تشجيع بنات بالملعب

هاي منتدون

خذوا هالمداعبة وصلتني اليوم


تخيل فية قسم بالملعب مخصص للحريم

ا هذي بعض الهتافات والأحاديث الجانبية النسائية في الملعب !!

هلالية ونصراوية يتهاوشون..النصراوية تقول: تكفين من زينكم أنتم وبطولاتكم ولاعبينكم عشان تحطون راسكم براس العالمي؟؟؟؟ الهلالية: وع على لاعبينكم القواطي مالت عليهم...ما عندكم صاحي إلا صايب وبدا يخرب بعد...بعدين لو فيك خير ما لبستي عباية كتف

أم تهاوش بنتها المراهقة: وجع إن شاء الله تغطي...شوفي هذاك من اليوم يناظرك...ترى والله لأعلم أبوك عليك.....

وحدة عربجيةتصايح: يا حارثي يالنذل...لا تكسّر سامي حسبي الله عليك بلا...

وحدة تبكي قلبها متقطع وأختها تقول: خلاص يا بنت الحلال... قسم بالله التيماوي إصابته بسيطة...شوفيه بيرجع للملعب مرة ثانية..

حرمة كبيرة: الله يهديه أبو عبدالله ما لقى يعزم إلا اليوم..خليت الجريش على الفرن والله يستر ما يحترق...

وحدة دلوعة: لو سمحتي معك كريم واقي من الشمس؟ ما لقيت كريمي

وحدة فاضية: ما شفتوا عدستي الرمادية؟ طاحت الله ياخذها...

وحدة ثانية فاضية: من يعرف طريقة محشي ورق العنب؟ عجزت أضبطه

وحدة تزعّق من الهجمة اللي ضاعت واللي وراها ناشبة بحلقها: "لو سمحتي..لو سمحتي..وش اسم عطرك؟"...طرااااخ صوت كف متعوب عليه

هلالية ونصراوية يتضاربون والهلالية تصايح: آي آي كسرتي ظفري الله ياخذ عمرك.....يا عسكرييييييييي....

وحدة بريئة: يا حبي لك يا شلهوب ياصغيرور...

وحدة ما تدري وين المباراة معه: أحلى على الطول يا مفرج...

وحدة مسوّية نفسها فاهمة: يوردانيسكوووووو...طلّع النزهان ودخّل بداله سيرجيو (سيرجيو يلعب من البداية) وقدّم خميس قدام...ونزّل أبو يعقوب الله يقلعك......

وحدة تسأل اللي جنبها: من أحلى عندك السلومي والا حسن والا أحمد ضاري؟ الثانية ردت : تركي العواد....

وحدة تراقب الفاول ويدها على قلبها واللي جنبها تقول: البارح رحت العقارية..بس ما لقيت شي حلو الله يقطعهم...عبايتك مشتريتها من سيدتي الجميلة؟؟؟؟؟؟؟ ( والثانية معطيتها أشكل



تحياتي

هذول المسلسلات ومالله فكنا من تعليقتهم .. ..


اجل بعد مباراة .. ..


لا تكون بعد لهم رئيسة لرابطة المشجعين .. علشان تكمل ..:D ..


(واحنت حيلي محد معطيه وجه ويناوله .. وهو يطامر وراهم ويصفر ) .. هذي وحدة تتكلم عن الحكم ..:D :D ..



تسلم يا النمر على هذي البسمة ..


واتمتعتنا ..


سلام ..

اللة يديم بسمتك اخوي عاشق


لا هنت


تحياتي