الابن البار

بشرونا بالصحافة عن علاج جديد …………….…ينعش الابدان و يرجع الشايب ولد

صانعينه بواشنطن و مفعوله اكيد ………...…جعل من جابه يوسع له بقبره و اللحد

قلت فرصة شايبي له زمن ما يستفيد ………...من كبر سنه يعاني و روح بلا جسد

له سنين منعزل لا شقي و لا سعيد …………… كل ما شاف العجيز تثاوب ثم رقد

ما بيده حيله و انتهى منه الرصيد ……………... العظام مهلهله و العروق بها سدد

قلت ابر بوالدي و انفعه حتى يعيد …………… ماضي الأمجاد و يصبح بعيشه رغـد

إشتريت اربع قوارير بالفين او يزيد …………… الحبوب اللي تخلي من الثعلب اسد

يوم اخذ منها تنافض رجع كنه وليد ……..… و من نشاطه قام يركض و يصدم بالعمد

و بعد مده قال ودي اسافر للصعيد ……………….. من مصر ناوي افيز لعمال جدد

غاب عدة ايام و جانا معه شيء فريد ……..… بنت شمحوطة و بيضاء و مركوزة الوتد :D

عمرها تسعة عشر عام ينقص او يزيد …….… اسمها فيفي و ابوها حج عبدالصمد :D

هام فيها ابوي و الحكي ما عاد يفيد ………..… حلق اللحية و عن ربعه قفا و ابتعد

صار خاتم في يديها و يفعل ما تريد ………… و اصبحت تتحكم فينا مثل شيخ البلد

اسلبته المال و العقل و الري السديد …….…. و بالمقالب و الحيل عيشتنا في نكد

طلق ام عياله اللي لها ساس جويد ……..… قال طسي يا عجوز المشاكل و العقد

هانت العشرة و خان عسى عمره مديد … باعنا بأبخس ثمن و راح عنا ما نشد

اعرف اني سبة اللي حصل و الله شهيد .. جيت اكحل عين محروم و اعماها الرمد

اثر بعض البر وسواس شيطان مريد …………...يفسد الاخلاق و يضيع الوالد و الولد


( منقول )

خله يستاهل الي جاه


حيااااااك امير الليالي وتسلم اخوي


الحين يبي يسوي خير في ابوه ونسي امه المسكينه


المهم الله يسامحه على الي سواه في اهله وابوه ونفسه:D :D :D


سلااااااااااااااااااااام

هلاااااااا بنت النااااااااس

الله يحييك ويسعد لياليك

ما راحت فيها الا الام المسكينه

والمشكله في العقربه الجديده :D ............

المشكله كلهم نساء ( المسكينه والعقربه )

احسن الله يجعل باسهم ( النساء ) بينهم شديد:D



--------------------
تحيااااااااتي

يا لطيف عليك يا امير ايش فيك من حقد على الحريم الغلبانين


بس يستاهل قال ابن بار


مرررره بار خاصة بامه



يستاااااااهل احسن انه جاته وحده ورته طالما هادي نظرتك للحريم

هلااااااا لولوة القلب

الله يسامحك ... ماهو حقد

ما سمعتي عن شي في الدنيا

اسمه مزح ثقيل :D
......
والولد بار بمعنى البر

مو بار بمعنى مشرب اوروبي



------------------------
تحيااااااااااتي