وايش رايكم في هذي الفكرة.. ونبدى بكبير المنتدى..؟؟

.......مرحبا….قهوجى…
انت فتحت لنا باب مدرى كيف..
بيتقفل....
((( الفتاح عندي بلعته ومافيه امل يطلع :D )))


مساء الورد….
((( مساء الببس والدببه كلهم :D )))


مظلوم…
((( شكلكم بديتوا تاخذون علي كل شوي كاتبين اسمي << شفتوه وش حلاته :D مالت علي :D )))


مظلوم..الى هو اخو مظليلم.." حتى لا يكون هناك لبس فى الفهم..عندكم..”
((( هذي العائله الكريمه على اليمين انا وعلى اليسار اخوي :D وبعدين الا تلبسينهم يعني ... خليهم على راحتهم يلبسون اللي يبون :D:D)))


مظلوم. هنا غير مظلوم الى هناك….لان مظلوم الى هنا ..من جد مظلوم..ما هذا…..شرااااااااااااانى..
" ان شالله تكونو ا فهمتوا…شى.."
((( والله تبطين احد يفهم .. انا افهمكم .. انتم تعرفون مظلوم اللي هنا .. اكيد تعرفونه ... وتعرفون مظلوم هذا .. اكيد تعرفونه الحين ... الاول مظلوم .. والثاني شراني ... فستو وشلون سهل << فستو = شفتو بالمظلومي :D )))


الى هنا .ماخذ من الاسم..حروفه بس…
((( مااخذت لاحروف ولا غيره ... لاتسرقين وترمين بلاك على غيرك .. والله ناس ماتجي الا باللسته الحمراء :D وبعدين الا تفضحيني مع ابوي يعني وتقولين ماخذ الحين لو جاء سألني وش اقول له ها :D)))


اما الى هناك….الى هو مظلوم مظلوم..”"يعنى.."
طيب وكريم..يعنى يتحلى بصفه الكرم ..من اسمه كريم.."
قمح….
((( ايه والله قمح من جد ... فستي ان ماعندك سالفه بعد انتي وطلعتي شئ بس مو شئ :D << قمح = امحق بالمظلومي :D والحمدالله من كرمي شوفوني جالس ارد الصاع صاعين وربع :D )))


حساس جدا….جدا..جدا لابعد الحدود كاتب ممتاز اذا شغل الطاسه..
….وغامض شوى..
((( اممممممممممم ( قلنا الحقوق ماخذينه من شيطون مالكم شغل ) اممممممممممم هم اممممممممم وشهد شاهدٌ من اهلها قالت لكم عندي حساسيه للمره الثالثه الحمدالله ماطلعت مو شئ :D اما ممتاز هذي لامحل لها من الاعراب ماعليكم منها تبي توهقني بس على مين ... ترى هي كاتبه بس بدون طاسه يلزمها طاسه صح وتشوون الهوايل .. والطاسه عندي وعندي يبي حش وحش ماعندي :D << طاسه = مخ بالمظلومي :D )))



صعب انك تفهمه من اول مره الا اذا كنت تعرفه من مده..طويله…
((( تلقون الحل في المكتبات .. العبيكان وجرير بس الكميه محدوده .. مو صعب انا :D ... والحل في كتاب اسمه مظاليم اخر زمن .. << اذا لقيته تعالوا خذو فلوسكم وفوقها بوسه بعد :D واكره شئ عندي الطرق الطويله والملتفه مااحبها اعععععع :D)))


فدائى من الدرجه الممتازه…يعنى عندك شى ماشيات.” مايقصر…اف بى اى الوئام..”
((( للمعلوميه باقي كم حجز لنا في شهار وعلى جميع الراغبين تقديم طلباتهم خلال ايام العيد عشان مافيه احد ولا احد يقدم شئ :D والدرجه الممتازه هذي .. شفتوا منصه الملكية اللي في استاد الملك فهد هذي تحتها على طول :D ولاني ماشي لاي مكان جالس على قلوبكم :D )))


عنادى…ولا حط شى فى راسه لازم يسويه…
((( عناااادي يمكن ... واحط شئ براسي عندكم الموضوع هذا داخل نخاشيش طاستي مو راسي وبس :D )))


غير كذا…احيان يكون مندفع…فى حالات نادره .بس ..انه يتراجع….اذا شاف نفسه غلطان..
((( والله اذا شفت بركه بارده في عز الصيف الا ابندفع وانا مغمض عنوني بالنون :D واتراجع اذا لقيت المويه مو شئ :D )))


" اذا ماسوى نفسه الحين غلبان.."
((( دناااااااااا غلباااااااااااااان :D )))


واخيرا رجل اعمال ناجح…
((( قلنا عين الحسود فيها عود محترق المره هذي :D )))


عنده مؤسسه الالقاب المظلوميه…والى كان لى شرف اول لقب فيها…
وعنده شركه مزلوكو بس ماادرى وش نشاطها بالضبط…
((( مؤسسة وقلنا ماشي الكل يعرفها بس الشركه ليه تفضحينا ياعجوز اخر زمن :D )))


متعاقد مع شهار ناوى يرحل لهم اكبر قدر من الوئامين والحمدالله اعداد النزلاء عندهم فى ازدياد
((( اطلعوا لفوق شوي ... سووى بحث عن كلمة شهار تلقون ردي على هذي ... :D )))


يحب..ابو حواجب وموخرا ابو لسان.
((( آه ... جات البنت على الجرح .. ابو حواجب ايام ... ماتتنسى .. الشمس كانت تعذبه وتنتف حواجبه وانا اقول حرام مايصير كذا بس الحمدالله من بعد الملتقى وانا حاجزه عندي وكل يوم اركب له حاجب جديد <<< قمح :D:D اما ابو لسان هذا .. رهيب احس انه بيكون شئ خيالي ان ماكان الحين نننننننناااااااء .. اموت واعرف من اللي سواه ابروح اذبحه عشان مايسوي واحد زيه :D )))


ثانى شخص تعرفت عليه من ايام منتدى ملتقى الشبكات…
انطباعى الاول عنه انه..غلس… ودمه ثقيل.وحاط..فى توقعيه…سيف ونخله…
شعار السعوديه….
((( احم احم ... تحشين في شئ كأني شفت سيف ونخله مع انها سيفين بس نمشيها لك المره هذي .. :D ... وتصدقين عمري ماشفتك من اول بس اهم شئ انتي 3 شخصية اطلق عليها لقب بعد المسافر ولاست هوب اللي هو شيطون :D:D عرفت قهوجي شيطون يطلع مين :D حسيت انك تقول من هذا شيطون اللي مزعجينا فيه .. ماعليك منه ترى ماعنده سالفه بس لايجي ويشوف الهوايل بعدين نروح في ابو نكله من جد .. وش يسكته هو وهنديه اللي ماعرف يحلق شنبه .. وبعد ماقلت له خله يثبت راسه ولا يهزه ويعرف يحلقخ ..اوووووه طلعنا من الفصفصه .. :D:D خلاص نرجع :D )))


قلت خلاص..ه الولد مافيه كلام…الواحد يقول الكلمه معاه بحساب…
((( وليه تتعبي نفسك في الحساب وفي غيره كلها خمسه ريال ( الله يذكرك بالخير ام ريال كانت معنا ايام الملتقى الدكتوره الوفيه ) بس الحين ماهي موجوده معنا ... ماعلينا الحين .. كنت اقول كلها خمسه ريال وآله حاسبه جديده بقراطيسها تحل لك المشكله :D )))


بس حكايه االكلام المحسوب هذى ماتمشى معاى ولا حتى توقف….
((( اكيد عندك آله حاسبه غاليه اجل :D:D مو ام خمسه ريال :D)))


ومن قراد الحظ ..ولا من حسن الحظ اول واحد بديت افتح معاه حوار وارتحت له من الشباب..
((( ومن قراد الحظ والا قرادة الحظ.. يلا مشي المره هذي ياما حنشوف صرتي ام الاغلاط المطبعيه منتي العجوز :D طبعاً اكيد عدوى من مظلوم بتقولي بس على مين ... انا اللي ماخذ العدوى مو انا اللي فيني الحساسيه مو انتي :D ... بسبوسه من جد سعدت والله بوجودك معي دائماً وهذا شئ يفرحني وشئ خلاني اتمسك اكثر بالاخوه والمحبه اللي بيننا ))) تسلمي << من القلب وقسم :D


…
((( زائده لامحل لها من الاعراب بس تحب تقلد عشان انا دايم انقط :D عسل طبعاً :D )))


هو مظلوم الى هو الطيب..ومو الشرانى طبعا…
((( ايه دنيا ... وينك يالرجل الطيب تشوفك اسمك يهبل مع اسمي :D بس الشراني هذا مااعرفه للاسف خلاص عرفوني عليه مع مظلووووم ابو الواوات هذا :D )))


الوحيد الى اطن انه..ممكن يوازيه…فى الحش..لاست هوب…
يعنى طالما لاست مو فيه انسى اننا بنقدر عليه..
((( والله لا لاست هوب ولا شيطون .. انا ماقلت شئ فيهم وجالس ادافع عن حقوقه بعد .. لازم يصف معي .. مع انه قليل خاتمه وملكع لكاعه الله لايوريكم .. مو انا تلميذ اصير عنده بس ادعو الله معي انه يجي ان شاءالله يذبحني :D << بس لايدري عن الموضوع هذا ماني ناقص افصفص وهو يجي يفصفصني يعرف حاجات كثيره مو شئ :D)))


اخر شى اكتسفته.
((( ماقلت لك عندك موهبة غير الرسم والقراءه .. تحبي الاكتشاف :D )))


اذا جلس بروحه فى البيت…وماعنده احد غيرنا…خلاص…تجيه الحاله..
وتصير فوه المزح عنده مضاعفه…
يعنى ساعه بث يوميه اربع وعشرين ساعه..
((( يعني بالعربي انسان << اي انسان واللي يرحم والديك ... انسان هادئ مايطلع له صوت بس يفتح فمه ويقابل النت طول اليوم :D والحاله الظاهر تعرفونها زين الحين بعد الموضوع هذا والجنيه مكانك راوح .. تصدقون على طاري الجنيه .. اخيراً هبلت فيها وحجزت لها غرفه في شهار جنب سويت حق الاصلي ( بنت الاصايل ) عرفت قهوجي ... وسويت العجوز ... :D انتهى الطاري :D )))


والله يعينا فى العيد ..عاد..تشوف الحوسه الى بعدهاالوافى يطردنا…
طرده..الله لا يوريك…
((( بالعكس انا في العيد على طول من المسجد للبيت ماروح لاهنا ولا هناك بس اجي المنتدى ابارك واعيد لوحدي :D:D واذا جاء الوافي حطيت رجلي ورجعت بعدها وقلت وش صاير .. ولو سألوني اقول المعرف انسرق نياهاهاهاهاهاهااااااااااه ... مثل ماسرقت ضحكت عشوقه ( سلطعونه السعبوله ) عرفت قهوجي :D )))


كم مره كان يتسبب فى فصلنا …
((( تصدقين توني ابعد ماعرفت اصابعي 20 وماكفوو :D <<< اصابع رجولي لاتنسونهم ماني مضيع منك له له لها لها .. وزعوها زي اللي قبلها بينكم :D )))


والباقى اكثر بس خل غيرى….يتكلم…
((( زين سويتي بس هم وين الباقي .. شكلهم كلهم نايمين والا خايفين .. زي عنيزاويه جات ورتني وجهها وانحاشت ماادري يمكن جات الحين .. خلني ارد واشوف :D )))


سلام
((( وعليكم السلام ... بالف واحده بين اللام والميم :D:D)))

......
((( زائده زي اللي قبلها لامحل لها من الرد ... قلوده نمبر ون :D )))


الخلاصه ..

ابس 33 الملقبه بالعجوز الخطابه ...


ماقصرتي والله اختي الغاليه ...

وهذا شئ منكم واليكم والسلام عليكم .. <<< سردين جايبتها منين ماادري :D ..

وفعلاً انا بدونكم والله مااسوى شئ ابداً فالله يحفظ الجميع ويديم المحبه اللي بين الجميع بكل خير وعلى طول يارب .... قولوا امين


انتهى الرد .. :D


اللي بعده ...

مظلـــــــــــــ:D:D:D:D:Dــــــــــــــــــوم

ياصباح الخير

على بركة الله ياقليل الخاتمة يامظلوووم جايك طال عمرك اصبر علي

هالحين قهوجي شفت هالخبل مظلو راز خشمه علينا مسوي فيه

فعايل وعمايل ام إبراهيم

ياحبي لهالثلاجات على قول وافي جابتها القمر البحار يعني جماد قلبوك

صرت بالعربي دلو ()

ياعيني والله وطقة على راسك حلو وشان هجوم على البنات ياويلكم

اقول انا عارف هالكلمة ماراح تحظمها حتى بعد مية سنة قدام الدلو

متى يفهم ( ترى هذا برجك توني دريت

وبعدين ماتقولي واش اللي مخلي البطاريات على التسعة فولت اكيد

وراك مصيبه والا من حقك جدوال قاعد تشحن للبقية الى النهار ماقلت

لك ضمان مشاعل الخليج مافي فكة وراه وراه حسبي الله عليك ونازل

تجريح في الخلايق وتقول مااستخدمت مشارط اي مشارط الله يشرط

خشتك (قوية تحملها :D )

وبعيدن تعال اقولك كاني شفتك على باب المنتدى مركون في الزاوية

ليش اكيد مراك مصيبه معلوم انت مايجي منك في هالنقاشات إلا

سمة البدن :p

والطامة الكبرى انك تمغط الرد مغط ياخي حس شوي كل هذا شرشحة

في خلق الله ماصدق الا تبرير موقف ماله سنع :D

وحسبي الله عليك بلاوي انت الي بلاويك راميها على خلق الله نسيت

الصبح يوم امتحنتني الا اشتري لك حلاوه غصب هذي والله البلشة :p

((( عشاني مظلومي واحمل الجواز الدبلوماسي المظلومي لازم الحذر )

طيب ياحظرة السفير صدقي وحصانة دبلوماسية مدبلين

البودي جاردات معك ( هذي معناها محل ادوات تجميل :D )

يقولون له ذي بدوي شوب (:p ) وطلعت مثل المسافر الله يقلع شرك

اي ماصمل هذا وانا ابتوطى في خشمك ممتحني ليل نهار حتى في

ردود الخلايق يالله ماقول غير ربي يفكنا من هاللزقة

وتبي صاع ( لايالقعيطي وفي رواية قريطي ) دايم تاخذ بس ماتعطي

وش هذا والله استفدنا منك اقول لاشوف رقعت وجهك من اليوم بسوي

مقاطعة للبضائع الامريكية ( اللي هو انت :D )

وشهار هذا باقي ورانا ورانا ياربي وش هالمغثة يسرد كل اللي قاله

من سنة في دقائق اف عليك ذاكرة ( ماني قايل ماشاء الله :o )

عشان تريحنا منك ونفتك

وقال ايه خفة ظل الا غيمة ظلم (:p )

وانا مسوي معاك اشتباك مو احتكاك تخق عليك هالسوالف :D

ياربي انت وش مسوي بخلق الله هذا كان واحد يشتكي الموضوع صار

دبل كلك ( ركبها غلط ) مو محلها هنا بس عقلك يستاهلها

وبعدين تعال اقولك وش هذا



هذا الحبيب من وين جاي قسم بالله شكله العفريت الي مسوي فيك

كل هالبهاذيل ياخوي هو احنا ناقصين

طيب يالفياجرا رخصه دوليه مو كل العالم يحكي عنك مغفل لاتحسبها

في صالحك تراهم يقطعون بالساطور بعد :D

اما هذي (غلى المنتدى من غلاكم وبدونكم المنتدى مايوسى شئ

والله ) ماقدر اناقشك فيها

( عين الحسود فيها عود معفوط بعد ) فضحتنا الله يفضحك وش ذا

قلبت المنتدى ورشة ياربي لك الحمد

( الحبل وهو معقود ) طيب يافريق الكشافة ارحمنا :p

(مو فخار لا فخر من يحي الفخراني ) بعد هذي لصق غصبن عليك

وغصبن للتوكيد بالنون من حقك طالع فاشل عليك :D

(امممممممم حقوق شيطون ماشفتي انا وش قلت للمسافر يعني

ترى اخلي شيطون يجي يتوطئ ببطنك حقوقه لاتجينها) انت هالحين

جيب شيطون وخلنا نشوف يانا ياهو ( من موقع الياهو جايه )

وافي بعده وافي بعده سرابوه بعدها هم وافي خلـــــــــــــصنا منهم

فصفصناهم للحديده ( لا والله شكلك انت اللي بتتفصفص بعد هين

لاكملت مشوارك الفني ( طيب ياباسكرت بويز :D ) هنا محلها غصب

قهوجي ( ياويله عاد مظلوم من وافي مخصوم منك يومين هذا ماوردنا

الى هذه اللحظة <----------- ( الجزيرة من قده :D )

(خله يقوم من اللي جاه بالاول بعدين يجي لو قدر ... الى الحين جالس

يدور خشمه ) لا والله اني لقيته عند الركن بعد ماقفلت الماسنجر منك

ياظالم ( مسوي فيها منظمة جديدة وش رايك يمدحون محرك البحث

الي في المنتدى ياخي ماقصر جاب الخشم بالسانتي ( خياط الاخ:D )

(ظااااااااااااااااااااااااااااااالم هذا ...... مو مظلوووووووووووم ) انمغط

بلاه من المصيبه الي يشوفها فيك :o ياويلك والله على راسك باقي :D

(ههههه طلعت سفينه صحراء وانا ماادري .. << مو حوار يامسافروووه

منك لله ) ايه هين وزين لاكنت حوار اخخخخخخ :D

واي برودة الي يحتفظ فيها هالخبل الا يبيله مغط في هالصحاري قال

حوار اسلم يالصدقي

فيه هنا استفهام كبر راسي والله ( ايو الله الدلو دلو من قدك ياعم :p )

(انطرونا ) لا طال عمرك فرقاك عيد وبما ان العيد على الابواب العيد

عيدين مع اندومي ( شغل شغالات الله لايبلانا :p )

وخلنا شوف الجاي

سلام

المسافر...

:D :D :D :D :D :D :D :D :D

سلام من جديد

ابووووسة ياويلك فتح النار عليك مظلوم من جديد تحملي الرد الشين

الي نزله عاد

حساس جدا….جدا..جدا لابعد الحدود كاتب ممتاز اذا شغل الطاسه

وبعد لاغامض شوي ياويله ابعدوا عنه بيذبحها اليوم

لاتذبحها هالحين العيد باقي عليه شهرين و12 يوم ويمكن 11 :D

(فدائى من الدرجه الممتازه) امحق من فدائية :p الا مغثة ولزقة

في نفس الوقت :D

عنادى…ولا حط شى فى راسه لازم يسويه معلوم الاخ صعيدي لاقفلت

معه ماينفع الصوت ( ايه الصوت مو من التكفيخ لا من كثر الهذرة :o )

متعاقد مع شهار ناوى يرحل لهم اكبر قدر من الوئامين والحمدالله اعداد

النزلاء عندهم فى ازدياد ) بلاه من المكسب قاعد على الباب زي اللي

في قرية النخيل في عمان ( في الادرن يادلخ لاتفهم غلط :D )

(يحب..ابو حواجب وموخرا ابو لسان) ايه من حقه الشمس بس وينها

عنه ربنا يوفقها .

(ثانى شخص تعرفت عليه من ايام منتدى ملتقى الشبكات) ايه الله

يعيد ذيك الايام يوم يغثني ليل ونهار الا والا يقلب القسم

قلت خلاص..ه الولد مافيه كلام…الواحد يقول الكلمه معاه بحساب

هين ياللي ماسك الاف بي اي ( لاتحلم اصلا :D )

يعنى ساعه بث يوميه اربع وعشرين ساعه.. طيب يالاوربت الله واكبر

على شرك ( :D ) ( مافي ماشاء الله )

(الفتاح عندي بلعته ومافيه امل يطلع ) فاتح بطنك مخزن الله لايبلانا :o

كمان مافيه ماشاء الله ( )

((( هذي العائله الكريمه على اليمين انا وعلى اليسار اخوي وبعدين

الا تلبسينهم يعني ... خليهم على راحتهم يلبسون اللي يبون )))

اووووه معيدين من بدري الله يستر:p

( لاتسرقين وترمين بلاك على غيرك ) فكونا من المحاكم هنا حفرنا

وهنا دفنا :D

(واخيرا رجل اعمال ناجح… ) والله لانتحر لاصار رجل اعمال مابقا الا

مظلوم

ومن قراد الحظ والا قرادة الحظ.. يلا مشي المره هذي ياما حنشوف

صرتي ام الاغلاط المطبعيه مدقق الوورد موجود :D

((( يعني بالعربي انسان << اي انسان واللي يرحم والديك ... انسان

هادئ مايطلع له صوت بس يفتح فمه ويقابل النت طول اليوم ) معلوم

امحق من انسان والله

((( بالعكس انا في العيد على طول من المسجد للبيت ماروح لاهنا ولا

هناك بس اجي المنتدى ابارك واعيد لوحدي مو الناس تبي الفكة اريح

من وجدوك لا والله وحتى يوم العيد على على قلوب البشر الحمد لله

على النعمة :D والحمد لله الي شفانا مما ابتلاكم به

منك له له لها لها .. وزعوها زي اللي قبلها بينكم ( لا واللي يرحم

والديك الله لايشكر فضلك :D ناقصين بلاوي حنا

شكلهم كلهم نايمين والا خايفين ( لا والله موجودين بس نجهز اسلحتنا

يمكن نضرب ارض جو الليلة :D

وعليكم السلام ... بالف واحده بين اللام والميم لا والله استخف المزيون

هذا :D كل سلام فاصل بينهم طيب ياعلانات الام بي سي ارحمنا


وفعلاً انا بدونكم والله مااسوى شئ ابداً فالله يحفظ الجميع ويديم المحبه اللي بين الجميع بكل خير وعلى طول يارب .... قولوا امين

آمين ربنا ياخذك ياخوي :D

وكمان انهتى الرد هنا سلام ( مافي فواصل غصب عليك بدون نون )

المسافر...

مسافر.........


انا ناقصتك.....

..
هين


على قولهم..لك..يوم..
ولى يوم..

لحظه

لحظه بابا سنفور


وش جابك ...بلا لقافه

دوري ...

ولايهمك عقب ما اطيح الي براسي بعطيك اياه تكمل عليه



اهلييييييين وسهلييييييييين مظاليمو بيك

عهعهعهعهااااااا

جيت والله جابك

ياخي من زمان عنك

وش اخبارك..يالقاطع

مظلووووم وما ادراك مامظلوم

مظلوم هذا فلتة زمانه <<(لاتصدق ترا تجيني حالات ابدا اخرف)

عرفته من ايام الملتقى..هو اول من اطلق علي اللقب الشهير( ام كليجا) واللي اعتزبه واعتبره وسام على صدري <<(اللي يسمع يقول وسام الملك عبد العزيز .. اقول قومي بس مناك اخخخخ صج ماعندج سالفه :D )
احيانا تشوفه راكد وش احليله كالحمامه الوديعه<<(اما حمامة ووديعه كثري منها ) عقل وثقل ..كلام موزون ماعندك بازين منه
واحيانا تحس انه رسمي زياده عن اللزوم .وبصراحه يقهرني بهالحاله لدرجة ان ودي اعجنه ..:D
واحيانا..تجيه جنونته ويصر الله يخلف.. يقلب المنتدى فوق تحت..ينزلك مواضيع ماتدر ي بدايتها من نهايتها..ومتى تعرف ان الحاله تازمت معه لما ينزل اصدار جديد من سلسة مجانينو ..في هالحاله انصح الي مايعرفونه انهم يبتعدون عنه لين ماتروح عنه لانها معديه
مظلوم خدوم مره مايقصر ولا انسى له يوم اضيع توقيعي وجلس يحفر بين المواضيع لين لقاه <<(الحمدلله ياربي قال ايه خدوم اللي يسمع يقول لاقي لك خاتم سليمان ..صج ماعندج سالفه مكرر )..مشاء الله عليه مرح..فيه خفة دم غير طبيعيه..على تعليقات تفطس ضحك مدري منوين يجيبها<<..(ياشيني لقمت اارنب تالي الليل )
الي يشوفه ومايعرفه من قبل يقول هذا خالى من الهموم..
تحري غير طبيعي .اي قضيه او جريمه على طول يطلعلك ملابساتها والمتسبب فيها..نشيط جدا ومحب جدا للمنتدى والدليل انه ناشب المنتدى طول الوقت.(.اقول ماعندك شغل ..قم فز ريح هالكرسي اللي تحتك:p )..طيب.. خلوق ..اكثر مايعجبني فيه اذا حس انه غلطان سارع بالاعتذرا ...
وش باقي بعد ماقلت


حساس جدا….جدا..جدا لابعد الحدود كاتب ممتاز اذا شغل الطاسه..
….وغامض شوى.. <<(ولو اني شاكه فيها ) بس للامانه.. تراي سارقتها ..والله ماحد قالك يابسبسوسه تنشرين غسيلك بالسطح ...:D

نكتفي بهذا القدر.لان بنزيني قرب يخلص...ونشوفكم ان شاء الله على خير بعد تعبئة التانكي من اقرب محطه .....

حتى انت ام كليجا...........


لانى مودبه...ماراح ارد على احد....
والى بسرق شى ياخذه...

مااقول...












الله يجزايه...
:o

ها اليوم صباح الخير بعد

ماهنا شرطة مرور :D

ياعيني اليوم جمعة شكل الشعب نايم

والا الفصفصة في الطريق الله يعين خل ننتظر ونشوف

المسافر

احم احم ..

اقول انت ايه انته ابو خشم مسافروه بيه .. بما انك اجبرتني اني ارد مره ثانيه عليك ..

ابقول لك كلمة وحده بس تكفيك وبعدها لقط وجهك زي ماتبي

الموضوع طرح للفايده صح ... بعدين الدور دوري صح ... انت وش تبي الحين .. وليه منزل ردود وفصفصه في خلق الله وانت اصلاً متفصفص خلاص ..

يعني الزبده وبسكات لغط وجهك ومع السلامه من غير مطرود اذا جاء دورك ورينا شطارتك يابابا سنفور :D

بعدين الماسنجر لي ساعه وانا اطب في بطنك ليه ساكت :D

المهم كل كلامك ملخبط .. اول ابروح اجيب استاذ املاء يصلح الاغلاط بعدين اجيب استاد مكتبه وبحث يرتب كل كلامك ملخبط زيك ... :D

ذيك الساعه ولين جاء دورك اوريك شغلك .. نننننننناااااء :D

فهمت الحين .. خلني اشوف الزبائن وانا مرتاح من قرقتك مسااااافروه .. وليتها على سنع عاد


الله يعطينا العقل بس .. :D

تشاااااااااو مسافروه بيك ..

مظلــــــــــــــ( حط ابو حواجب هنا )ــــــــــــــوم

عنيزاويه .. شفتي ردك هذاك اللي فوق كله .. سوي لصق ولزق له هنا وحطيه بين الكلمات تشوفين الفصفصه المختفيه :D ..


مو شئ .. بس انتي شئ ...

معليش ابختصر واقول اللي عندي مره وحده ..

اولاً تسلمين لي على كلامك الجميل .. واحمدي ربك ان الحاله ماهي فيه الحين والا كان علوم فصفصت ردك كلمة كلمة .. لكن خلاص بطلنا لعب :D المهم اختي الغاليه .. اشكرك كل الشكر على مجاملتك اللطيفه ... واعتز بان لي اخت لااعرفها في هذا المنتدى الرائع ..

فاصله :
ايضاً وباخلاق عاليه تشاركني فرحي وحزني ... << خاطرتي لديها ذلك :D

مو قلنا خلاص .. :D

تيب تيب .... انتي ياللي في بالي .. خلاص المره هذي بس اخر مره

مالكم شغل ماهي عنيزاويه ولا شئ .. بس اكلم خاطرتي مرت علي :Dواغلى خاطره عندي والله ... :o ياترى انتي نايمه والا صاحيه :D

المهم نرجع للعنيزاويه ... والحين يمكن صار شئ مني وقلتيه في ردك .. والحين جائ اعتذر اذا كنت غلطت في حق احد بخصوص الموضوع هذا من .. اخاف انه فيه احد زعل .. حسيت كذا ... من طاستي ... المهم ماعلينا .. لولا غلاكم كان ماقلت كذا ...

حتى شوفو اللي غاثكم وطردناه خلاص مسافروه بيك ..

واتمنى والله ان يديم المحبه بين الجميع ... واشكرك اختي بنت عنيزه لذوقك ...

واعتذر لكل من القهوجي والوافي والقمر البحار وابس33 والمسافر واردينا وسراب .. امممممممممم ماادري اذا باقي احد كنت مفصفصه .. :D المهم الجميع ... واتمنى ان يديم البسمه على شفاه الجميع ان شاءالله .. وراجع لكم ان شاءالله ان جد جديد في الموضوع ..


بس مايصير من جد للي صار لو جينا للواقع .. حتى لو ماتكلم صاحب الموضوع .. لكن خاطره ماقصرت نبهتني للشئ هذا وبدوري وبطريقتي وصلته لكم .. فاهم مسافروه بيك شفت وش سويت كله منك <<< لاترمي بلاويك على الناس :D

يلا قهر وبس .. يوم جات على عنيزاويه يصير كذا في الحاله ... والله البنت هذي عليها حظ غريب ... والفضل يرجع للخاطره ... فلولا الله ثم هي كان مظلوم حاس الدنيا وزعل العالم وهو مو ناقص هم :o واللي يبي يعرف ماادري يضيع يروح لموضوع طفل ضائع :D يمكن يلقى شئ :D يفهمه ...

المهم .. واصلو الهمه .. وشاركو معنا الموضوع الجميل ..

واخوي القهوجي فوق العين والراس من فوق ... ويستاهل كل خير والله ..

انطرونا قريباً في جديد الموضوع ....

مظلــــــــــــــــــــ( بدون وجيه المره هذي )ـــــــــــــــوم

ابي اقهر عنيزاويه ... تنقهر وانا رسمي :D:D