الجمهور النصرواي في المنتديات الايرانيه

أنا مشجع نصراوي سعودي ومحب للكرة الإيرانية خصوصآ نادي ذوب آهن اللي انا من متابعية ومحبية

الله ياكبرها هههههههههههه
والله شكله ماعرف هالنادي الا الحين

شر البلية مايضحك
ماادري على ايش يتكلمون وفريقهم نادرا مايفوز
يعني واضح كل شي
والله اللى يقهر انهم خلونا مضحكه للعالم
اغلب اللاعبين الهلاليين مع النصراويين وهذولا كل مالهم واردى


بس الاكيد مانقدر نعمم كل الجمهور النصراوي

	المشاركة الأصلية كتبت بواسطة الليث الابيض &&

	على قولة البلطان لو كانوا يعرفون كوري كان لقيتهم في المنتديات الكورية ياخي مدري وين عقول هذول المشجعين أتمنى من كل قلبي فوز الهلال حتى نتشمت بهل الجماهير

صدمني اسلوبك ليث

كثير كثير كنت مستبعده انو تحكي مثل هذا الكلام

خاصه العباره الاخيره

والله وأنا أخوك جدا أستغربتها ايضا من الجماهير النصراوية وأنا والله ماعنيت بكلامي إلا ذولي الي في كل مبارة ضدأي فريق سعودي وخاصة الهلال تلقاهم مع الفريق المقابل

ويكفي بصراحة وقوفهم مع الفريق الايراني في مباراة الذهاب

أتمنى من كل قلبي أن تشغل الجماهير عقولها ويبتعدون عن التعصب الاعمى

وأنا لم أقصد أحدبعينه ولم أتعمد جرح أحد

وأعتذر إذا فهم كلامي بصورة آخرى

وليه ماينشاف الا جمهور النصر ؟

سبحان الله !!

ياكثر ماوقف جمهور الهلال ضد الاتحاد و النصر

وياما قرينا بالمنتديات

تهجمكمـ على جماهير النصر هنا احزنني والله

واخيرا هارد لكمـ واتمنى هزيمتهم تشغلهم عن جماهير النصر والنصر لو اسبوع

	المشاركة الأصلية كتبت بواسطة راع المشاعر

	ياحبيب البي ترجع وتقول لي حريه شخصيه بيان نصرواي تقول هذا شأن من اصدر البيان كيف تحاسب بندر بن محمد وهو غير مسئول حالياً تقول الدويش رأس على علم ...... وهو يقول الهلال جابو واحد يماني وترجع تقول الصرامي من حقه خله يذبح واصحاب العقول الصغيره مرتادي منتديات ماقبل مباراة الهلال تقول لهم حريه شخصيه طيب ليش النقاش دام الاجابات :هذا شأنهو خله ومن حقه وحريه !!!!! فهد الروقي كتب عن زعبيل ليومين متتاليين وكتب مالم يكتبه كتاب النصر (دوّر غير الروقي بهالموضوع) تدري اني ما اكره النصر واقدره كما أقدر التعاون و الرائد سلملي عليك

ايه ياخوي اقول لك حريه شخصيه

وانا مادخلت أحاسبك أو أحاسب نواف بن محمد أو أي شخص .

انا جيت اقول لك ان جماهير النصر ماجابت شيء جديد ، وإلا مافي هالبلد غير هالولد .؟!

والدويش علم ومنبر ، وإلا لازم يطبل للهلال ولا يكتب أي شيء ضده .؟

الصرامي تبيه يشجع الهلال بالغصب .؟

ياخوي شيء طبيعي الدويش بيكتب ضد الهلال وبيقول ويقول .. إلخ ، وشيء طبيعي الصرامي يذبح وينحر .

وإلا اجل ليه خلف ملفي والروقي وعشرين الف كاتب هلالي يكتبون ضد النصر .؟

واصحاب العقول الصغيره مرتادي المنتديات ماقبل مباراة الهلال

يعني لأنهم كتبوا ضد الهلال أصحاب عقول صغيره .!
يعني لأنهم لما يكتبوا ماترديد أصحاب عقول صغيره .!

قد يكونوا كذلك وربما تستطيع أن تصفهم وتقيمهم بـ أصحاب العقول الصغيره ، أما أنا فـ بالكاد أقيم نفسي .

أعتقد أن المشكله في شخصي حيث لا أملك القدره على تقييم عقول بشر ليس لي الحق في تقييمها .!
،
،
،

(دوّر غير الروقي بهالموضوع)

الروقي طال عمرك وسلّمك كان له مقال يتكلم عن أن ماحدث لا يمثل جماهير الوصل وهذا ما أشرت له في رد سابق .

تحياتي

..

	المشاركة الأصلية كتبت بواسطة راع المشاعر

	ليتكم على خطانا لما حدث هذا الانشقاق بين إدارتكم ولحصدتو الالقاب بدل من بطولة التضامن في سوريا وكأس الامير فيصل تحت23 تمنياتي لك ولفريقك بالافضل

راع المشاعر .!

كلامنا عن الجماهير النصراويه في المنتديات الأيرانيه ، وصلنا الصحفيين وإداريين وبطولات ، وبعدين يعني .؟

وش رايك نفتح قسم مستقل .؟

..

.
.
.

حبيب البي وحيد

نفس الكلام اللي تقوله تعيده

الدويش علم

الصرامي خله يذبح

والجمهور النصرواي يكتب ما يشاء

وراح تضل تردد هالكلام في كل رد

اللي ابيك تفهمه من الموضوع:

انو مهما بلغ التنافس ومها بلغ الحقد وتنمى خسارة الهلال

وهو حق مشروع لكم

الا نذهب ونكتب بسذاجه مثل هذه المواضيع في منتديات ايرانيه ياخي اكتبها في منتداك !!

اكيد انك لاحظت السخريه في ردود الاعضاء الايرانيين

وتحيتي لك

..

يسعد لي صباحك ياراع المشاعر

	نفس الكلام اللي تقوله تعيده

	وراح تضل تردد هالكلام في كل رد

والله ياخي لو أدري انك تشوف ردودي نفس الكلام ماكلّفت على نفسي ، كان أكتفيت برد واحد

وإن كانت كذلك فـ ليكن هذا آخرها

مودّتي

..

.
.
.

وحيد

انت تدور في حلقة مفرغه !!

حدودها الحريه وخلهم ياخذون حريتهم والا لازم يشجعون الهلال

انا اقول لهم خذو راحتكم وشجعو من تريدون

ولكن ليس بهذه السذاجه وهذا الكتابات التي تدعو للضحك

فقط هذا هو موضوعي

لا تغيب علينا !!