للبنات فقط ، أشوف ذكر داخل يا ويله

شوفوا يابنات الربع , أنا أدري انه في بعضكم متزوجين وأزواجكم متوهقين معكم .

كسروا خاطري الرجاجيل مساكين والله

الواحد يرد من دوامه تعبان ووده يلقى مرته مستنيته ومتكشخه له، آخرتها يلقاها يابكشتها وريحتها بصل ولا تو المدام ماشرّفت البيت بحضورها الكريم من الدوام

يا ياكل من يد الخدّامه ولا يتوهق في مطعم كالعاده !!!!!!!!

ولا يخمد بدون أكل وهو ماد البوز شبرين ونص , لا والمسكين على أمل انها تروح وتراضيه , وهي تقول في خاطرها


انشالله عنه لا أكل ولا طفح وفي الطقاق اللي يطقه

بس لاتنسون ياجماعة الخير يوم ( الخميس ) !!!!؟؟

بتسألوني ليش باقولكم

لأن يوم الخميس تروح الوحده منهم وتتملحس عند زوجها

وتقوله ودني ازور أمي ولا ودني السوق ولا خاطري أتمشى على الكورنيش واشرب شاي كرك عند بابو

طول الأسبوع مطلعه عينه المسكين ويوم الخميس تصير ملاك طاير بأجنحته ورايحه صوبه وهو شاق ذيج الابتسامه اللي يبرد لها الخاطر

ما طوّل عليكم هذا موقع لكم يالبنات عشان تتعلمون بعض الطبخات

وفي نفس الوقت للرجاجيل الملاقيف اللي يساعدون حريمهم في البيت وهذا مافيه عيب طبعاً لحد يعصّب علي منكم ياشباب

يعطيكم ألف ألف عافيه ومع إعتذاري الشديد للجنس الناعم


هذا هو الموقع

http://toottoot.com/recipes.htm


والبنات الي ما تزوجو وطايحين في كبد أهلهم

أقولهم خذو العبره من الي قبلكم

مسرووووووووووووقه:D

على النصيحه
انت شكلك متوهق مع زوجتك....لو ماعندك...حتى في الاحلام:D :D :D

لمسات ليش كذا
مو عيب عليك تتحاملين على بنات جنسك ياهشومه
بعدين من قالك ان كل الرياجيل حالهم كذاوحتى اذا حصل مويمكن يكون حالهم مثل حريمهم
ولا بعد اردى0
على العموم ما اعتقدان المره تبي اكثر من زوج مرن يعينها ويعاونها بها الدنيا ويخاف الله فيها
ويراقبه في تصرفاته0
قلي وش تتوقع من وحده موظفه ومتزوجه والراتب اخر الشهر بجيب الرجال0
ولا الطالبه المسكينه اللي تكافح وتجاهد حتى تكمل تعليمها والرجال عقب ماتعهد يوم يخطبها
انه يتكفل بمساعدتها تلقاه من اول يوم فالدراسه يتراجع مع زحمة طريق خريص وكبري الخليج واللي
مثله0
ولاهواللي جايب لها سواق ولاهو اللي دافع لها حق هالباصات الخاصه0
وغير هالنماذج كثير منهم اللي يسب ويشتم ويحطم معنوياتها ويحاول بشتىالطرق يثبت عنتريته على
هالمسكينه
ياشيخ رح عني وين الرجال اللي يستاهل
ومن خبرتي اللي استقيتها من تجارب غيري اقولكم يا بنات واكرر للبنات
لاتزوجون قبل لاتخلصون على الاقل البكالوريوس لانكم ماتدرون بوجه من تطيحون0
والخبله اللي ما عندها طموح خلها تقعد وجعلها من هالاشكال وهي جايه0
على فكره لمسات000
طبخاتك بايخه وللاسف ماخرجت منها بعقاد نافع00وش السبب ما ادري
على العموم اعتذارك مقبول0

ايش ماسوت المره بالرجال يستااااااااهل

قبل ما أرد على كل وحده فيكم

أقول أنا ما قلت كل البنات ال في العالم


أنا قلت كذا


فهموني


وحده ترد علي


لا ردو


طبعا مالكم وجه


أنا اقصد المتخلفات من البنات


وانتم بسم الله عليكم كاملين مكملين


جايكم الرد

الإخت الفاضله ملاك

يمكن انتي فاهمتني وفاهمه اسلوبي في النقاش

صح إن الموضوع طرح بطريقه هزليه

لكن الهدف المنشود واحد ، وهو ظاهره يجب القضاء عليها

قبل أن قتل الحياة الزوجيه بأكملها لا سمح الله


وانا عارف الله يسلمك ان البنات يختلفون

هذا القصد وبس

عاشقة البحر

هلا وغلا

بالعكس إختي

مع العلم إني متزوج وعندي ولدين ، قولي ما شاء الله


لكن مو كل البنات زي بعض

راجعي ردي على ملاك


تحياتي لك

همسة غلا

أعصابك اختي

وزي ما قلت اذا البنات مو زي بعض

أقولك الرجال يختلفون

وإيد وحده ما تصفق

الأساس في المرأه ، هي بيتها وتربية أبنائها

قال الله تعالى (( وقرن في بيوتكن ولا تبرجن تبرج الجاهلية الأولى ))

يعني تكملة دراستها بدون رضا زوجها حرام وما يجوز

اذا تبين تدخلين بالنواحي الدينيه

أما بالنسبه للزوج الي يآخذ راتب زوجته الموظفه

اذا كان غصب ، فهو انسان بوجهة نظري متخلف وأحمق

لكن اذا فيه تفاهم بينهم ليش لا يبنون حياتهم مع بعض

أنا حصلت لأحد قريباتي هالقصه

تعاوني مع بعض ، راتب الزوج والزوجه

الين ما شاء الله بنو بيت السعاده بنفسهم

لازم يكون فيه تعاون

أما دعوتك للبنات انهم ما يتزوجون إلا بعد البكالوريوس

من وجهة نظري خاطأ

الرجال مو عيب إنه يتأخر في الزواج

لكن المرأه وإنتي أعرف بالعادات والتقاليد مصيبه اذا وصل عمرها 25 سنه ولا جاها نصيبها


فإذا سمعت رآيك وردت الخطابين الين تخلص دراستها الجامعيه ، وما جاها أحد بعد ما تخرجت


بتقول هذاي همسة غلا الي وهقتني

وبتقعد ليل نهار تدعي عليك


في ستن دهيه يالجمال

ياما بنات اتبعو الطريقه الي قلتيها وتوهقو

قالوا ايه حنا بنات حلوات نجنن ، والخطابين ميتين علينا


واذا وصلو للسن هذا تفاجئو بالطامه الكبرى


نصيحه اختي همسة غلا

ابعدي نفسك عن المتاهات هاذي ن عشان ما تكونين سبب في مشكله معينه

البنت وفي الوقت هذا بالذات لازم ترضى بأي شاب ، وأهم شيء دينه وأخلاقه

وفي الرسول لنا أسوة حسنه ، صلى الله عليه وسلم


سامحيني اذا طولت عليك

فرح

والعكس صحيح

مراحب ماما لمسات اشوفج شاده حيلج ويانا .. اي هذي الام السنعه اللي تعلم بناتها من تجاربها عشان لما يتزوجون يدبرون روحهم عدل :D

اقول .. تسلم على المعلومات .. بس اللي مايواطن المطبخ شلوووووون ..

على العموم انا ما احب المطبخ .. بس اعرف ادبر حالي وقت اللزوم اعرف اساسيات الطباخ ..

بس انت لاتحاتينا يا ماما ..