم .. رائعة في تسلسل معانيها وحلاوة التصوير ,

صح لسانك وتسلم يمينك ,,,