][^ لا تدخلون ههههههه الا ادخلوا ^][

[c]


السلام عليكم ورحمة الله وبركاته

أخواني وأخواتي

هذه محاورة الجماعية الثانيةأتمنى أن تنال إعجابكم

ويشرفني أن أكون من ضمن اللي فيها

وأرجو أيضا الا يتضايق الذين معي في المحاورة لاني نزلتها باسمي

ولكن غرضي عرضها عليكم وأيضا لي الشرف في عرضها عليكم

وأرجوا ألأ يحرموني من هذا الشرف 00



والشعراء هم حسب ترتيب الابيات فقط...

0000{M}ـــــوادع{M}......و بنت ^القصيد 00
و-[عبدالعزيز]- 00 واختكم رنيم® (][^روح^][)

وملاحظه : هناك شعراء غير الذين ترون اسماؤهم مشاركين معنا ولكن ابياتهم قليله ولم اذكرها

ومنهم هلاوين _عريس _ كبير القوم _ وهم (حلم)_
0
00
0000
000000
0000000000

{M}ـــــوادع{M}
مساء الخير والطيبة _ بريح العود مع طيبه _ وكل الناس تدري به _لكم ياغلى من أحبابي


بنت ^القصيد
هلا بالطيب وعطوره _ أنا بالحيل مسروره _ قصيدك باينٍ نوره _ عدوي أو من أصحابي


-[عبدالعزيز]-
هلا يالطيب الغالي _ وهلا بك ورد من تالي _ ولا أسمع هرج عذالي _ ولو هي صارت أنشابِ


رنيم® (][^روح^][)
هلا من طوّل الغيبة _ ولا فكرت أضحي به _ وهمّي بالله تدري به _ قريبٍ أو من أجنابي

00000000000000000000000000000000000

{M}ـــــوادع{M}
يفوح بريحة الكادي _ وفيه المسك يزدادي _ مادام ان الشعر بادي _ متى ودى متى جابي


بنت ^القصيد
(هلاوين) الشعر عنده _ كما بحرٍ مع مده _ وملايينٍ مع عدّه _ وقصيده فيه آدابِ


-[عبدالعزيز]-
موادع مع هلاويني _ وبنتٍ عن ثمانيني _ ورنيم اللي تخاويني _ نبيها رقصة أرقابي


رنيم® (][^روح^][)
ترى ماجاء على بالي _ تقول الشعر بغيابي _ وأشوفك دون الأبوابِ _ ومفرق غرّتي شابِ

00000000000000000000000000000000000

{M}ـــــوادع{M}
تعالوا شوفوا أشعاري _ توقّد حولها ناري _ مدام ان الشعر جاري _ بشرّع يمّكم بابي


بنت ^القصيد
عريس اليوم متزوّج _ وراح السوق متحوّج _ ورا بنتين ويدوّج _ وراهن يرقب أرقابي


-[عبدالعزيز]-
عريس وصار طماعي _ ذكي واليوم مرتاعي _ مع من يضحك الساعي؟ _ نعرف أصقور وغرابِ


رنيم® (][^روح^][)
الا يالخلّ وينك فيه؟ _ ترجّع للشعر ماضيه _ أظنك بالعلم حاويه _ ولا تبعد ترى مابي

00000000000000000000000000000000000

{M}ـــــوادع{M}
أشوف إن القدر قاسي _ شربت المرّ في كأسي _ وذابت منه أنفاسي _ وكل الخلق تدري بي


بنت ^القصيد
رنيم الشعر في ايدينك _ وفي عقلك وفي عينك _ أنا ويني..وأنا وينك؟ _ صحيح إني على اعصابي


-[عبدالعزيز]-
تعال وفتّق اجروحي _ حشى ما تسمع بنوحي _ ادوس الجرح من روحي _ مصيري باطن اترابِ


رنيم® (][^روح^][)
أخاف الهمّ يتجدد _ وحسّ الروح يتبلّد _ ونبض القاف يتبدد _ ولا وقّف على أعتابِ

00000000000000000000000000000000000

{M}ـــــوادع{M}
حبيبي لاتخليني _ أبيك تمرّ وتجيني _ ولا تنسى عناويني _ تراها ذيك الأبوابِ


بنت ^القصيد
تمدّ أيديك فيديني _ توسط قلبي وعيني _ كريم هاك وأعطيني _ وقلب الحب ماتابِ


-[عبدالعزيز]-
ألم أول ألم ثاني _ ألم عاشر من أخواني _ وألم أكبر من أوطاني _ غريب وصافح أغرابِ


رنيم® (][^روح^][)
أقلّك قوم شجعني _ ترى صمتك يروعني _ أخاف اليوم تبعدني _ وقربي منك ما طابِ

00000000000000000000000000000000000

{M}ـــــوادع{M}
غريبه والله اظروفك _ أنا عاذرك من خوفك _أبد والله ما عوفك _ مدام ان الغلا سابِ


بنت ^القصيد
أنا بالشعر سكرانه _ لقاف الشعر عطشانه _ شربت الشعر رويانه _ وكبير القوم مرتابِ


-[عبدالعزيز]-
كبير القوم لاغنّى _ يحبّ يوزع الفنّا _ على هذا وعلى جنّا _ قرينه ماله أنسابِ


رنيم® (][^روح^][)
أنا قلبي لكم صادق _ وبعدك يالهوى حارق _ والى من جا لكم طارق _ تجينا عند أترابي

00000000000000000000000000000000000

{M}ـــــوادع{M}
تعال ارجوك كلمني _ أنا ودي تجمّعني _ بعد منته تبعثرني _ الا يا اقرب من اقرابي


بنت ^القصيد
عزيز القوم كيف الحال؟_ عقالك ماهو الميّال _فهمتك أيه يارجال _ بنيّه بين الاشنابِ


-[عبدالعزيز]-
عسى قبرٍ يضم عبيد _ عليه من الوسم ترديد _ زعيم مخلدٍ بالبيد _ له التاريخ لو غابِ



رنيم® (][^روح^][)
وحبي دوم لك سامي _ ولي بالشوق من عامِ _ وموج الحب لطّامي _ يكسّر كل الاخشابِ


00000000000000000000000000000000000

{M}ـــــوادع{M}
رنيم الحين وش جابك؟_ أجل من زينها أنيابك _رميتي الشال وحجابك _ ومنك الشين صبابي


بنت ^القصيد
علام البس نبّاحي ؟_ خساره مابه ارباحي _ وعقلك ماهو بصاحي _ ورنيم اللي من أحبابي


-[عبدالعزيز]-
سمعت ان شكلها يروّع _ ومنها الجنّ متلوّع _ وصار ابليس يتطوع _ ولا ودّى ولا جابِ



رنيم® (][^روح^][)
موادع جا بحرف الميم _ وضحكه فالمدى ترنيم _ وانا كلّي غزال الريم _ عزيزه بكل الاحسابِ


00000000000000000000000000000000000

{M}ـــــوادع{M}
أنا لي صاحبٍ علّه _ بشعره ودّي أتلّه _ أبربط فيه وأحلّه _ مدام انّه تلوابي


بنت ^القصيد
بنيّه كلها زينه _ جمال الكون في حينه _ تدوّر للقمر وينه؟! _الى من شافها غابِ


-[عبدالعزيز]-
وهذي وش تبي منّي؟ _ بدت والله تخمخمني _ أنا بنحاش لا جنّي _ وبقفل دونها البابِ



رنيم® (][^روح^][)
رنيم اللي ترنمكم _ بتأخذ ثم تعطيكم _ ولا تبغى تزعلكم _ لقاكم في المساء طابِ


00000000000000000000000000000000000
وتصبحون على خير
00000000000000000000000000000000000


أتمنى من كل قلبي أن تعجبكم وتروق لكم

وأنا هنا ألتمس العذر لكم أصالة عن نفسي ونيابة عن أخواني الشعراء

على مافي الابيات من أي نقص ترونه قد لا يبدو لي لأنها كانت بسرعه وقديمه

ربما مرّ عليها اكثر من سنتين وانهكت القافيه ...

وربما بدون تركيز ولكن نحن نعتذر وانتم اقبلوا الاعتذار بوئاكم الجميل00

فالعذر اقبلوه ولكم الشكر.....

أختكم المحبة لكم

روح

:o :o



[/c]

روح المعاني

سلمت يمينك

رائعه في ما تقدمين

ياشاعرتنا الغاليه

ننتظر المزيد فلا تبخلين.

الســـــــــــــــــيف

[c]طيب يا روح [/c] [c]ومسويه علينا مسيكينه[/c] [c]وأنتي أخطر شاعرة مرت علي [/c] [c]طلعي طلعي المخبأ [/c] [c]اللي بعده يالله [/c] [c]طبعا لن أشيد لأني مقهوووووور [/c] [c]مقهور من هالمحاورة الجميلة [/c] [c]صدقيني إنها جميله أقولها بكل صراحة [/c] [c]كنت أتمنى لو إني طرف فيها [/c] [c]مع هذه الأسماء البراقة بأحرفها الذهبية [/c] [c]لا أقول إلا كما تعودت قوله دائما [/c] [c]ربنا يوفقك ويمتعك بالصحة [/c] [c]وكافة الأخوة الأعضاء [/c] [c]أحبابي [/c] [c]سجلي إعجاب أخوك [/c] [c]المحارب [/c] [c]مع أجمل تحياته [/c]

روووح


لا بندخل 00

لا صارت روح اكيد بندخل


الله الله الله الله الله الله الله على العمالقه ولقاءاتهم

زيدينا شعرااااااا زييديناااااااااااااااااااااا



صح لسانك يا روح ولا يهونون من معاك في المحاوره شي رااائع والله



ابدعتووووووووووووووووا

[c]

اخي السيف


أشكرك عميق الشكر على اطلالته البهية

وعلى كلامك الجميل


وانشاء الله اكون عند حسن الظن


تسلم



والله يخليك


اختك


روح



[/c]

[c]

السلام عليكم ايها المحارب

الله يهديك........قول امين

ولا تحملني مالا طاقة لي به

كلامك هذا والله ما استاهله

ورحم الله امرا عرف قدر نفسه فانا اعرف نفسي

هناك من هم افضل مني بعدد حروف الكلمات في المنتدى

ولكن انا مازلت التمس الطريق وبدأت اول خطوه فيه

هذا انا

وانا يشرفني ان يكون لي محاورة معك وقد حصل

لي هذا الشرف من اول

مشاركه لك وانا محسوده على هذا الشيء

محسوده ان اجاري شاعر بقمتك ومستواك

ولو ان هناك فرق بين الشمس والظللماء

لكن المنتدى كتب لي هذا الشرف


والحمد لله


واتمنى يكون هناك محاوره مع كثير من شعراء المنتدى

(( لا تصدقون )) تراني بالغصب نجحت في اختبار المحارب

تسلم ايها المحارب

ولك مني كل الشكر والتقدير والاحترام

اختك




روح






[/c]

[c].............

...


ياااروح
نفسي افهم شيء واحد فقط
!!
المحاورة هل هي حدثت فعلاً
والا انتي جالسه تفترين على اخوانك
:o


الف شكر روح

المحاورة راائعة
بمعنى الكلمة
ولكن لازلت اتساءل
وفي كلا الحالتين
لايسعني الا ان اقول ابدااع


وكما هو معهود منك



سلمت يداك



كلك ذوق


...[/c]

[c]

السلام عليكم يا مديرناوافي

شكرا لك على اطلالتك الجميلة

ونورت المشاركه بوجودك فيها


0000

سؤالك يحتمل معنيين لا ثالث لهما

ولولا ثقتي فيك وفي رمزك لذهبت الى المعنى الأول

ولكن أنا أقول لك ان المحاورة فعلا حدثت ولا أفتري على أحد

وحدثت في برنامج المحادثه (((مكروسوفت شات)))

وهذا البرنامج الذي اخرج روح لكم بما فيها من علاّت

واخرج كثيرا من الشعراء 0000


ولا زلت اشتاق لهذا البرنامج بما فيه من شعراء ورموز

منهم من هجره وصار يرى انه غير لائق الان

ومنهم من اتجه للمنتديات ليبث فيها انتاجه


والشعراء الذين شاركوا معي اتمنى انهم

يزورون منتدانا ويرون اشعارهم


ولكن خلف كل اسم يختفى شخص

اي ان اسماؤهم ربما كانت في غالب الظن اسماء مستعاره

0000000000000000



معليش خرجت عن الموضوع


0000

شكرا استاذنا الوافي

وهذا قطره من فيض محيطكم

والعين ما تعلى على الحاجب الا اذا وقف الانسان على راسه:D

تسلم

والى اللقاء



اختك


روح














[/c]