أنت غير مسجل في منتديات الوئام . للتسجيل الرجاء إضغط هنـا

صائد الفرص للأسهم الأمريكية والاوبشن 
عدد الضغطات  : 20009
مساحة اعلانية 
عدد الضغطات  : 15720


العودة   منتديات الوئام > المنتديات الترفيهية >  ||ترفيه وَمسآبقآت

 ||ترفيه وَمسآبقآت مَرَح ، تسلية ، مسابقات ، فعاليات .. الخ

إضافة رد
 
أدوات الموضوع
قديم 29 / 12 / 2002, 32 : 12 AM   #1
ABO_FAISAL 
من مؤسسي الوئام

 


+ رقم العضوية » 10459
+ تاريخ التسجيل » 07 / 10 / 2002

+ الجنسْ »

+ الإقآمـہ »

+ مَجموع المشَارگات » 7,502
+ معَدل التقييمْ » 1318
شكراً: 0
تم شكره 13 مرة في 13 مشاركة

ABO_FAISAL غير متواجد حالياً

افتراضي ما فيه إلا ذبح ...!!

هم اصلا كانوا اربعه
المتنبي وامرؤ القيس وجرير والفرزدق
راكبين موتر المتنبي ( الميتين ال ) وطالعين يتعشون برست
طبعا امرؤ القيس ( شايبهم ) كانت قافله معه لانه ما يحب طلعات الليول ( ما يشوف ) وكان يقولهم خلنا نطلب العشا ديلفري
و كل شوي يلمح لهم ويقول :
" الا يا ايها الليل الطويل الا انجلي
بصبح وما الأصباح منك بأمثل "
بس الجحلط جاحدينه لانهم يحبون البرم في الشوارع
عموما المتنبي ما كان يمه لان واحد من عليمية الرياض حده وخلاه يرقى دوار الأحساء
انقهر المتنبي لدرجة انه التفت على العيال وهو يصارخ :
" من لم يمت بالسيف مات بغيره "
بس الفرزدق و جرير ( اللي كانوا راكبين ورا ) ما كانوا فاضين له
يعني جرير والفرزدق راكبين جنب بعض
اكيد انواع المناقر بينهم ( اربعه ساعه وعشرين )
و ما انتبهوا لاحد
لكن العيال هجدوا فجأه
استغرب المتنبي
مهيب عادتهم
اثاري الملاعين قاعدين يكحلون
و يالتهم شافوا شي
كل اللي شافوه
طرف عباة راكبه جمس ومظلل بعد
تهيض جرير ( عاد ذاك مايبي له شيء ) وقال :
" أن العيون التي في طرفها حول
قتلنن ثم لم يحيين قتلانا "
وقام يتطلب المتنبي يبيه يلحق الجمس

عاد المتنبي يووووووووه انواع الغرور في ذاك الآدمي
رد عليه:
ما بقي الا هي
أنا المتنبي
أنا اللي " الخيل و الليل والبيداء تعرفني "
الحق جمس وافرض ياخي كبس علينا ابو العتاهيه بجمس الهيئه بتنفعنا أنت وخشتك

قفلت مع جرير
وبغى يتضارب مع المتنبي
و لأول مره في تايخ الشعر العربي
اتفق جرير و الفرزدق على نقطه معينه
بس الفرزدق جابها باسلوب
وقام يقردن المتنبي يبيه يلحقهم
و هات يا مدح و دحلسه في المتنبي من
" هذا الذي تعرف البطحاء وطأته "
وصولا الى
" ما قال لا الا في تشهده "
في الأخير انتفخ راس المتنبي و قرر يلحقهم
وهات يا طردي في الملز
طبعا امرؤ القيس كان مكبر دماغه من جهة البنات
بس كان فاك مع الجمس حقهم ( جمس 82 يلاعب الهوى )
و ما فيه الا غزل في الجمس :
" مكر مفر مقبل مدبر معا
كجلمود صخر حطه السهل من عل "

المهم
بدا الجمس يبعد عن العيال
و صار جرير يتريق على العزم الميتين ال ويقول للمتنبي:
و مزعجنا وكل شوي تقول " على قدر اهل العزم تأتي العزائم " و اخرتها طلعت الدعوى بكش

قفلت مع المتنبي وقال للفرزدق :
والله بعذرك فيه
و الله يلوم اللي يلومك
يوم انك تكرهه كل هالسنين

وبعدها
ردها المتنبي باثنين
ودوووووووووووس
وبقدرة قادر صادوا الجمس في خنشليله
لز المتنبي جنب قزازة الجمس و قال لجرير :
يالله يالمتفلت ورنا شطارتك
رد جرير :
اعتبر الموضوع منتهي و ياحبيبي سحبنا بنات كلية عليشه على وجيههم و بعجز عن ذولي

قام جرير يأشر جنب قزازة الجمس
عاد البنات ما صدقوا خبر
أول ما أشر جرير فتحوا القزازه
وكانت صدمه ما بعدها صدمه
وش ذا المقاشع
و لاشلة طقاقات ايام 1401 ( يوم ضمك ياخذ الدوري )
العيال انصرعوا من هول المفاجأه
عاد البنات تحطموا يوم شافوا ردة الفعل
و قاموا يذبون على العيال
بس جرير كان اكثر واحد متأثر
فصار يرد
ويقول لهم :
" فغضي الطرف انك شيفة
فلا باسكال بلغتي و لا ديانا "

طبعا الوضع صار مكهرب في الميتين ال
و المتنبي يقول لجرير :
شفت يالزلابه
وش أنا قايلك
مشورتنا على الفاضي و في الأخير طلعت الدعوى تطريش

في هالأثناء
لمح الفرزدق موتر ثاني ( من ذيك المواتر اللي كنها حصاله ) كان يلحق البنات
فحب انه ينبههم عشان ما ياكلون نفس المقلب
بس يوم دققوا العيال في الموتر الثاني تعرفوا على الشباب اللي فيه
قال الفرزدق :
و الله أنى قايله
موضوع فيه غزل و سربته اكيد ابو نواس بيحضر أول واحد
رد جرير :
شف ابو نواس ذا المصلحجي جايب معه عنتره عشان لو طلع الموضوع فيه حارش مارش يطلع مزبن نفسه

في الجهة الأخرى
كان عنتره يتميلح جنب البنات
و طالع من الفتحه وهو يقصد
" و لقد ذكرتك والرماح نواهل مني
وبيض الهند تقطر من دمي
فوددت تقبيل السيوف لأنها
لمعت كبارق ثغرك المتبسم "

ضاق صدر المتنبي كذا لله في لله
و قال للعيال :
ياخي والله ما احد يحقر نفسه
حتى ذا الشين قام يغازل
وبدون مقدمات فتح المتنبي القزازه
و قال لعنتره :
" لا تشتر العبد الا و العصا معه "

عنتره سمع المتنبي ولا ما سمعه
ويوللللللللللللللع
عاد ابو نواس يحب الشر
طنش البنات ولحق العيال حتى قبل ما يقول له عنتره
و قام ابو نواس يكبس لهم ويقول :
مسوين فيها زعطه
و يوم جا الجد انحشتوا ولا " كلام الليل يمحوه النهار "

لكن المتنبي اشر لهم وقال لهم الوعد التخصصي
في ها اللحظه
ابو نواس دخله الماء و قال لعنتره :
هم اربعه وحنا اثنين ( و المازدا ما تكفينا )
و احيانا الكثره تغلب الشجاعه
قال له عنتره :
ما عليك
أنا بدق على انجس واحد في الرياض
أول ما يدري أن الموضوع فيه مضاربه بيجيك مدرررررررررعم
قال ابو نواس :
منهو ?
رد عنتره :
من غيره
السنايدي
تأبط شرا
قال ابو نواس :
عز الله اللي راحوا فيها

بس المشكله انهم يوم دقوا على تأبط شرا لقوا جواله مفصول ( عسى ما يسدد تأبط شرا للأتصالات )
صرخ عنتره :
افااااااااااااااااا قعدنا بها
رد ابو نواس :
ولا قعدنا بها ولا شيء ، اصلا تأبط شرا دايم تاكي في ملحق ابو تمام ، دق عليه هناك

دق عنتره على الملحق ورد ابو تمام وقال له عنتره :
عندك تأبط شرا
قال ابو تمام :
ايه ، في الحمام
قال عنتره طيب ترا الموضوع كيت و كيت بتجون ولا لا
قال ابو تمام : افا عليك بس
" السيف اصدق إنباء من الكتب
في حده الحد بين الجد واللعب "
ازهل الموضوع

تحياتي
ملطوش بس لاحد يعلم ولا ترى معاد الاطشلكم ...أتفقنا

  رد مع اقتباس
قديم 29 / 12 / 2002, 12 : 01 PM   #2
Mahsoon 
من مؤسسي الوئام

 


+ رقم العضوية » 51
+ تاريخ التسجيل » 18 / 04 / 2001

+ الجنسْ »

+ الإقآمـہ »

+ مَجموع المشَارگات » 11,032
+ معَدل التقييمْ » 253
شكراً: 0
تم شكره 0 مرة في 0 مشاركة

Mahsoon غير متواجد حالياً

افتراضي

أهليـــــــــــــــن الواكد ....

- حقيقي ومن غير مجامله سينـــــــــــــــــــاريو أروع من رائع :D:D:D:D:D:D

بس ليش ينادون تأبط شراً وعنتر موجود وهو اللي قال ( ولقد رأيتك الرماح نواهل مني وبيض الهند تقطر من دمي , فوددت تقبيل السيوف لأنها لمعت كبارق ثغرك المتبسمي ) .....

- موضووووع يستـــــــــــــــــاهل التقييم بعد

- تسلم الواكد نقره لعرض الصورة في صفحة مستقلةنقره لعرض الصورة في صفحة مستقلةنقره لعرض الصورة في صفحة مستقلةنقره لعرض الصورة في صفحة مستقلةنقره لعرض الصورة في صفحة مستقلة


 

  رد مع اقتباس
قديم 29 / 12 / 2002, 51 : 02 PM   #3
جومانه 
وئامي مبدع

 


+ رقم العضوية » 4318
+ تاريخ التسجيل » 08 / 11 / 2002

+ الجنسْ »

+ الإقآمـہ »

+ مَجموع المشَارگات » 404
+ معَدل التقييمْ » 10
شكراً: 0
تم شكره 0 مرة في 0 مشاركة

جومانه غير متواجد حالياً

افتراضي

يا هلا بالواكد بكره علينا امتحان عربي وانت كاتب القصائد وان جالسه
اسمع ......

مشكووووووووووور موضوع رائع .....

مع محبتي للجميع
جومانه

 

  رد مع اقتباس
قديم 29 / 12 / 2002, 37 : 08 PM   #4
مرتاد الافق 
العضويه الذهبيه

 


+ رقم العضوية » 2972
+ تاريخ التسجيل » 17 / 08 / 2002

+ الجنسْ »

+ الإقآمـہ »

+ مَجموع المشَارگات » 1,454
+ معَدل التقييمْ » 10
شكراً: 0
تم شكره 0 مرة في 0 مشاركة

مرتاد الافق غير متواجد حالياً

افتراضي

ههههههههههههههههههههههههههه
تسلم الوواكد

بس انا معلم ابو العتاهيه معلمه
ما في كلام
اجل هذا كله عشان ما طلع بدورية الهيئة ذيك الليلة

 

  رد مع اقتباس
قديم 30 / 12 / 2002, 10 : 11 AM   #5
الرجل القاسي 
وئامي دائم

 


+ رقم العضوية » 3502
+ تاريخ التسجيل » 15 / 09 / 2002

+ الجنسْ »

+ الإقآمـہ »

+ مَجموع المشَارگات » 61
+ معَدل التقييمْ » 10
شكراً: 0
تم شكره 0 مرة في 0 مشاركة

الرجل القاسي غير متواجد حالياً

افتراضي

حححححححللللللللللوه منك يا اخوي الواكد



o_1182@hotmail.com

 

  رد مع اقتباس
قديم 30 / 12 / 2002, 24 : 02 PM   #6
سمير 
عضو شرف

 


+ رقم العضوية » 2125
+ تاريخ التسجيل » 17 / 02 / 2002

+ الجنسْ »

+ الإقآمـہ »

+ مَجموع المشَارگات » 2,513
+ معَدل التقييمْ » 10
شكراً: 0
تم شكره 0 مرة في 0 مشاركة

سمير غير متواجد حالياً

افتراضي رد: ما فيه إلا ذبح ...!!

:
الرسالة الأصلية كتبت بواسطة الواكد


انقهر المتنبي لدرجة انه التفت على العيال وهو يصارخ :
" من لم يمت بالسيف مات بغيره "
بس الفرزدق و جرير ( اللي كانوا راكبين ورا ) ما كانوا فاضين له
يعني جرير والفرزدق راكبين جنب بعض
اكيد انواع المناقر بينهم ( اربعه ساعه وعشرين )
ههههههههههههههههههههههههههههههههههههههههههه

ههههههههههههههههههههههههه

هههههههههههههه

روووووووووووعة اخوي الواكد


تقطع بطني من الضحك على امرؤ القيس يوم يتغزل في الجمس:D:D

الله يسعدك اخوووي

لاتحرمنا من طلتك الحلووة



< .. > : سمير .. الله يخليك موقـفي صعب .. الجماعة يشتكون منك

سمير : شلون يعني .. وضح ياصاحب المعالي .

< .. > : .. يعني إما الموافـقة والا المفارقة !

سمير : أهااا .. إذن المفارقة .

 

  رد مع اقتباس
قديم 31 / 12 / 2002, 18 : 01 AM   #7
ABO_FAISAL 
من مؤسسي الوئام

 


+ رقم العضوية » 10459
+ تاريخ التسجيل » 07 / 10 / 2002

+ الجنسْ »

+ الإقآمـہ »

+ مَجموع المشَارگات » 7,502
+ معَدل التقييمْ » 1318
شكراً: 0
تم شكره 13 مرة في 13 مشاركة

ABO_FAISAL غير متواجد حالياً

افتراضي

هلا اخوي محسون

تشرفت بحضورك الرائع والمميز واطرائك الذي أعتز به

الف شكر وتقدير

تحياتي ؛؛؛؛


=====

 

  رد مع اقتباس
قديم 31 / 12 / 2002, 20 : 01 AM   #8
ABO_FAISAL 
من مؤسسي الوئام

 


+ رقم العضوية » 10459
+ تاريخ التسجيل » 07 / 10 / 2002

+ الجنسْ »

+ الإقآمـہ »

+ مَجموع المشَارگات » 7,502
+ معَدل التقييمْ » 1318
شكراً: 0
تم شكره 13 مرة في 13 مشاركة

ABO_FAISAL غير متواجد حالياً

افتراضي

هلا اختي زمرده

تشرفت بحضورك الرائع والمميز وشدي حيلك نتمنى لكِ النجاح

الف شكر وتقدير

تحياتي ؛؛؛؛


=====

 

  رد مع اقتباس
قديم 31 / 12 / 2002, 23 : 01 AM   #9
ABO_FAISAL 
من مؤسسي الوئام

 


+ رقم العضوية » 10459
+ تاريخ التسجيل » 07 / 10 / 2002

+ الجنسْ »

+ الإقآمـہ »

+ مَجموع المشَارگات » 7,502
+ معَدل التقييمْ » 1318
شكراً: 0
تم شكره 13 مرة في 13 مشاركة

ABO_FAISAL غير متواجد حالياً

افتراضي

هلا اخوي مرتاد الافق

يشرفني حضورك الرائع

الف شكر وتقدير

تحياتي ؛؛؛؛


=====

 

  رد مع اقتباس
قديم 31 / 12 / 2002, 24 : 01 AM   #10
ABO_FAISAL 
من مؤسسي الوئام

 


+ رقم العضوية » 10459
+ تاريخ التسجيل » 07 / 10 / 2002

+ الجنسْ »

+ الإقآمـہ »

+ مَجموع المشَارگات » 7,502
+ معَدل التقييمْ » 1318
شكراً: 0
تم شكره 13 مرة في 13 مشاركة

ABO_FAISAL غير متواجد حالياً

افتراضي

هلا اخوي الرجل القاسي

تشرفت بحضورك الرائع

الف شكر وتقدير

تحياتي ؛؛؛؛


=====

 

  رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 15 : 10 PM بتوقيت السعودية


Powered by vBulletin® Copyright ©2000 - 2024, Jelsoft Enterprises Ltd.
new notificatio by
9adq_ala7sas
[ Crystal ® MmS & SmS - 3.7 By L I V R Z ]