ذبحت نفسي من غلاه الله يرحم والديهـ // واللي ذبح نفسه بنفسه كيف تِدفع ديّتهـ .. !؟

/

عزاه ليت الصبر يشرى والله اني لشتريه = وياطي حالي من غرابيل الزمان وطيته
اثر الهوى يخلي الرجال ينسى امه وابيه = الا بري حاله وعزيله وممحق نيته
اثر الهوى يخلي الرجال ينسى امه وابيه = الا بري حاله وعزيله وممحق نيته
يصد عن بعض الوجيه ويشكي لبعض الوجيه = لاهل دمعه عند خلق الله وربي بيته
ياليتهم يدرون باللي في فوادي كلّبيه = كان اعذروني واتركو قلبي على سجيته
(مجنون خلقه ) وابتلاني واحدٍ حسبي عليه = جنيتي من يوم شفته عانقت جنيته
شرع بقلبي من يسار وقام يسحب مايليه = لرتحت من شلفاه شفت الموت من جنبيته
الله مسخّرني كذا والقلب في راحة يديه = قلبي معه بشهود ومعرّف على ملكيّته
الله مسخّرني كذا والقلب في راحة يديه = قلبي معه بشهود ومعرّف على ملكيّته
ماغيراراقب طلعته واقول يالله تهديه = عساه ياقع في محابيل الغرام وخيته
امشي معه كني سفيه وارجع معه كني سفيه = الله معنيني معه من بيته لكليّته
لاشفت زوله من بعيد وكل شبحي لد فيه كنه = يقول اني باموت ولا عَبر محميته
انشهد انه فالحلا والملح مامثله شبيه = كن الحلا في معصمه والملح في كفيّته
ابيه من قلبي ابيه وكل مافيني يبيه = لخطيت من حسناه راضي لو تجيني سيته
لو المطالب بالتمني دون كيف ودون ليه = كم واحدٍ لامن طلب تحققت امنيته
ياليت له اخٍ صغيّر واتعذربه واجيه = لاقال وش عندك هنا طلعت له عيديته
والله لعزّه وان تعثر قلت بسم الله عليه = ماهو لجل عين الصبي لجل عيون اخيّته
ذبحت نفسي من غلاه الله يرحم والديه = واللي ذبح نفسه بنفسه كيف تِدفع ديّته

/

سالم بن جخير

\

.

	والله لعزّه وان تعثر قلـت بسـم الله عليـه ماهو لجل عين الصبي لجـل عيـون اخيّتـه ذبحت نفسي من غـلاه الله يرحـم والديـه واللي ذبح نفسه بنفسه كيـف تِدفـع ديّتـه

قصيده رائعه
ماشاء الله عليك سديموه أختيارك للقصائد أكثر من رائع
الف شكر

سديم

صحي لسانك ولسان قايلها

قصيده اكثر من رائعه

واختيارموفق

تقبلي مروري

الله يعطيك العافية سديم

روعة

ابو فيصل / اجهلكـ / الاغر

اسعدني تواصلكمـ

شكراااا لكمـ
.
.
.

ياليت لـه اخٍ صغيّـر واتعذربـه واجيـه
لاقال وش عندك هنا طلعـت لـه عيديتـه

بصراحة عذر مدروس عشان الجيّة ..

يعطيك العافية سديم

ويسلم ذوقك ,,,

ناس تفكر صح

الله يعافيك .. ابو خالد

.
.
.

ههههههههههههههههه
ياحلاة الحب واصل لجميع افراد العائله الكريمه
ايه هذا الحب ولا بلاش

صح لسانه
ابيات راااااااائعه

يا ليتــهم يدرون باللـي فـي فــــوادي كلّبيـه
................................. كان اعذروني واتركو قلبي على سجيته
(مجنون خلقه) وابتلاني واحدٍ حسبي عليه
................................. جنيتي مـن يـوم شفتـه عـــانقـت جنيتـه

اي والله باين من قصيدته مجنون خلقه
ههههههههههههههههههههههههه
كلش الا الجنان تراه خطير ههههههههههههههه
صح لسانه صح لسانه
والله يكفينا شر الجنانوه ههههههههههههه

الله يلوم اللي يلومه ماقال الا الصدق

رائعه ياسديم
ماتجيبين الا الدسم
دائما اختياراتك في القمة
لاعدمناك اختي

اييه حب بالجمله

الله يعطيك العافيه .. شروق ..

//

هني و عافيه طارق

<< مأثر عليها الدسم

جنيتي مـن يـوم شفتـه عـــانقـت جنيتـه

اي والله مجنووون بن جخير

اسعدني مرورك .. طارق

شكرااا للاطراء
.
.
.