آخر قصيدة

للريح للصمت لمواج البحر للهاجـس الغيـر=للورد لنفـاس عطـر الذاهبـة منـي تحيـة
للموت موت القلوب اللي عليها حامت الطيـر=والضحك له ضحكة اللي مات من ضحكه عليه
يارب بين الرجـا واليـأس دوحـة للمعاذيـر=لعشاشها لاغـدت مركازهـا صبـح وعشيّـة
ويا رب لولا الأمل مارحت أبعثر في الدساتير=وابحث عن اللي بعث فينـي متاهـات قصيـة
البارحة رحت اسولف لين ما قالت عسى خير=وامسيت مابين ذاك وذيـك والنيـران حيـه
وشعلت فيها سجاير لهفتي والكيـف تخديـر=خـدّرت ماكـان فينـي نبّهـتـه الشاذلـيـة
واليوم يوم السما تبكـي وتضحـك للنوافيـر=ببكي ليا من بكت وضحك معاهـا لـو حميّـة
مادام نعشي على بابي ومن خلفـي طوابيـر=ماهمنـي بوصلـك ياقبـر لاجـات المنـيـة
الموت موتي ونا مازلـت حـي بغيـر تأثيـر=والشمس ماهي بشمس إن كان ما للشمس فيه
والجرح ماهو بجرح إن كان في ميّت ولا ضير=والرمل مـا تتعبـه خطواتنـا روحـه وجيّـه
شبّهت نفسي بقاموس الشعر في شعر شرّيـر=الين ما صرت تكرهنـي الحـروف الابجديـة
واصبحت غربه بلا غربه على بابي محاذيـر=حتى القلم في يدي عيّـا وقـال المـوت فيّـه
يا نبتة الحزن والشارع دعـا كـل الجماهيـر=موتي قبـل لايجـون ويذبحونـك فـي يديّـه
موتي تريني ونا المشهور من بين المشاهيـر=أصبحت مجهول ولاّ الشعر لو لي فيـه نيـة
ماتقدر احروف شعري تاقف بوجه المقاديـر=لو كان تقدر لما طاحت على ايديهـم ضحيـة
أقدارنـا والقـدر ساعـة عقاربهـا تباشيـر=في كل ساعـة تسـوق لنـا عقاربهـا بليـة
أليـن مـلّ الشجـر منـا وملتنـا التعابيـر=وصرنا قصايد ورق ووراق مكسـور الثنيـة
يارب والشارع المظلـم ورى بيتـي دحاديـر=أحاول اهرب ولاقي فيه سبعيـن الـف حيـة
ون كان يارب موت السنبلة يحـي العصافيـر=المـوت للسنبلـة يـارب موتـه سرمـديّـة
ولا صار همس السكون تعكره همس الشحارير=يا كيف همس ابدوي بالشعر لعيـون ابدويـة

سعيد الثقفي(السعيد)23/10/1425ه

السلام عليكم



اخي العزيز
السعيد2



قصيده جميله











تقبل خالص تحياتي

يا نبتة الحزن والشارع دعـا كـل الجماهيـر = موتي قبـل لايجـون ويذبحونـك فـي يديّـه

أخوي الغالي ( السعيد2 )
هلا والله وغلا ومرااااحب فيك
والله يعطيك الصحه والعافية
كلمات معبره وقصيده عذبه كعذوبة الإبداع الذي تعودناه منك أخوي
رااائعه كما هي روعة تواجدك معنا بقلمك الجميل
راقيه كرقي الإبتهالات والآمال التي تحيي الأمل وتضمد الجرح
لاهنت وصح لسانك ودام إبداعك وسلمت يمناك
لاعدمناك ولاعدمنا إطلالتك الرااائعه
وتقبل مني كل الود؛

.


صح لسانك


والله يعطيك العافيه

	أخي عازف الناي السلام عليك ورحمة الله وبركاته أخي الكريم تكمن الروعة في تواصلكم وحسن تذوقكم كيف لي وأنا أمام عازف ناي محترف يمتدح حروفي أليس لي الحق بأن أقول الشاعر أنا وأنا الشاعر بقيت لنا وبقي لك الناي الذي تنفخ فينا من خلاله حب الابداع

أخي مشاري
صح بدنك
وشكرا على تواصلك