احسب الدمع لامنه همل يجلـب جفـاف عيـون // واثره يداوي جروح الهـوا والحـب والغربـال

اذا من خاطب الجامد يقولـون العـرب مجنـون = فانا جنيت يوم انـي وقفـت ودجـت فالاطـلال
اخاطب ذا واخاطب ذي ,, اقول اليوم هل توحون = اشاكيهـم واناجيهـم ,, اقـول اثرالهـوا قتـال
اذكرهـم بـزول راح افيـض خافـي المكنـون = وطاحت دمعة العاشـق خنقهـا والهمـوم ثقـال
احسب الدمع لامنه همل يجلـب جفـاف عيـون = واثره يداوي جروح الهـوا والحـب والغربـال
اذا كان الهوا فتنه فانـا العاشـق وانـا المفتـون = واذا كان الهوا رحمه يجي خلي ويرحـم حـال
يداوي حال مـن حالـه لهـا عاميـن دون ودون = ولكن عزتـه ترقـا وترقـا بـه علـى ماطـال
يداوي حال مـن حالـه لهـا عاميـن دون ودون = ولكن عزتـه ترقـا وترقـا بـه علـى ماطـال
الا يالصاحب الوافي تـراك تمـون ثـم تمـون = ولكـن لاتعذبنـي ورجــح كـفـة المكـيـال
ترا الايام من دونـك حزينـه دون طعـم ولـون = تغيـب ولاتودعنـي ولا تسـأل عـن الاحـوال
مكانٍ فيه تسكـن واجمعتنـا بـه بعشـق جنـون = هجرته يافريد الوصف وصاراسمه بقايا اطـلال

بقايا اطلاااال


//

//

عبدالله العصيمي
.
.
.

الاخت الكريمه سديم
اخاطب ذا وخاطب ذي 00000000الى اخر البيت
كلام جميل واختيار موفق عندما نحسن التعامل مع الحرف بالقول او الاختيار او الاقتباس نجده ينطق لطفا ويسكت تواضعا
ويقف اصرارا بكل شموخ ليقول للاخرين هائنذا
ففهموني فانا اول الكلمه واخرها فاحسنو التعامل معي
كلمات رائعه بروعه الاختيار لك ولجميع الاخوه وافر التقدير
وللوئام كل تقدم وازدهار 00000اخوك د ساري الرياض

الراااقية سديم


سلمت يداااااك


منقول مميز كتميزك


لو ان لي اعترااااااض على ان الدمع يداوي جروح الهوى والحب والغربال


لأن جراااااااح الهوى ليس لها طبيب

وصاحبها لن يطيب

تحياااااتي اخيتي

الا يالصاحب الوافـي تـراك تمـون ثـم تمـون
ولكـن لاتعذبنـي ورجـّح كـفـة المكـيـال

الله عليك سديم

كلك ذوق ,,

دائما اختياراتك لها طعم خاص ,

صح لسان الشاعر

وصح لسانك انت ِ بعد يا سديم ..

د . ساري

اسعدني مرورك و مداخلتك

شكرااا لك
.
.
.

يسلمك ربي .. ابو رهف ..

انا اتفق معك انه ما يداوي

بس يريح شوي و لو راحه مؤقته

خصوصا لي خليته على هواااااه .... ما وقفته ...

.
.
.

صح بدنك .. ابو خالد ..

شكرااا للاطراء
.
.
.

صح لسان قايلها
وربي يسعدك على نقلك الرائع

تسلمين .. ملكة الاحساس ..

شكرااا لمرورك
.
.
.

..

	احسب الدمع لامنه همل يجلـب جفـاف عيـون واثره يداوي جـروح الهـوا والحـب والغربـال اذا كان الهوا فتنه فانـا العاشـق وانـا المفتـون واذا كان الهوا رحمه يجي خلـي ويرحـم حـال

صح لسان الكاتب والناشر..




سدوم .. تسلمين على روعه اختياراتكـ..





..