أنـــــــــــــــواع الشباب ؟؟؟؟؟؟؟ مالي دخل

1- نوعية من الشباب تشوفهم في البيت غير وعند الناس غير
أبسط مثال
يافلان قم ود اختك المستشفى تراها تعبانه يقول هاه وش فيها مافيها الاا العافية بس اذا واحد من اخوياه تعبان يقوم يطير طيران علشان يوديه المستشفى لاا ويرافق معه

والاا يافلان نبي خبز واللي يعافيك جب لنا يقول ماعلي منكم عمركم مااكلتوا سون ريجيم وعند اخوياه يطبخ لهم لاا ويغسل المواعين بعد

2_ الملابس:
دولاب الملابس يشتكي من كثرها وما تشوفه الا بقميص واحد واتحداك يغيره ينام فيه ويقوم فيه ويصلي فيه ولايخلي أحد يغسله ، واذا جاء يطلع للسوق شوفوووه ساعه عند المرايه يعدل شماغه


3_ العجازين
وياكثرهم كثراه زي الرز ودي أشوف شاب يشيل عن اخته أو زوجته أو حتى أمه بعض الأغراض بالسوق الاا تلاقيه مطير عيونه بالبنات والضعيفه وراه تسحب أكياسها الوحدة تشوف المصريه واللبنانيه تحسدها على الذوق اللي عند رجالهم ما يخلونهم يشيلون شي


4_ اذا تبون تعرفون الشاب فوضوي والاا مرتب
هذي بسيطه شوفوا سيارته
تجيك السيارة وصخه كلها غبار من يوم شراها ماغسلها لاا ويقول هذي غبار الوكالة أمحق وكاله لاوكاله ولازفت الاا عاجز يغسلها لاا واذا شفتها من الداخل ماتدري وين تحط رجلك من هذي فروة تحت رجلك واسلاك وقراطيس وفصفص ومناديل وثلاجات الشاهي لها سنه بالسيارة وبلاوي كل وصاخة الدنيا داخل السيارة والاا ريحة الدخان اللي تدوخ الراس
لكن الشاب المرتب وهم قلة للأسف سيارته تبرق من النظافه تدخلها كأنك تدخل محل للعطور كلها نظافة وترتيب


5_ راعي الحق والواجب
مايخالف الحق والواجب لكن بحدود المعقول واحد يجيب لزوجته كل يوم ذبيحه ويالله اطبخي كل يوم طبخ ونفخ يعني الواحدة ودها تطلع مع زوجها وعيالها يتمشون وينبسطون وحتى اذا مااطلعوا يجلسون مع بعض يتناقشون ويتفاهمون مو كل يوم عزيمه
والاا الإستراحات رايح استراحة جاي من استراحه وبس هذي شغلتهم وياويلها اذا احتاجت شي ودقت على جواله تقطع عليه لعب الورق هذي مصيبه


6_ الدلع
بنت تدلع معقوله تنبلع بس ولد يتدلع ووووووووووه قهر
تشوف راسه ماتدري هو راس بنت والاا ولد تسريحات ماأدري من وين يجيبونها اللي فالق راسه من النص تقل ثور واللي مسويلي تسريحة بطل التيتانيك وهو يحوم الكبد يطلع شكله تقل هندي مايدرون ان الشماغ والغترة أستر لهم والله ان وسامتهم وحلاوتهم بها الشماغ اللي يستر على بلاويهم


7_ الشباب النصابيين
هذولا عد واغلط ياكثرهم يجيك الواحد يقول
يووه سيارتي ( الفراري ) اللي طالبها من برى تأخرت والله ماجت الى الحين اخاف ان عمارات نييورك طاحت عليها ..وهو زين ان معه ددسن
ما شفتوا جوالي هذا جايبه من دبي والله ....وهو شاريه من الحراج
ماتدرون اختاروني لاعب باالمنتخب بس اعتذرت لهم لأني مصاب والدكتور الزهراني يقول لاتلعب لمدة ستة أشهر .. والمشكله تلاقيه مايعرف ولا يشوت الكورة
لا ويزيد النصب اذا كان الطرف الآخر بنت


8_ المعصب
وهذا مسوي فيها شخصيه يدخل ينفخ ويطلع ينفخ يدور المشاكل دواره يحسب ان باسلوبه هذا يخوف الناس مايدري ان النوعيه هذي يكون بداخله انسان ضعيف


9_ الدلخ
هذا كل من هب ودب يضحك عليه
الاا في شي دايم يصير
يجيك الشاب وهذي دايما تصير باالمدارس والأسواق اذا شاف البنت تلفت وتدور اخوها أو ابوها وطاحت عينها بعينه كذا صدفه خلااااااااااااص حبتني
لا والاا اذا حكمت الظروف واضطرت تسأل أحد منهم سؤال دوره عاد يبدا وجهه يتقلب كل الألوان ويتخلبط وحالته حاله على باله ان البنت ( وقعت بدباديبه ) على قولة المصاريا
والله بلشه مايدرون انهم بها الأسلوب يخوفون الناس منهم


10_ المغرور
ماأدري بعضهم شايف نفسه على ايش شين وقوة عين
وأغلب اللي كذا يحس باالنقص ومن زود احساسه بالنقص يحاول يرفع نفسه عن الناس وما يدري ان من تواضع لله رفعه


11_ الضعيف
الضعيف ....... الضعيف والاا اقول مافيه ولا واحد منهم ضعيف كلهم ...



12_ راعي التفحيط
هذا اذا فتحنا راسه تلاقي مخه تقل جريش من كثر ما يفتر بها الشوارع لا يفهم ولا يدري وين ربي حاطه ماعنده ما عند جدتي



13_ راعي الطرب
وهذا ما يجلس بدون مسجل في غرفته الاستريو يشتغل على أعلى صوت قمه في الازعاج واذا طلع بسيارته الله يعين المسجل لاا ومركب سماعات اضافيه علشان يطلع الصوت صح اذا وقف عند الاشارة شوف ملامح وجهه متشقق من الفرحة كأنه مسوي انجاز


14_ راعي الأرقام
هذولا ساكنين باالسوق ماادري ماعندهم بيوت تضفهم 24 ساعة بالسوق وطابعين ارقامهم ماليين كرتون ويالله توزيع حتى بعضهم يذب الرقم على شغالاات وهم مايدرون تروح توري كفيلها الرقم شوف شوف بابا هذا هديه


15_ أبو راس يابس
هذا ماتقدر عليه يموت باالعناد تجيه باللين يشوف نفسه تجيه بالعين الحمراء كسر راسك وهذا ينفع معه المثل ( ابعد عن الشر وغني له )

16_ الحساس
وهذا واحد بالمليون تحتاج ميكروسكوب علشان تدور عليه بس اذا لقيته لا تفرط فيه لأنه ينشرى بالملايين

واااااااااخر نوع
من برا هله هله ومن جوه يعلم الله

هولاء هم اللى يأجر لك فياقرا ولا شبح ولا فكتوريا من سيارات الجخ
وان وقفته قال انا فلان بن فلان آل .. وهو تلقاه سلتوح مايدرين وين الله حاطه ولا إذا وقف عند الاشاره وانت جمبه رافع كتفه وتافخ نفسه وإذا كان اللى واقف جنبه جممس فيه بنيات محترمات ارقبته شوي وتنكسر وهو يناظر فيهم ويطلع هلمعروض ( الرقم بس يكون بخط كبير ) وحالته حاله ولا تلقاءه مأخذ سيارة خاويه بطق العصي علشان المظهر وهو ماعنده ماعند جدتي فوطه


طبعن يا اعزائى واخوانى هالموضوع للتسليه فقط لا غير يعنى مهب بعد كم يوم ينط لى واحد ويقول مدري وشو00لالالا الله يعافيكم بس وسعو صدوركم



منقول انا وخشتى

[c].................

....


هلابك طبرجل

كيفك ياقمر ؟


واخبار طارق واخوانه ؟
وعساهم بخير ؟


موضوع جميل ياطبرجل

واختيار موفق

وذوق رفيع منك


والحمد لله ان التصنيف هذا للشباب
ولالحقونا احنا يالشياب

حولينا ولا علينا يااارب






تسلم طبرجل


كلك ذوق


...[/c]

موضوع قمة في الروعه مختلف الأنواع لمختلف الشباب واللي يعاني من كل هالأصناف نحن معشر النساء ..

تقبل تحياتي اخوي ..

لالالا يا اخ طبرجل

انت غلطان علي واطلبك بالحق

يعني موضوع طول وعرض عن انواع الشباب ولا تتكلم عن الضعوف اللي زي حالاتي

دانا غلباااان
لا وازيدك من الشعر عشه
انا انسان حساس زياده عن اللازم
وسفطك لي يا طبرجل وللشباب الضعوف زيي سبب لي مشكله
===========================

مشكور يا اخ طبرجل على هذي المشاركه
والكلام اللي فوق ماعليك منه

بدون زعل
سلام

السلام عليكم


تسلم اخوووووي على هيك موضوع



الصراحه مدري ويش اقول غير

الله يهدينا ويهدي اخواننا الشباب




تحياااتي:D

تسلم طبرجل

بس عندي سؤال :D

ليش كله تكتب مالي دخل ولا محد يزعل:D

اهلييييييييييين سوهلين طبرجل شخبارك وشعلومك

عساك باحسن حاااااااااااااااااال

واخير واحد من الشباب نزل موضوع ...عن حقيقتهم

بس عجبني الشاب الدلوع

اكيد... لما يبي ياخذ مصروفه يقول.. بابي...فديت هالحيه.. عطني مصروفي.. واذا جا يزوج.. ينتظر ابوه الين يخطب له.. ويزوجه على حسابه...:D

اخي الوافي
أشكرك على السؤال و عاده من عوايدك
و أبشرك الولد والبنات بخير

أردينا
الله يعينكم ويعيننا على هالبشريه اللي الله أعلم إن أهلهم مايدرون وإن كانوا دارين الله يخلف

after dh
الله لا يجيب الزعل
يكفيني ردك

ساعي البريد
تسلم يالغالي ووش أخبارك عساك طيب

عاشقة البحر
مالي دخل = مو شغلي = ماني مسؤول

nana
أبشرك بخير و بعافيه
إنتي وش أخبارك
وبعدين لا تعممين الخير يعني عندك يخص و الشر يعم ما هكذا عهدتك

تحياتي





يكفيني فخر ردودكم يالالين
والزعلان حقه علي

هههههههههههههههههههه

تسلم والله يا اخويا طبرجل ع الموضوع الحلو والحساس دا

بس ما ادري كيف جاتك الجرأة تكتب موضوع في الشباب

انت متمرد خطير يا طبرجل


انا لما قريت عنوان الموضوع خفت اقراه لاحسن يطق لي عرق او يجيني العصبي

بس الحمد لله انه موضوعك كان عن اصناف من الناس تستاهل اللي يتكتب فيها

واللي يجمع اللي فوق كلهم دولا حاجة وحدة :

الغباء

يا ساتر عليهم اكيد الانواع دولا من الناس اغبياء

بس يا ترى هل دي هي كل الانواع ؟

ولو كل الانواع يقدر كل واحد هنا يقلنا نوعه بصراحه

اكيد لا كل واحد بيجي يقول شكرا يا طبرجل والله ما قصرت وكأنه الاصناف دي مالها وجود

ههههههه

بس المشكلة يا طبرجل انت فتحت عيون البنات هنا في المنتدى ع الشباب واخاف تستقوي عيونهم عليكم ونسمع عن حادثة وحدة بتضرب واحد هنا في مكان مستخبي ما حد بيروحه كتير واللي عامله نفسها قوية حتقول من اراد ان تثكله امه او او او فيلقاني في استراحة الاصدقاء

حتى البنات دخلوا الموضوع يتريقوا

وحدة تقول احنا المتضررين من دا كله

والتانية عجبها الشاب الدلوع

دنيا والله



ع العموم يا سيدي يا طبرجل موضوعك حلو وواقعي جدا

نتمنى انه الشباب يصحوا ويشوفوا مستقبلهم عدل

ويعيشوا واقع احسن من الوهم اللي يكونوا راسمينه لانه الاصناف دولا من الشباب بيعيشوا وهم نتمنى يكون وقتي

الشباب هم لبنة المجتمع وهم اللي عليهم الاعتماد في البناء

والعيوب دي في الشباب موجودة ولازم يتخلصوا منها

كلمة اخيرة لاي شاب يعاني من احد المشاكل اللي ذكرها طبرجل

الشاب ليس كالبنت ( حتقولوا اش دخل البنات ؟! بس كدا مزاج )

الشاب عليه تعلق امال كثيرة فيجب ان يكون شبابنا اهل للمسؤولية




تحياتي لك يا اخ طبرجل ولجميع المشاركين


الحجاج

افا يا طبرجل ما هقيتها منك تكتب موضوع تسب الشباب
احنا كلنا يد وحدة ضد البنات
ـــــــــــــــــــــــــــــــــــــــــ
ما عليك من الكلام اللي فوق
ومشكووووووووووور وما قصرت على الموضوع الجميل
_______________
الحج متولي اذا انت زعلان من البنات عشانهم تشمتو فينا ولا يهمك
اصبرلك كم يوم وانا انزلك موضوع فيهم اخليهم يطرطعون